ਫਤਿਹ ਅਕੈਡਮੀ ਆਈ.ਸੀ.ਐਸ.ਸੀ ਦੀ ਦਸਵੀਂ ਦਾ ਨਤੀਜਾ 100 ਫੀਸਦੀ ਰਿਹਾ

ਜੰਡਿਆਲਾ ਗੁਰੂ, 19 ਮਈ (ਹਰਿੰਦਰਪਾਲ ਸਿੰਘ, ਵਰਿੰਦਰ ਸਿੰਘ) – ਆਈ. ਸੀ. ਐਸ. ਸੀ ਦੀ ਦਸਵੀਂ ਦੀ ਪ੍ਰੀਖਿਆਂ ਦੇ ਐਲਾਨੇ ਗਏ ਨਤੀਜੇ ਵਿੱਚ ਇੰਟਰਨੈਸ਼ਨਲ ਫ਼ਤਿਹ ਅਕੈਡਮੀ ਦੇ ਵਿਦਿਆਰਥੀਆਂ ਨੇ ਬਹੁਤ ਵਧੀਆ ਨੰਬਰ ਹਾਸਲ ਕੀਤੇ।ਅਕੈਡਮੀ ਦਾ ਨਤੀਜਾ 100% ਰਿਹਾ।ਇਸ ਸਾਲ ਦੇ ਅੰਕੜਿਆਂ ਮੁਤਾਬਕ 1,59,738 ਵਿਦਿਆਰਥੀ ਆਈ. ਸੀ. ਐਸ. ਸੀ ਦੀ ਪ੍ਰੀਖਿਆ ਲਈ ਦਾਖਲ ਹੋਏ।ਇੰਟਰਨੈਸ਼ਨਲ ਫ਼ਤਿਹ ਅਕੈਡਮੀ ਦੇ 7 ਵਿਦਿਆਰਥੀਆਂ ਨੇ 90% ਤੋਂ ਵੱਧ, 50% ਵਿਦਿਆਰਥੀਆਂ ਨੇ 80% ਤਂੋ ਵੱਧ ਤੇ ਬਾਕੀ ਸਾਰੇ ਪਹਿਲੇ ਦਰਜੇ ਵਿੱਚ ਪਾਸ ਹੋਏ।ਪੁਨੀਤ ਕੋਰ ਅਤੇ ਇਰਨਜੀਤ ਕੌਰ ਸੋਢੀ ਨੇ 96% ਅੰਕ ਹਾਸਲ ਕਰਕੇ ਆਪਣਾ ਨਾਂ ਸਕੂਲ ਦੇ ਚਮਕਦੇ ਸਿਤਾਰੇ ਵਜੋਂ ਉਭਾਰਿਆ।ਇੰਟਰਨੈਸ਼ਨਲ ਫ਼ਤਿਹ ਅਕੈਡਮੀ ਜੋ ਕਿ ਉੱਚ ਪੱਧਰ ਦੀ ਸਿੱਖਿਆ ਮੁਹੱਈਆ ਕਰਵਾਉਣ ਦੇ ਮਿਸ਼ਨ ਨਾਲ ਖ੍ਹੋਲੀ ਗਈ ਸੀ, ਅੱਜ ਆਪਣੀ ਤਰੱਕੀ ਦੀ ਰਾਹ ਤੇ ਚੱਲਦੀ ਹੋਈ, ਨਵੀਆਂ ਬੁਲੰਦੀਆਂ ਨੂੰ ਛੂਹ ਰਹੀ ਹੈ। ਪ੍ਰਤੱਖ ਨੂੰ ਪ੍ਰਮਾਣ ਕੀ ਦੀ ਗੱਲ ਅੱਜ ਅਕੈਡਮੀ ਲਈ ਸਹੀ ਸਾਬਤ ਹੋ ਰਹੀ ਹੈ। ਅਕੈਡਮੀ ਦੇ ਵਿਦਿਆਰਥੀਆਂ ਤੇ ਸਟਾਫ ਦੀ ਸਖ਼ਤ ਮਿਹਨਤ ਤੇ ਕੁਝ ਕਰਨ ਦਾ ਦ੍ਰਿੜ ਸੰਕਲਪ ਅੱਜ ਇਹਨਾਂ ਦੀ ਕਾਰਗੁਜਾਰੀ ਤੋਂ ਭਲੀਭਾਂਤ ਨਜ਼ਰ ਆ ਰਿਹਾ ਹੈ।