ਚੇਅਰਮੈਨ ਸੁਨੀਲ ਦੇਵਗਨ ਨੂੰ ਸਦਮਾ, ਮਾਤਾ ਪ੍ਰੇਮ ਦੇਵਗਨ ਦਾ ਦਿਹਾਂਤ

ਅੰਮ੍ਰਿਤਸਰ, 17 ਅਪ੍ਰੈਲ (ਵਰੁਣ ਸੋਨੀ) – ਜੰਡਿਆਲਾ ਪ੍ਰੈਸ ਕਲੱਬ ਦੇ ਚੇਅਰਮੈਨ ਸੁਨੀਲ ਦੇਵਗਨ ਦੇ ਮਾਤਾ ਪ੍ਰੇਮ ਦੇਵਗਨ (70) ਪਤਨੀ ਸਵਰਗੀ ਬਰਜਿੰਦਰ ਦੇਵਗਨ ਦੇ ਅਚਾਨਕ ਵਿਛੋੜਾ ਦੇ ਜਾਣ ਨਾਲ ਸੁਨੀਲ ਦੇਵਗਨ ਨੂੰ ਭਾਰੀ ਸਦਮਾ ਲੱਗਾ ਹੈ।ਕਲੱਬ ਪ੍ਰਧਾਨ ਵਰਿੰਦਰ ਸਿੰਘ, ਸਮੁੱਚੇ ਅੰਮ੍ਰਿਤਸਰ ਦਿਹਾਤੀ ਤੇ ਸ਼ਹਿਰੀ ਦੇ ਪੱਤਰਕਾਰ ਭਾਈਚਾਰੇ ਤੋਂ ਇਲਾਵਾ ਵੱਖ-ਵੱਖ ਰਾਜਨੀਤਿਕ, ਧਾਰਮਿਕ ਤੇ ਸਮਾਜ ਸੇਵੀ ਆਗੂਆਂ ਵਲੋਂ ਉਹਨਾਂ ਨਾਲ ਦੁੱਖ ਪ੍ਰਗਟ ਕੀਤਾ ਗਿਆ।ਦੱਸਣਯੋਗ ਹੈ ਕਿ ਕਰੀਬ 7 ਸਾਲ ਆਪਣੇ ਪਤੀ ਦੇ ਵਿਛੋੜੇ ਤੋਂ ਬਾਅਦ ਹੁਣ ਸਵ. ਮਾਤਾ ਪ੍ਰੇਮ ਦੇਵਗਨ ਪਿੱਛੇ ਦੋ ਬੇਟੇ ਇਕ ਬੇਟੀ ਅਤੇ ਦੋ ਪੋਤਰੇ ਛੱਡ ਗਏ ਹਨ।ਮਾਤਾ ਜੀ ਦਾ ਅੰਤਿਮ ਸੰਸਕਾਰ ਹਿੰਦੂ ਰੀਤੀ ਰਿਵਾਜ਼ਾਂ ਅਨੁਸਾਰ ਅੱਜ ਦੁਪਹਿਰ ਸ਼ੀਤਲਾ ਮੰਦਿਰ ਸ਼ਮਸ਼ਾਨਘਾਟ ਵਿਖੇ ਕਰ ਦਿੱਤਾ ਗਿਆ।