ਜਥੇਦਾਰ ਭਾਟੀਆ ਵੱਲੋਂ ਕੈਂਸਰ ਪੀੜਿਤ ਨੂੰ 20 ਹਜਾਰ ਦਾ ਚੈਕ ਭੇਂਟ

ਪੱਟੀ 24 ਮਈ (ਰਣਜੀਤ ਸਿੰਘ ਮਾਹਲਾ, ਅਵਤਾਰ ਸਿੰਘ ਢਿਲੋਂ) – ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਪ੍ਰਧਾਨ ਅਵਤਾਰ ਸਿੰਘ ਦੇ ਉੱਦਮ ਸਦਕਾ ਕੈਂਸਰ ਵਰਗੀ ਨਾਮੁਰਾਦ ਬੀਮਾਰੀ ਤੋਂ ਪੀੜਿਤਾਂ ਲਈ ਇਲਾਜ ਵਾਸਤੇ ਇਕ ਵਿਸ਼ੇਸ਼ ਫੰਡ ਮੁਹਈਆ ਕਰਵਾਇਆ ਗਿਆ ਹੈ ਜਿਸ ਦੇ ਤਹਿਤ ਕੈਂਸਰ ਪੀੜਤਾਂ ਨੁੰ 20 ਹਜਾਰ ਦੀ ਮਾਲੀ ਮਦਦ ਕਮੇਟੀ ਵੱਲੋਂ ਕੀਤੀ ਜਾਂਦੀ ਹੈ।ਇਹਨਾਂ ਸ਼ਬਦਾ ਦਾ ਪ੍ਰਗਟਾਵਾ ਜਥੇਦਾਰ ਖੁਸ਼ਵਿੰਦਰ ਸਿੰਘ ਭਾਟੀਆ ਮੇਂਬਰ ਸ਼ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਕੈਂਸਰ ਪੀੜਤ ਰਾਣੋ ਪਤਨੀ ਭਾਗ ਸਿੰਘ ਵਾਸੀ ਪੱਟੀ ਨੂੰ 20 ਹਜਾਰ ਦਾ ਚੈਕ ਭੇਂਟ ਕਰਨ ਮੌਕੇ ਕੀਤਾ।ਉਹਨਾਂ ਦੱਸਿਆ ਕਿ ਦਸ ਗੁਰੂ ਸਹਿਬਾਨਾਂ ਦੇ ਦੱਸੇ ਹੋਏ ਮਾਰਗ ‘ਤੇ ਚੱਲਦਿਆਂ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਬਿਨਾਂ ਕਿਸੇ ਭੇਦ-ਭਾਵ ਦੇ ਕੈਂਸਰ ਪੀੜਿਤਾ ਲਈ ਇਹ ਰਕਮ ਮੁਹਇਆਂ ਕਰਵਾਈ ਜਾਂਦੀ ਹੈ।ਇਸ ਮੌਕੇ ਸੁਖਜਿੰਦਰ ਸਿੰਘ ਸਰਪੰਚ ਬੱਠੇਭੈਣੀ, ਅਮਰਜੀਤ ਸਿੰਘ ਐਚ.ਕੇ, ਗੁਰਦੀਪ ਸਿੰਘ ਮੱਲਾ, ਕੁਲਵਿੰਦਰ ਸਿੰਘ ਬੱਬੂ, ਨਿਰਮਲ ਸਿੰਘ, ਇਕਬਾਲ ਸਿੰਘ, ਆਦਿ ਹਾਜਰ ਸਨ।