ਮਿੰਨੀ ਬੱਸ ਆਪਰੇਟਰਾਂ ਵੱਲੋਂ ਅੱਡਾ ਫੀਸ ਦੇ ਵਾਧੇ ਕਾਰਨ ਚੱਕਾ ਜਾਮ…

ਨਗਰ ਕੌਂਸਲ ਦੇ ਪਾਸ ਮਤੇ ਤੇ ਡੀ.ਸੀ ਦੀ ਮੰਜੂਰੀ ਤੋ ਬਾਅਦ ਵਧਾਈ ਫੀਸ-ਕਾਰਜ ਸਾਧਕ ਅਫਸਰ

ਪੱਟੀ, 22 ਅਪ੍ਰੈਲ (ਅਵਤਾਰ ਸਿੰਘ ਢਿੱਲੋ, ਰਣਜੀਤ ਮਾਹਲਾ) – ਬੱਸ ਅੱਡਾ ਪੱਟੀ ਵਿਖੇ ਸਥਿਤੀ ਉਸ ਵੇਲੇ ਤਣਾਅ ਪੂਰਨ ਹੋ ਗਈ ਜਦ ਮਿੰਨੀ ਬੱਸ ਆਪਰੇਟਰਾਂ ਨੇ ਚੱਕਾ ਜਾਮ ਕਰ ਦਿੱਤਾ।ਜਾਣਕਾਰੀ ਦਿੰਦਿਆਂ ਪ੍ਰਧਾਨ ਮਿੰਨੀ ਬੱਸ ਯੁਨੀਅਨ ਬਿਕਰਮਜੀਤ ਸਿੰਘ ਨੇ ਦੱਸਿਆਂ ਕਿ ਨਗਰ ਕੌਂਸਲ ਪੱਟੀ ਵੱਲੋ ਪਹਿਲਾ ਮਿੰਨੀ ਬੱਸ ਕੋਲੋ 5 ਅਤੇ ਵੱਡੀ ਬੱਸ ਕੋਲੋ 10 ਰੂਪਏ ਅੱਡਾ ਫੀਸ ਵਸੂਲ ਕੀਤੀ ਜਾਂਦੀ ਸੀ। ਪਰ ਅੱਜ ਅਚਾਨਕ ਨਗਰ ਕੌਂਸਲ ਵੱਲੋ ਅੱਡਾ ਫੀਸ ਵਿੱਚ ਭਾਰੀ ਵਾਧਾ ਕਰਕੇ ਸਾਡੇ ਨਾਲ ਬਹੁਤ ਵੱਡਾ ਧੱਕਾ ਕੀਤਾ ਹੈ।ਉਨਾਂ ਦੱਸਿਆਂ ਕਿ ਹੁਣ ਮਿੰਨੀ ਬੱਸ ਕੋਲੋ 5 ਤੋ 20 ਅਤੇ ਵੱਡੀ ਬੱਸ ਕੋਲੋ 10 ਤੋ 40 ਰੂਪਏ ਪ੍ਰਤੀ ਬੱਸ ਅੱਡਾ ਪਰਚੀ ਫੀਸ ਵਿੱਚ ਵਾਧਾ ਕੀਤਾ ਹੈ।ਉਨਾਂ ਦੱਸਿਆ ਕਿ ਪਹਿਲਾ ਰਾਤ ਸਮੇਂ ਬੱਸ ਅੱਡੇ ਵਿੱਚ ਖੜੀ ਕਰਨ ‘ਤੇ 20 ਰੂਪਏ ਪ੍ਰਤੀ ਬੱਸ ਵਸੂਲ ਕੀਤੇ ਜਾਂਦੇ ਸਨ, ਪਰ ਹੁਣ ਜਿਸ ਵਿੱਚ ਭਾਰੀ ਵਾਧਾ ਕਰਕੇ 50 ਰੂਪਏ ਪ੍ਰਤੀ ਬੱਸ ਕਰ ਦਿੱਤਾ ਗਿਆ ਹੈ।ਜਿਸਦੇ ਰੋਸ ਵੱਜੋਂ ਚੱਕਾ ਜਾਮ ਕੀਤਾ ਗਿਆ ਹੈ।
ਇਸ ਸਬੰਧੀ ਜਦ ਨਗਰ ਕੌਂਸਲ ਅਧਿਕਾਰੀ ਮਨਮੋਹਨ ਸਿੰਘ ਨਾਲ ਸੰਪਰਕ ਕੀਤਾ ਤਾਂ ਉਹਨਾਂ ਕਿਹਾ ਕਿ ਜੋ ਪਰਚੀ ਨਗਰ ਕੌਂਸਲ ਪੱਟੀ ਵੱਲੋ ਕੱਟੀ ਜਾਦੀ ਹੈ।ਉਸਦੀ ਮੰਜੂਰੀ ਡੀ.ਸੀ ਤਰਨਤਾਰਨ ਪਾਸੋ ਲੈਣ ਉਪਰਂਤ ਵਸੂਲ ਕੀਤੀ ਜਾਂਦੀ ਹੈ।
ਮੌਕੇ ਤੇ ਥਾਣਾ ਪੱਟੀ ਦੀ ਪੁਲਿਸ ਵੱਲੋ ਮੌਕੇ ਉਪਰ ਪਹੁੰਚ ਕੇ ਜਾਮ ਖੋਲਣ ਦੀ ਕੋਸ਼ਿਸ਼ ਕੀਤੀ ਗਈ। ਇਸ ਮੌਕੇ ਸੁਖਬੀਰ ਸਿੰਘ, ਗੁਰਪ੍ਰੀਤ ਸਿੰਘ, ਸਵਰਨ ਸਿੰਘ ਕਾਮਰੇਡ, ਸੁਖਦੇਵ ਸਿੰਘ, ਰਵੀ ਪ੍ਰਤਾਪ ਸਿੰਘ, ਯੁਵਰਾਜ ਸਿੰਘ ਪ੍ਰਧਾਨ, ਜਗਜੀਤ ਸਿੰਘ ਡਲੀਰੀ, ਬਲਜੀਤ ਸਿੰਘ ਆਦਿ ਹਾਜ਼ਿਰ ਸਨ।