ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਗੇਮਜ਼ ਕਬੱਡੀ- ਫਿਰੋਜਪੁਰ ਨੇ ਸੰਗਰੁਰ ਨੂੰ ਹਰਾਇਆ

ਬਠਿੰਡਾ, 18 ਫਰਵਰੀ (ਜਸਵਿੰਦਰ ਸਿੰਘ ਜੱਸੀ, ਅਵਤਾਰ ਸਿੰਘ ਕੈਂਥ)- ਬਠਿੰਡਾ ਦੇ ਬਹੁਮੰਤਵੀ ਸਟੇਡੀਯਮ ਵਿਖੇ ਕਰਵਾਈ ਜਾ ਰਹੀ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਪੰਜਾਬ ਗੇਮਜ਼ ਕਬੱਡੀ ‘ਚ ਕਬੱਡੀ ਨੈਸ਼ਨਲ ਸਟਾਇਲ ਵੂਮੈਨ ‘ਚ ਫਿਰੋਜਪੁਰ ਦੀ ਕੁੜੀਆਂ ਸੰਗਰੁਰ ਨੂੰ 25-22 ਦੇ ਫਰਕ ਨਾਲ ਹਰਾ ਕੇ ਫਾਈਨਲ ‘ਚ ਦਾਖਿਲ ਹੋਈਆਂ। ਇਸੇ ਤਰ੍ਹਾਂ ਜਲੰਧਰ ਦੀ ਟੀਮ ਨੇ ਤਰਨਤਾਰਨ ਨੂੰ 35-34 ਦੇ ਫਰਕ ਨਾਲ ਹਰਾਇਆ ਅਤੇ ਫਾਈਨਲ ਚ ਪੁੱਜੀ। ਕਬੱਡੀ ਸਰਕਲ ਸਟਾਇਲ ਵੂਮੈਨ ਕੈਟਾਗਿਰੀ ਵਿੱਚ ਐਸ ਬੀ ਐਸ ਨਗਰ ਟੀਮ ਨੇ ਮੋਗਾ ਨੂੰ 48-20 ਦੇ ਫਰਕ ਨਾਲ ਹਰਾਇਆ ਅਤੇ ਹੁਸ਼ਿਆਰਪੁਰ ਨੇ ਅਮ੍ਰਿਤਸਰ ਨੂੰ 34-32 ਦੇ ਫਰਕ ਨਾਲ ਹਰਾ ਕੇ ਫਾਈਨਲ ਵਿੱਚ ਆਪਣੀ ਜਗ੍ਹਾ ਬਣਾਈ। ਖਿਡਾਰੀਆਂ ਦੀ ਹੌਂਸਲਾ ਅਫ਼ਜਾਈ ਲਈ ਡਿਪਟੀ ਡਾਇਰੈਕਟਰ (ਖੇਡਾਂ) ਸ਼੍ਰੀ ਰਪਿੰਦਰ ਸਿੰਘ ਨੇ ਉਨ੍ਹਾਂ ਨਾਲ ਖਾਸ ਮੁਲਾਕਾਤ ਕੀਤੀ। ਉਨ੍ਹਾਂ ਨਾਲ ਜ਼ਿਲ੍ਹਾ ਖੇਡ ਅਫ਼ਸਰ ਸ਼੍ਰੀਮਤੀ ਸਿਰੋਜ ਧੀਮਾਨ ਅਤੇ ਕਬੱਡੀ ਕੋਚ ਪਲਵਿੰਦਰ ਕੌਰ ਵੀ ਹਾਜ਼ਰ ਸਨ।