ਮਾਵਾਂ ਦਾ ਸਨਮਾਨ ਕਰੋ : ਅਠਵਾਂ ਸਨਮਾਨ ਸਮਾਰੋਹ 10 ਨੂੰ – ਚੱਕਮੁਕੰਦ, ਲਾਹੌਰੀਆ

ਅੰਮ੍ਰਿਤਸਰ, 7 ਅਪ੍ਰੈਲ (ਸੁਖਬੀਰ ਸਿੰਘ) – ਨਸ਼ਿਆਂ ਵਿਰੋਧ ਵੱਡੀ ਪੱਧਰ ਤੇ ਮੁਹਿੰਮ ਚਲਾਉਣ ਦੇ ਨਾਲ-ਨਾਲ ਗੁਰਸਿੱਖ ਬੱਚਿਆਂ ਦੇ ਕੇਸਾਂ ਦੀ ਸਾਂਭ ਸੰਭਾਲ  ਤੇ ਗੁਰਮਤਿ ਨਾਲ ਜੋੜਨ ਵਾਲੀਆਂ ਮਾਵਾਂ ਦਾ ਸਨਮਾਨ ਕਰਨ ਲਈ ਚਲਾਈ ਗਈ ਲਹਿਰ ਤਹਿਤ ਸਿੱਖ ਜਥੇਬੰਦੀ ਅਕਾਲ ਪੁਰਖ ਕੀ ਫੌਜ ਅੰਮ੍ਰਿਤਸਰ ਕੌਸਲ ਕਨਵੀਨਰ ਗੁਰਜੀਤ ਸਿੰਘ ਬਿਟੂੱ ਚੱਕ ਮੁਕੰਦ ਅਤੇ ਸਮਾਜ ਸੇਵਕ ਤਸਵੀਰ ਸਿੰਘ ਲਾਹੌਰੀਆ ਦੇ ਉਦਮ ਉਪਰਾਲੇ ਸਦਕਾ ਤੇ ਸ੍ਰੌਮਣੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਧਰਮ ਪ੍ਰਚਾਰ ਕਮੇਟੀਚ ਦੇ ਸਕੱਤਰ  ਸਤਬੀਰ ਸਿੰਘ, ਕਾਰ ਸੇਵਾ ਵਾਲੇ ਮਹਾਪੁਰਸ਼ ਬਾਬਾ ਕਿਰਪਾਲ ਸਿੰਘ ਗੁਰੂ ਕਾ ਬਾਗ ਵਾਲਿਆਂ ਦੇ ਵਿਸ਼ੇਸ਼ ਸਹਿਯੋਗ ਸਦਕਾ ‘ਮਾਵਾਂ ਦਾ ਸਨਮਾਨ ਕਰੋ ਲਹਿਰ’ ਤਹਿਤ 8ਵਾਂ ਸਨਮਾਨ ਸਮਾਰੋਹ ਗੁਰਦਵਾਰਾ ਸੰਗਤਪੁਰਾ ਪਾਤਸਾਹੀ 6ਵੀ ਪਿੰਡ ਚੱਕਮੁਕੰਦ ਵਿਖੇ ਕਰਵਾਇਆ ਜਾ ਰਿਹਾ ਹੈ।ਇਹ ਜਾਣਕਾਰੀ ਪਿੰਡ ਛਿੱਡਣ ਜਗਜੀਤ ਸਿੰਘ ਦੇ ਗ੍ਰਹਿ ਵਿਖੇ ਕਰਾਏ ਸਨਮਾਨ ਸਮਾਰੋਹ ਦੋਰਾਨ ਗੁਰਜੀਤ ਸਿੰਘ ਬਿੱਟੂ ਚੱਕ ਮੁਕੰਦ ਅਤੇ ਡਾ: ਤਸਵੀਰ ਸਿੰਘ ਲਾਹੌਰੀਆ ਨੇ ਦੱਸਿਆ ਕਿ ਚਲਾਈ ਗਈ ਇਸ ਲਹਿਰ ਵਿਚ ਸਨਮਾਨਤ  ਹੋਣ ਵਾਲੀਆਂ ਮਾਵਾ ਵੱਲ ਵੇਖ ਕੇ ਪਤਿਤ ਹੋਏ ਬੱਚਿਆਂ ਨੂੰ ਸਿੱਖੀ ਸਰੂਪ ਵਲ ਜੋੜਨ ਵਾਲੀਆਂ ਮਾਵਾਂ ਵਿੱਚ ਉਤਸ਼ਾਹ ਪੈਦਾ ਹੋ ਰਿਹਾ ਹੈ ।ਅਖੀਰ ਵਿੱਚ ਉਹਨਾਂ ਕਿਹਾ ਕਿ ਅੰਮ੍ਰਿਤਸਰ ਜਿਲੇ ਦੇ ਪਹਿਲੇ ਪੜਾਅ ਵਿੱਚ ਬਲਾਕ ਪੱਧਰ ਤੇ 5-5 ਪਿੰਡਾਂ ਦੀ ਚੌਣ ਕੀਤੀ ਗਈ ਹੈ ।ਧਰਮ ਪ੍ਰਚਾਰ ਕਮੇਟੀ ਦੇ ਸਕੱਤਰ  ਸਤਬੀਰ ਸਿੰਘ ਪ੍ਰਚਾਰਕ ਸਹਿਬਾਨ ਤੇ ਹੋਰ ਸਖਸੀਅਤਾਂ ਇਹਨਾ ਸਮਾਗਮਾ ਦੋਰਾਨ ਮਾਵਾਂ ਨੂੰ ਸਨਮਾਨਤ ਕਰਨਗੇ ।ਇਸ ਮੋਕੇ ਜਗਜੀਤ ਸਿੰਘ ਛਿਡਣ, ਮੰਗਲ ਸਿੰਘ ਖਾਸਾ, ਸਿੰਗਾਰਾ ਸਿੰਘ ਭਕਨਾ, ਸਤਨਾਮ ਸਿੰਘ , ਬਲਜਿੰਦਰ ਸਿੰਘ ਕਥਾਵਾਚਾਕ ਹਰਦੀਪ ਸਿੰਘ, ਗੁਰਵੇਲ ਸਿੰਘ  ਲਾਵੇ, ਸਤਿੰਦਰਪਾਲ ਸਿੰਘ ਸਾਬਾ, ਅਦਿ ਹਾਜਰ ਸਨ।