ਡੀ.ਏ.ਵੀ ਪਬਲਿਕ ਸਕੂਲ ਦਾ ਨੌਜਵਾਨ `ਇਨੌਵੇਟਰ ਫਿਊਚਰ ਟਾਈਕੂਨਜ਼` ਜਿਲ੍ਹਾ ਪੱਧਰੀ ਮੁਕਾਬਲੇ ‘ਚ ਚਮਕਿਆ

ਅੰਮ੍ਰਿਤਸਰ, 8 ਜੁਲਾਈ (ਜਗਦੀਪ ਸਿੰਘ) – ਨੌਜਵਾਨ ਉਦਮਤਾ ਦੀ ਭਾਵਨਾ ਨੂੰ ਉਜਾਗਰ ਕਰਨ ਵਾਲੀ ਇੱਕ ਸ਼ਾਨਦਾਰ ਪ੍ਰਾਪਤੀ ਵਿੱਚ ਡੀ.ਏ.ਵੀ ਪਬਲਿਕ ਸਕੂਲ ਲਾਰੈਂਸ ਰੋਡ ਅੰਮ੍ਰਿਤਸਰ ਦੇ ਵਿਦਿਆਰਥੀ ਗੁਰਾਂਸ ਸਿੰਘ ਨੇ ਬਹੁਤ ਹੀ ਸਤਿਕਾਰਯੋਗ `ਫਿਊਚਰ ਟਾਈਕੂਨਜ਼` ਮੁਕਾਬਲੇ ਵਿੱਚ ਦੂਜਾ ਰਨਰ-ਅੱਪ ਸਥਾਨ ਪ੍ਰਾਪਤ ਕਰਕੇ ਆਪਣੀ ਸੰਸਥਾ ਦਾ ਨਾਂ ਰੌਸ਼ਨ ਕੀਤਾ ਹੈ।ਡਿਪਟੀ ਕਮਿਸ਼ਨਰ ਸ਼੍ਰੀਮਤੀ ਸਾਕਸ਼ੀ ਸਾਹਨੀ ਦੀ ਦੂਰਦਰਸ਼ੀ ਅਗਵਾਈ ਹੇਠ ਜਿਲ੍ਹਾ ਅੰਮ੍ਰਿਤਸਰ ਨੇ ਨੌਜਵਾਨ ਬਾਲਗਾਂ, ਨਵੇਂ ਉਦਮੀਆਂ, ਔਰਤਾਂ, ਦਿਵਿਆਂਗ ਵਿਅਕਤੀਆਂ ਅਤੇ ਜਿਲ੍ਹੇ ਵਿੱਚ ਟਿਕਾਊ ਸੈਰ-ਸਪਾਟੇ ਨਾਲ ਸੰਬੰਧਤ ਉਦੱਮਾਂ ਲਈ ਜ਼ਿਲ੍ਹੇ ਦੇ ਪਹਿਲੇ ਉੁਦੱਮਤਾ ਖੋਜ ਅਤੇ ਸਲਾਹ ਪਲੇਟਫਾਰਮ ਵਜੋਂ ਫਿਊਚਰ ਟਾਈਕੂਨਜ਼ ਪ੍ਰੋਗਰਾਮ ਸ਼ੳ੍ਵਂ ਦੀ ਸ਼ੁਰੂਆਤ ਕੀਤੀ।2025 ਪ੍ਰੋਗਰਾਮ ਵਿੱਚ ਇੱਕ ਬੂਟ ਕੈਂਪ ਹੋਇਆ ਜਿਸ ਵਿੱਚ 4624 ਰਜਿਸਟ੍ਰੇਸ਼ਨਾਂ ਹੋਈਆਂ ਅਤੇ 218 ਟੀਮਾਂ, 5 ਸ਼੍ਰੇਣੀਆਂ ਵਿੱਚ ਚੁਣੀਆਂ ਗਈਆਂ : ਓਪਨ, ਸਟੂਡੈਂਟ, ਵੂਮੈਨ, ਸਸਟੇਨੇਬਲ ਐਗਰੀਕਲਚਰ ਅਤੇ ਪੀ.ਡਬਲਯੂ.ਡੀ।
ਇਹ ਮੁਕਾਬਲਾ ਪੰਜਸ਼ਪੜਾਅ ਦੀ ਸਖ਼ਤ ਚੋਣ ਪ੍ਰਕ੍ਰਿਆ ਤੋਂ ਬਾਅਦ ਹੋਇਆ, ਜਿਸ ਵਿੱਚ ਭਾਗੀਦਾਰਾਂ ਨੂੰ ਕਾਰੋਬਾਰੀ ਵਿਕਾਸ, ਨਵੀਨਤਾ ਅਤੇ ਰਣਨੀਤਕ ਸੋਚ ਦੇ ਵੱਖ-ਵੱਖ ਪਹਿਲੂਆਂ `ਤੇ ਪਰਖਣ ਲਈ ਤਿਆਰ ਕੀਤਾ ਗਿਆ ਸੀ।ਸ਼ੁਰੂਆਤੀ ਤਿੰਨ ਦੌਰ ਡੀ.ਸੀ ਦੇ ਦਫ਼ਤਰ ਵਿਖੇ ਅਯੋਜਿਤ ਕੀਤੇ ਗਏ ਸਨ, ਜਦੋਂਕਿ ਅੰਤਿਮ ਦੌਰ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅੰਮ੍ਰਿਤਸਰ ਵਿਖੇ ਹੋਏ।ਜਿਸ ਵਿੱਚ ਜ਼ਿਲ੍ਹੇ ਭਰ ਦੇ ਸਭ ਤੋਂ ਵੱਧ ਹੋਣਹਾਰ ਨੌਜਵਾਨ ਦਿਮਾਗ ਇਕੱਠੇ ਹੋਏ।
ਗੁਰਾਂਸ਼ ਸਿੰਘ ਨੇ ਹਰ ਪੜਾਅ ਤੇ ਆਪਣੇ ਮੂਲ ਵਪਾਰਕ ਵਿਚਾਰ, ਰਣਨੀਤਕ ਸਪੱਸ਼ਟਤਾ ਅਤੇ ਆਤਮ ਵਿਸ਼ਵਾਸੀ ਪੇਸ਼ਕਾਰੀ ਨਾਲ ਜਿੰਮੇਵਰੀ ਨੂੰ ਪ੍ਰਭਾਵਿਤ ਕੀਤਾ।ਵਿਭਿੰਨ ਪਿਛੋਕੜਾਂ ਦੇ ਸੈਂਕੜੇ ਵਿਦਿਆਰਥੀਆਂ ਨਾਲ ਮੁਕਾਬਲਾ ਕਰਦੇ ਹੋਏ, ਉੁਸ ਦਾ ਪ੍ਰਦਰਸ਼ਨ ਨਿਰੰਤਰ ਵੱਖਰਾ ਰਿਹਾ, ਜਿਸ ਵਿੱਚ ਉਸ ਦੀ ਉਦੱਮੀ ਸੂਝ ਅਤੇ ਰਚਨਾਤਮਕਤਾ ਦੀ ਪ੍ਰਸ਼ੰਸਾ ਹੋਈ।ਗੁਰਾਂਸ਼ ਦੇ ਸ਼ਾਨਦਾਰ ਪ੍ਰਦਰਸ਼ਨ ਨੂੰ ਮਾਨਤਾ ਦਿੰਦੇ ਹੋਏ, 10000 ਰੁਪਏ ਦਾ ਨਕਦ ਇਨਾਮ ਅਤੇ ਯੋਗਤਾ ਦਾ ਸਰਟੀਫਿਕੇਟ ਦਿੱਤਾ ਗਿਆ।
ਸਕੂਲ ਦੇ ਪ੍ਰਬੰਧਕ ਡਾ. ਪੁਸ਼ਪਿੰਦਰ ਵਾਲੀਆ ਪ੍ਰਿੰਸੀਪਲ ਬੀ.ਬੀ.ਕੇ ਡੀ.ਏ.ਵੀ ਕਾਲਜ ਫ਼ਾਰ ਵੂਮੈਨ ਅੰਮ੍ਰਿਤਸਰ ਨੇ ਗੁਰਾਂਸ਼ ਨੂੰ ਇਸ ਬੇਮਿਸਾਲ ਪ੍ਰਾਪਤੀ ਲਈ ਦਿਲੋਂ ਵਧਾਈ ਦਿੱਤੀ ਅਤੇ ਕਿਹਾ ਕਿ ਉਸ ਦੀ ਸਫ਼ਲਤਾ, ਨਵੀਨਤਾ ਅਤੇ ਉਦੱਮਤਾ ਦੇ ਖੇਤਰ ਵਿੱਚ ਇੱਕ ਛਾਪ ਛੱਡਣ ਦੀ ਕੋਸ਼ਿਸ਼ ਕਰ ਰਹੇ ਸਾਰੇ ਨੋਜਵਾਨ ਉਮੀਦਵਾਰਾਂ ਲਈ ਪ੍ਰੇਰਨਾ ਵਜੋਂ ਕੰਮ ਕਰਦੀ ਹੈ।ਸਕੂਲ ਦੇ ਪ੍ਰਿੰਸੀਪਲ ਡਾ. ਪੱਲਵੀ ਸੇਠੀ ਨੇ ਜੇਤੂ ਨੂੰ ਵਧਾਈ ਦਿੱਤੀ।