ਬੱਸ ਡਰਾਈਵਰ ਨੇ ਇਮਾਨਾਦਰੀ ਦੀ ਪੇਸ਼ ਕੀਤੀ ਮਿਸਾਲ

ਸੰਦੌੜ, 30 ਜੁਲਾਈ (ਹਰਮਿੰਦਰ ਸਿੰਘ ਭੱਟ) – ਸਮਾਜ ਵਿਚ ਭਾਵੇਂ ਕਿ ਹਰ ਪਾਸੇ ਪੈਸੇ ਦੀ ਅੰਨੀ ਦੌੜ ਲੱਗੀ ਹੋਈ ਹੈ ਪਰ ਕਿਤੇ ਨਾ ਕਿਤੇ ਇਮਾਨਦਾਰੀ ਦੀ ਚਿੰਗਾਰੀ ਅੱਜ ਵੀ ਲੋਕਾਂ ਵਿਚ ਮਚ ਰਹੀ ਹੈ।ਅਜਿਹੀ ਹੀ ਮਿਸਾਲ ਪੇਸ਼ ਕਰਦਿਆਂ ਬੱਸ ਡਰਾਈਵਰ ਜੋਗਾ ਸਿੰਘ ਲੋਹਟਬੱਦੀ ਨੇ ਇਕ ਵਿਅਕਤੀ ਦਾ ਬੱਸ ਵਿਚ ਡਿੱਗਾ ਹੋਇਆ ਮੁਬਾਇਲ ਮੋੜਿਆ ਜਿਸ ਦੀ ਲੋਕਾਂ ਨੇ ਤਾਰੀਫ ਕੀਤੀ। ਜਾਣਕਾਰੀ ਅਨੁਸਾਰ ਕਰਤਾਰ ਬੱਸ ਨੂੰ ਚਲਾਉਂਦੇ ਡਰਾਈਵਰ ਜੋਗਾ ਸਿੰਘ ਨੂੰ ਬੱਸ ਵਿਚ ਇਕ ਮਹਿੰਗੇ ਰੇਟ ਦਾ ਮੋਬਾਈਲ ਲੱਭ ਗਿਆ ਜੋ ਕਿ ਅਮਨਦੀਪ ਸਿੰਘ ਸੰਦੌੜ ਦਾ ਸੀ।ਅਮਨਦੀਪ ਸਿੰਘ ਸੰਦੌੜ ਨੇ ਦੱਸਿਆ ਕਿ ਉਹ ਅੱਜ ਬੱਸ ਵਿਚ ਸਵਾਰ ਹੋਕੇ ਰਾਏਕੋਟ ਨੂੰ ਗਿਆ ਸੀ ਤੇ ਕਿਤੇ ਉਸਦਾ ਮੋਬਾਈਲ ਡਿੱਗ ਗਿਆ ਸੀ।ਡਰਾਈਵਰ ਜੋਗਾ ਸਿੰਘ ਨੇ ਸੰਦੌੜ ਪਹੁੰਚ ਕੇ ਅਮਨਦੀਪ ਸਿੰਘ ਨੂੰ ਉਸ ਦਾ ਮੋਬਾਈਲ ਮੋੜ ਦਿੱਤਾ।ਅਮਨਦੀਪ ਸਿੰਘ ਨੇ ਦੱਸਿਆ ਕਿ ਮੋਬਾਈਲ ਦੀ ਕੀਮਤ 17 ਹਜਾਰ ਰੁਪਏ ਬਣਦੀ ਸੀ।ਉਸ ਨੇ ਜੋਗਾ ਸਿੰਘ ਵੱਲੋਂ ਦਿਖਾਈ ਇਸ ਇਮਾਨਦਾਰੀ ਦੀ ਪ੍ਰਸੰਸਾ ਕੀਤੀ।ਇਸ ਮੌਕੇ ਬਲਜੀਤ ਸਿੰਘ ਦਸੌਧਾ ਸਿੰਘ ਵਾਲਾ, ਬਲਦੀਪ ਸਿੰਘ ਆਹਲੂਵਾਲੀਆ, ਨਿਸਾਨ ਸਿੰਘ ਧਾਲੀਵਾਲ, ਪਰਮਿੰਦਰ ਸਿੰਘ ਕਹਿਲ, ਡਾ. ਇੰਚਾਰਜ ਭਗਤ ਸਿੰਘ ਸੰਦੌੜ, ਕੰਡਕਟਰ ਜਰਨੈਲ ਸਿੰਘ ਜੈਲੀ ਤਲਵੰਡੀ ਹਾਜਰ ਸਨ।