ਲੋਕ ਸਾਹਿਤ ਸੰਗਮ ਦੀ ਬੈਠਕ ਵਿੱਚ ਕਵੀਆਂ ਨੇ ਰੰਗ ਬੰਨਿਆ

ਰਾਜਪੁਰਾ, 4 ਜੂਨ (ਡਾ. ਗੁਰਵਿੰਦਰ ਅਮਨ) – ਲੋਕ ਸਾਹਿਤ ਸੰਗਮ (ਰਜਿ. ) ਦੀ ਮਾਸਿਕ ਬੈਠਕ ਪ੍ਰਧਾਨ ਡਾ. ਗੁਰਵਿੰਦਰ ਅਮਨ ਦੀ ਰਹਿਨੁਮਾਈ ਹੇਠ ਰੋਟਰੀ ਭਵਨ ਵਿਖੇ ਹੋਈ।ਸਭਾ ਦਾ ਆਗਾਜ਼ ਰਣਜੀਤ ਸਿੰਘ ਫਤਹਿਗੜ੍ਹ ਸਾਹਿਬ ਦੀ ਕਵਿਤਾ `ਦਿਲ ਮੇਰੇ ਵਿੱਚ ਦਰਦ ਬੜੇ ਨੇ, ਉਂਝ ਮੇਰੇ ਹਮਦਰਦ ਬੜੇ ਨੇ `ਸੁਣਾ ਕੇ ਕੀਤਾ।ਗ਼ਜ਼ਲਗੋ ਅਵਤਾਰ ਪੁਆਰ ਦੀ `ਕਿੰਨੀ ਵਾਰ ਤੂਫ਼ਾਨਾਂ ਪਾ ਕੇ ਘੇਰੇ ਨੂੰ, ਬਹੁਤ ਪਰਖਿਆ ਉਨ੍ਹਾਂ ਮੇਰੇ ਜ਼ੇਰੇ ਨੂੰ` ਸੁਣਾ ਕੇ ਵਾਹ-ਵਾਹ ਖੱਟੀ।ਹਰਪਾਲ ਸਿੰਘ ਪਾਲ ਨੇ ਸ਼ਹੀਦੀ ਦਿਹਾੜੇ ਨੂੰ ਸਮਰਪਿਤ ਕਵਿਤਾ ਸੁਣਾਈ।ਕਰਮ ਸਿੰਘ ਹਕੀਰ ਨੇ `ਰੰਗਲੀਆਂ ਚੁੰਨੀਆਂ ਨੂੰ ਲਾਉਣ ਰਾਕਾਨਾ ਗੋਟੇ` ਸੁਣਾ ਕੇ ਸੱਭਿਆਚਾਰ ਦੁਹਰਾਇਆ।ਪ੍ਰੋ. ਦਵਿੰਦਰ ਕੌਰ ਨੇ `ਕਿਓਂ ਚੰਨ ਦੇਖਾਂ, ਕੋਈ ਲੋੜ ਨਹੀਂ `ਤੇ ਮਨਜੀਤ ਸਿੰਘ ਨਾਗਰਾ ਨੇ ਇਹਸਾਨ ਤੇਰਾ ਹੋਗਾ `ਗੀਤ ਸੁਣਾ ਕੇ ਮਹਿਫ਼ਿਲ ਵਿੱਚ ਰੰਗ ਬੰਨਿਆ।ਕੁਲਵੰਤ ਸਿੰਘ ਜੱਸਲ ਨੇ ਬਾਲ ਗੀਤ `ਆਓ ਚੰਗੇ ਪਾਠਕ ਬਣੀਏ `ਸੁਣਾ ਕੇ ਕਿਤਾਬਾਂ ਦੀ ਅਹਿਮੀਅਤ ਦੱਸੀ।ਮਾਸਟਰ ਯਾਦਵਿੰਦਰ ਕਲੋਲੀ ਨੇ ਆਪਣਾ ਚਰਚਿਤ ਗੀਤ `ਮੈ ਕੰਡਿਆਂ ਦੀ ਤਾਰ ਵੇ` ਸੁਣਾਈ।ਸੁਰਿੰਦਰ ਸਿੰਘ ਸੋਹਣਾ ਰਾਜੇਮਾਜਰੀਆ ਨੇ ਧਾਰਮਿਕ ਗੀਤ ਸੁਣਾ ਕੇ ਗੁਰੂਆਂ ਦੀ ਸ਼ਹੀਦੀ ਨੂੰ ਯਾਦ ਕੀਤਾ।ਬਲਦੇਵ ਸਿੰਘ ਖੁਰਾਣਾ ਨੇ `ਹਾੜਾ ਹਾੜਾ ਜੰਗ ਨਾ ਕਰਿਓ` ਸੁਣਾਈ।ਸੰਗਮ ਦੇ ਪ੍ਰਧਾਨ ਡਾ. ਗੁਰਵਿੰਦਰ ਅਮਨ ਨੇ ਮਿੰਨੀ ਕਹਾਣੀ `ਨੈਤਿਕਤਾ `ਸੁਣਾ ਕੇ ਅਜੋਕੇ ਸਮਾਜਿਕ ਤਾਣੇ-ਬਾਣੇ ‘ਤੇ ਵਿਅੰਗ ਕੱਸਿਆ।ਸੁਰਿੰਦਰ ਕੌਰ ਬਾੜਾ ਨੇ ਬੁਲੰਦ ਆਵਾਜ਼ ਵਿੱਚ `ਇੱਕ ਗੀਤ ਅਧੂਰਾ ਬਿਨ ਤੇਰੇ `ਸੁਣਾ ਕੇ ਵਾਹ ਵਾਹ ਖੱਟੀ ਅਤੇ ਮੀਟਿੰਗ ਦੀ ਕਾਰਵਾਈ ਚਲਾਈ।