ਮਮੂਨ ਮਿਲਟਰੀ ਸਟੇਸ਼ਨ ਵਿਖੇ 67ਵਾਂ ਵਣ- ਮਹਾਉਤਸਵ ਮਨਾਇਆ

ਪਠਾਨਕੋਟ, 15 ਜੁਲਾਈ (ਪੰਜਾਬ ਪੋਸਟ ਬਿਊਰੋ)- ਵਾਤਾਵਰਣ ਨੂੰ ਸਾਫ ਸੁਥਰਾ ਰੱਖਣ ਅਤੇ ਹਰਿਆ ਭਰਿਆ ਬਣਾਉਣ ਲਈ ਗੁਰਜ ਡਵੀਜਨ ਵੱਲੋਂ ਅੱਜ ਮਾਮੂਨ ਮਿਲਟਰੀ ਸਟੇਸਨ ਵਿਖੇ 67ਵਾਂ ਵਨ ਉਤਸਵ ਮਨਾਇਆ ਗਿਆ।ਜਿਸ ਦਾ ਉਦਘਾਨਣ ਮੇਜਰ ਜਨਰਲ ਰਾਜੇਸ ਚੋਪੜਾ ਜਨਰਲ ਆਫਿਸਰ ਕਮਾਡਿੰਗ ਗੁਰਜ ਡਵੀਜਨ ਨੇ ਇਕ ਪੋਦਾ ਲਗਾ ਕੇ ਕੀਤਾ। ਉਨ੍ਹਾਂ ਦੱਸਿਆ ਕਿ ਮਿਲਟਰੀ ਸਟੇਸਨ ਨੂੰ ਹਰਿਆ ਭਰਿਆ ਬਣਾਉਣ ਲਈ ਇਸ ਸੀਜਨ ਦੋਰਾਨ 30 ਹਜਾਰ ਪੋਦੇ ਲਗਾਏ ਜਾਣਗੇ, ਜਿਸ ਵਿੱਚੋਂ ਅੱਜ 10 ਹਜਾਰ ਪੋਦੇ ਲਗਾਏ ਗਏ ਹਨ ਅਤੇ ਇਹ ਪੋਦੇ ਮਿਲਟਰੀ ਸਟੇਸਨ ਦੇ ਵੱਖ ਵੱਖ ਅਧਿਕਾਰੀਆ ਅਤੇ ਉਨ੍ਹਾਂ ਦੇ ਪਰਿਵਾਰਿਕ ਮੈਂਬਰਾਂ ਵੱਲੋਂ ਲਗਾਏ ਗਏ ਹਨ।ਉਨ੍ਹਾਂ ਕਿਹਾ ਕਿ ਹਰ ਵਿਅਕਤੀ ਨੂੰ ਘੱਟੋ ਘੱਟ ਇਕ ਪੋਦਾ ਜਰੂਰ ਲਗਾਉਣਾਂ ਚਾਹੀਦਾ ਹੈ ਅਤੇ ਉਸ ਦਾ ਪਾਲਣ ਪੋਸਣ ਵੀ ਕਰਨਾ ਚਾਹੀਦਾ ਹੈ ਤਾਂ ਜੋ ਵਾਤਾਵਰਣ ਨੂੰ ਸਾਫ ਸੁਥਰਾ ਬਣਾਇਆ ਜਾ ਸਕੇ।