ਸਹੀਦੀ ਦਿਹਾੜਿਆਂ ਨੂੰ ਮੁੱਖ ਰੱਖਦਿਆਂ ਵੱਖ ਵੱਖ ਥਾਵਾਂ ਤੇ ਚਾਹ-ਪਕੋੜਿਆਂ ਲੰਗਰ ਲਗਾਏ ਗਏ

ਸੰਦੌੜ, 28 ਦਸੰਬਰ (ਹਰਮਿੰਦਰ ਸਿੰਘ ਭੱਟ)- ਧੰਨ ਸਾਹਿਬ ਸ੍ਰੀ ਗੁਰੂ ਗੋਬਿੰਦ ਸਿੰਘ ਮਹਾਰਾਜ ਜੀ ਦੀ ਮਾਤਾ ਗੁਜ਼ਰ ਜੀ, ਸਾਹਿਬਜ਼ਾਦੇ ਬਾਬਾ ਫ਼ਤਿਹ ਸਿੰਘ, ਬਾਬਾ ਜ਼ੋਰਾਵਰ ਸਿੰਘ ਅਤੇ ਸਮੂਹ ਸ਼ਹੀਦ ਸਿੰਘਾਂ ਦੀ ਯਾਦ ਨੂੰ ਸਮਰਪਿਤ ਇਲਾਕੇ ਦੀਆਂ ਸੰਗਤਾਂ ਦੇ ਸਹਿਯੋਗ ਸਦਕਾ ਪਿੰਡ ਫੌਜੇਵਾਲ, ਕਲਿਆਣ ਦੇ ਪੁਲ, ਸੰਦੌੜ, ਦਸੌਧਾਂ ਸਿੰਘ ਵਾਲਾ ਅਤੇ ਖੱਟੜਾ, ਬਧਰਾਵਾਂ ਤੋਂ ਇਲਾਵਾ ਵੱਖ ਵੱਖ ਪਿੰਡਾਂ ਵਿਚ ਪਕੌੜਿਆਂ, ਖੀਰ ਅਤੇ ਚਾਹ ਦੇ ਲੰਗਰ । ਇਸ ਦੌਰਾਨ ਬਚਿਆਂ, ਨੌਜੁਆਨਾਂ ਅਤੇ ਬਜ਼ੁਰਗਾਂ, ਬੀਬੀਆਂ ਨੇ ਸਾਂਝੇ ਤੌਰ ਤੇ ਸੇਵਾ ਕੀਤੀ ਅਤੇ ਸਾਹਿਬਜ਼ਾਦਿਆਂ ਦੀ ਲਾਸਾਨੀ ਖ਼ਾਲਸਾ ਕੌਮ ਦੀ ਅਣਖ ਅਤੇ ਸਿਰਜਨਾ ਲਈ ਦਿੱਤੀ ਗਈ ਸਹੀਦੀ ਨੂੰ ਯਾਦ ਕਰ ਕੇ ਸ਼ਬਦ ਕੀਰਤਨ ਅਤੇ ਵਾਹਿਗੁਰੂ ਦੇ ਜਾਪ ਕਰ ਕੇ ਜੀਵਨ ਨੂੰ ਗੁਰੂ ਲੇਖਾ ਲਾਉਣ ਦਾ ਯਤਨ ਕੀਤਾ।