ਸੇਰੇਬਰਲ ਪਾਲਸੀ ਤੇ ਮਲਟੀਪਲ ਡਿਸਏਬਿਲਿਟੀਜ ਬੱਚਿਆਂ ਲਈ ਔਗਮੈਂਟੇਟਿਵ ਅਤੇ ਅਲਟਰਨੇਟਿਵ ਕਮਿਊਨੀਕੇਸ਼ਨ `ਤੇ ਵੈਬੀਨਾਰ

ਅੰਮ੍ਰਿਤਸਰ, 30 ਮਾਰਚ (ਖੁਰਮਣੀਆਂ) – “ਐਗਮੈਂਟੇਟਿਵ ਅਤੇ ਅਲਟਰਨੇਟਿਵ ਸੰਚਾਰ ਜਦੋਂ ਸਹੀ ਢੰਗ ਨਾਲ ਵਰਤਿਆ ਜਾਂਦਾ ਹੈ ਤਾਂ ਸੇਰੇਬ੍ਰਲ ਪਾਲਸੀ ਅਤੇ ਮਲਟੀਪਲ ਡਿਸਏਬਿਲਿਟੀਜ਼ ਵਾਲੇ ਬੱਚਿਆਂ ਲਈ ਸੰਚਾਰ ਦੀ ਰੁਕਾਵਟ ਨੂੰ ਦੂਰ ਕਰਨ ਵਿੱਚ ਮਦਦ ਮਿਲ ਸਕਦੀ ਹੈ ਅਤੇ ਉਹਨਾਂ ਨਾਲ ਗੱਲਬਾਤ ਕਰਨਾ, ਸਮਝਣਾ ਇਸ ਸੁਚਾਰੀੂ ਪ੍ਰਕਿਰਿਆ ਰਾਹੀਂ ਹੋ ਸਕਦਾ ਹੈ।ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਸਕੂਲ ਆਫ਼ ਐਜੂਕੇਸ਼ਨ ਵੱਲੋਂ ਵਾਈਸ ਚਾਂਸਲਰ ਪ੍ਰੋ. (ਡਾ.) ਜਸਪਾਲ ਸਿੰਘ ਸੰਧੂ ਦੀ ਅਗਵਾਈ ਹੇਠ ਸੇਰੇਬਰਲ ਪਾਲਸੀ ਅਤੇ ਮਲਟੀਪਲ ਡਿਸਏਬਿਲਿਟੀਜ਼ ਵਾਲੇ ਬੱਚਿਆਂ ਲਈ ਵਿਕਲਪਕ ਸੰਚਾਰ” ਵਿਸ਼ੇ `ਤੇ ਆਯੋਜਤ ਵੈਬੀਨਾਰ ਵਿੱਚ ਮਾਹਿਰਾਂ ਨੇ ਆਪਣੇ ਵਿਚਾਰ ਪੇਸ਼ ਕੀਤੇ।ਵੈਬੀਨਾਰ ਦਾ ਮੁੱਖ ਮੁੱਦਾ ਵਿਸਤ੍ਰਿਤ ਅਤੇ ਵਿਕਲਪਕ ਸੰਚਾਰ ਰਣਨੀਤੀਆਂ ਨਾਲ ਜਾਣੂ ਕਰਵਾਉਣਾ ਸੀ।ਇਹ ਪਹਿਲਕਦਮੀ ਅਧਿਆਪਕਾਂ, ਵਿਸ਼ੇਸ਼ ਸਿੱਖਿਅਕਾਂ, ਮਾਪਿਆਂ ਅਤੇ ਹੋਰ ਪੁਨਰਵਾਸ ਪੇਸ਼ੇਵਰਾਂ ਨੂੰ ਸੰਚਾਰ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਹੇ ਬੱਚਿਆਂ ਨਾਲ ਨਜਿੱਠਣ ਲਈ ਪ੍ਰਭਾਵਸ਼ਾਲੀ ਤਰੀਕੇ ਤਿਆਰ ਕਰਨ ਵਿਚ ਮਦਦ ਪ੍ਰਦਾਨ ਕਰੇਗੀ।ਇਸ ਵੈਬੀਨਾਰ ਵਿੱਚ ਨੈਸ਼ਨਲ ਇੰਸਟੀਚਿਊਟ, ਯੂਨੀਵਰਸਿਟੀਆਂ ਅਤੇ ਕਾਲਜਾਂ ਦੇ 140 ਫੈਕਲਟੀ ਮੈਂਬਰਾਂ ਅਤੇ ਭਾਰਤ ਦੀਆਂ ਵੱਖ-ਵੱਖ ਵਿਦਿਅਕ ਸੰਸਥਾਵਾਂ ਦੇ ਖੋਜ ਵਿਦਵਾਨਾਂ ਨੇ ਭਾਗ ਲਿਆ।
                    ਮਹਿਮਾਨਾਂ ਦਾ ਸਵਾਗਤ ਕਰਦਿਆਂ ਵਿਭਾਗ ਦੇ ਮੁਖੀ ਪ੍ਰੋ. ਦੀਪਾ ਸਿਕੰਦ ਕੌਟਸ ਨੇ ਵੈਬੀਨਾਰ ਬਾਰੇ ਸੰਖੇਪ ਵਿਚ ਜਾਣਕਾਰੀ ਦਿੱਤੀ ਅਤੇ ਕਿਹਾ ਕਿ ਔਗਮੈਂਟੇਟਿਵ ਐਂਡ ਅਲਟਰਨੇਟਿਵ ਕਮਿਊਨੀਕੇਸ਼ਨ (ਏ.ਏ.ਸੀ) ਅਪਾਹਜ਼ ਬੱਚਿਆਂ ਲਈ ਸੰਚਾਰ ਅੰਤਰ ਨੂੰ ਪੂਰਾ ਕਰਨ ਦਾ ਇੱਕ ਤਰੀਕਾ ਹੈ ਤਾਂ ਜੋ ਉਹ ਸੁਤੰਤਰ ਰੂਪ ਵਿੱਚ ਸੰਚਾਰ ਕਰ ਸਕਣ, ਜੁੜ ਸਕਣ ਅਤੇ ਆਪਣੀਆਂ ਜਰੂਰਤਾਂ ਨੂੰ ਪ੍ਰਗਟ ਕਰ ਸਕਣ।
                  ਵਾਈਸ ਚਾਂਸਲਰ ਪ੍ਰੋ. (ਡਾ.) ਜਸਪਾਲ ਸਿੰਘ ਸੰਧੂ ਨੇ ਵੈਬੀਨਾਰ ਦਾ ਉਦਘਾਟਨ ਕਰਦਿਆਂ ਦੱਸਿਆ ਕਿ ਸਾਡੀ ਸਿੱਖਿਆ ਪ੍ਰਣਾਲੀ ਵਿੱਚ ਵਧ ਰਹੀ ਅਸਮਾਨਤਾ ਨੂੰ ਦੂਰ ਕਰਨ ਦੀ ਲੋੜ ਹੈ।ਅਧਿਆਪਕ ਨੂੰ ਵੱਖ-ਵੱਖ ਕਿਸਮਾਂ ਦੇ ਅਪਾਹਜ ਵਿਦਿਆਰਥੀਆਂ ਦੀਆਂ ਸਿੱਖਣ ਦੀਆਂ ਲੋੜਾਂ ਨੂੰ ਪੂਰਾ ਕਰਨ ਲਈ ਅਧਿਆਪਨ ਅਤੇ ਸਿੱਖਣ ਦੀ ਪ੍ਰਣਾਲੀ ਨੂੰ ਢੁੱਕਵੇਂ ਰੂਪ ਵਿੱਚ ਢਾਲਿਆ ਜਾਂਦਾ ਹੈ।ਪ੍ਰੋ. ਸੰਧੂ ਨੇ ਰਾਸ਼ਟਰੀ ਸਿੱਖਿਆ ਨੀਤੀ (2020) ਦਾ ਜ਼ਿਕਾਰ ਕਰਦਿਆਂ ਕਿਹਾ ਕਿ ਵਿਦਿਅਕ ਸੰਸਥਾਵਾਂ ਦੀ ਸ਼ਮੂਲੀਅਤ `ਤੇ ਵਿਚਾਰ ਕਰਦੇ ਹੋਏ ਇਸ ਨੂੰ ਹੋਰ ਵਧੀਆ ਬਣਾਉਣ ਲਈ ਯਤਨ ਕਰਨ ਲਈ ਤਰੀਕੇ ਵੇਖਣੇ ਚਾਹੀਦੇ ਹਨ।ਪ੍ਰੋ. ਸੰਧੂ ਨੇ ਇਸ ਪਹਿਲਕਦਮੀ ਲਈ ਸਕੂਲ ਆਫ਼ ਐਜੂਕੇਸ਼ਨ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ।
                ਕੁੰਜੀਵਤ ਭਾਸ਼ਣ ਵਿੱਚ ਨਚੀਕੇਤਾ ਰਾਊਤ, ਡਾਇਰੈਕਟਰ, ਨੈਸ਼ਨਲ ਇੰਸਟੀਚਿਊਟ ਫਾਰ ਪਰਸਨਜ਼ ਵਿਦ ਮਲਟੀਪਲ ਡਿਸਏਬਿਲਿਟੀਜ਼ (ਐਨ.ਆਈ.ਈ.ਪੀ.ਐਮ.ਡੀ), ਸਮਾਜਿਕ ਨਿਆਂ ਅਤੇ ਸਸ਼ਕਤੀਕਰਨ ਮੰਤਰਾਲੇ ਨੇ ਸੰਚਾਰ ਦੇ ਇੱਕ ਕਿਸਮ ਦੇ ਰੂਪ ਵਿੱਚ ਸੰਸ਼ੋਧਿਤ ਅਤੇ ਵਿਕਲਪਕ ਸੰਚਾਰ ਬਾਰੇ ਜਾਣਕਾਰੀ ਦਿੱਤੀ।ਉਨ੍ਹਾਂ ਕਿਹਾ ਕਿ ਅਪੰਗਤਾ ਦੀ ਪ੍ਰਵਾਹ ਕੀਤੇ ਬਿਨਾਂ ਬੱਚਿਆਂ ਲਈ ਸੰਚਾਰ ਜਰੂਰੀ ਹੈ।ਉਸ ਨੇ ਵੀਡੀਓ ਰਾਹੀਂ ਦਿਖਾਇਆ ਕਿ ਕਿਵੇਂ ਅਪਾਹਜ ਬੱਚਿਆਂ ਨੂੰ ਵਿਦਿਅਕ ਤੌਰ `ਤੇ ਇੱਕੋ ਪੱਧਰ ਉਪਰ ਰਹਿਣ ਲਈ ਜਾਂ ਘੱਟੋ-ਘੱਟ ਆਪਣੇ ਸਾਥੀਆਂ ਦੇ ਬਰਾਬਰ ਰਹਿਣ ਲਈ ਲਾਭ ਪੁਚਾਇਆ ਸਕਦਾ ਹੈ।ਰਾਊਤ ਨੇ ਸਟੀਫਨ ਹਾਕਿੰਸ ਦੀ ਸਫਲਤਾ ਦੀ ਕਹਾਣੀ ਦਾ ਜ਼ਿਕਰ ਕਰਦਿਆਂ ਦੱਸਿਆ ਕਿ ਉਹ ਏ.ਏ.ਸੀ ਦੀ ਵਰਤੋਂ ਨਾਲ ਕਿਵੇਂ ਲੈਕਚਰ ਦੇਣ ਦੇ ਯੋਗ ਸਨ।ਉਨ੍ਹਾਂ ਇਹ ਵੀ ਦੱਸਿਆ ਕਿ ਏ.ਏ.ਸੀ ਦੀ ਵਰਤੋਂ ਚਾਣਕਯ ਦੇ ਸਮੇਂ ਤੋਂ ਹੀ ਕੀਤੀ ਜਾਂਦੀ ਰਹੀ ਹੈ ਅਤੇ ਸੇਰੇਬਰਲ ਪਾਲਸੀ ਅਤੇ ਮਲਟੀਪਲ ਡਿਸਏਬਿਲਟੀ ਵਾਲੇ ਬੱਚਿਆਂ ਲਈ ਇਸ ਦੀ ਪ੍ਰਭਾਵੀ ਵਰਤੋਂ ਕੀਤੀ ਜਾ ਸਕਦੀ ਹੈ।