ਸਪੇਨ ਦੇ ਖੋਜ਼ੀ ਨੇ ਬੁੱਢਾ ਦਲ ਦੇ ਇਤਿਹਾਸ ਬਾਰੇ ਲਈ ਜਾਣਕਾਰੀ

ਅੰਮ੍ਰਿਤਸਰ, 20 ਅਪ੍ਰੈਲ (ਜਗਦੀਪ ਸਿੰਘ ਸੱਗੂ) – ਨਿਹੰਗ ਸਿੰਘਾਂ ਦੀ ਜਥੇਬੰਦੀ ਸ਼੍ਰੋਮਣੀ ਪੰਥ ਅਕਾਲੀ ਬੁੱਢਾ ਦਲ ਬਾਰੇ ਖੋਜ਼ ਕਰ ਰਿਹਾ ਸਪੇਨ ਵਾਸੀ ਮਿਸਟਰ ਜਵੇਰੀਅਰ ਭਾਰਤੀ ਦੌਰੇ ‘ਤੇ ਆਇਆ ਹੋਇਆ ਹੈ।8 ਸਾਲ ਤੋਂ ਖੋਜ਼ ਕਾਰਜ਼ ਕਰ ਰਿਹਾ ਜਵੇਰੀਅਰ ਲੇਹ ਲਦਾਖ ਤੋਂ ਲੈ ਕੇ ਕੰਨਿਆ ਕੁਮਾਰੀ ਤੱਕ ਪੈਦਲ ਯਾਤਰਾ ‘ਤੇ ਹੈ।
ਸਪੇਨ ਖੋਜ਼ੀ ਜਵੇਰੀਅਰ ਸ਼੍ਰੋਮਣੀ ਪੰਥ ਅਕਾਲੀ ਬੁੱਢਾ ਦਲ ਦੇ ਇਤਿਹਾਸ ਦੀ ਜਾਣਕਾਰੀ ਲੈਣ ਲਈ ਗੁਰਦੁਆਰਾ ਮੱਲ ਅਖਾੜਾ ਸਾਹਿਬ ਪਾਤਸ਼ਾਹੀ ਛੇਵੀਂ ਅਤੇ ਛਾਉਣੀ ਬੁੱਢਾ ਦਲ ਗੁਰਦੁਆਰਾ ਬੁਰਜ਼ ਅਕਾਲੀ ਬਾਬਾ ਫੂਲਾ ਸਿੰਘ ਵਿਖੇ ਦੇ ਸਕੱਤਰ ਦਿਲਜੀਤ ਸਿੰਘ ਬੇਦੀ ਬੁੱਢਾ ਦਲ ਨੂੰ ਉਚੇਚੇ ਤੌਰ ‘ਤੇ ਮਿਲਿਆ।ਉਸ ਨੇ ਨਿਹੰਗ ਸਿੰਘਾਂ ਅਤੇ ਬੁੱਢਾ ਦਲ ਦੇ ਇਤਿਹਾਸ ਬਾਰੇ ਜਾਣਕਾਰੀ ਹਾਸਲ ਕੀਤੀ।ਉਸ ਨੇ ਦੱਸਿਆ ਕਿ ਉਹ 2015 ਤੋਂ ਭਾਰਤ ਵਿੱਚ ਵੱਖ-ਵੱਖ ਧਰਮਾਂ ਬਾਰੇ ਜਾਣਕਾਰੀ ਹਾਸਲ ਕਰ ਰਿਹਾ ਹੈ।ਨਿਹੰਗ ਸਿੰਘਾਂ ਦੇ ਇਤਿਹਾਸ ਬਾਰੇ ਜਾਨਣ ਦੀ ਵੀ ਤਮੰਨਾ ਸੀ।ਉਸ ਨੇ ਕਿਹਾ ਨਿਹੰਗ ਸਿੰਘਾਂ ਦੇ ਸ਼ਸਤਰਾਂ ਅਤੇ ਰਹਿਣ ਸਹਿਣ ਬਾਰੇ ਜਾਣ ਕੇ ਹੈਰਾਨੀ ਹੋਈ ਹੈ ਕਿ ਏਡੇ ਵ ੱਡੇ ਅਮੀਰ ਵਿਰਸੇ ਦੇ ਮਾਲਕ ਨਿਹੰਗ ਸਿੰਘ ਹਨ।ਉਸ ਨੇ ਕਿਹਾ ਗੁਰਦੁਆਰਾ ਕੋਪਾਲ ਮੋਚਨਹ ਹਰਿਆਣਾ ਵਿਖੇ ਕੁੱਝ ਸਮਾਂ ਪਹਿਲਾਂ ਉਹ ਨਿਹੰਗ ਮੁਖੀ ਜਥੇਦਾਰ ਬਾਬਾ ਬਲਬੀਰ ਸਿੰਘ ਨੂੰ ਮਿਲਿਆ ਸੀ।ਜਿੰਨਾਂ ਨੇ ਏਥੇ ਆਉਣ ਲਈ ਕਿਹਾ ਸੀ।ਉਹ ਸਪੇਨ ਜਾ ਕੇ ਅੰਗਰੇਜ਼ੀ ਅਤੇ ਸਪੈਨਿਸ਼ ਭਾਸ਼ਾ ਵਿੱਚ ਕਿਤਾਬ ਪ੍ਰਕਾਸ਼ਿਤ ਕਰੇਗਾ।ਬੇਦੀ ਨੇ ਦੱਸਿਆ ਕਿ ਕਿੱਤੇ ਪੱਖੋਂ ਇਹ ਖੋਜੀ ਬਿਜਨਸਮੈਨ ਹੈ। ਜਵੇਰੀਅਰ ਪਹਿਲਾਂ ਕਲੀਨਜ਼ੇਵ ਸੀ, ਪਰ ਹੁਣ ਉਸ ਨੇ ਬਹੁਤ ਲੰਬਾ ਦਾਹੜਾ ਵਧਾਇਆ ਹੋਇਆ ਹੈ।ਉਹ ਭਾਰਤੀ ਧਰਮਾਂ ਬਾਰੇ ਚੰਗੀ ਜਾਣਕਾਰੀ ਰੱਖਦਾ ਹੈ।