ਖੇਤਾਂ ‘ਚ ਲਗੇ ਟਰਾਸਫਾਰਮਰ ਵਿਚੋਂ ਚੋਰਾਂ ਵੱਲੋਂ ਤਾਬਾਂ ਚੋਰੀ

ਅਲ਼ਗੋਂ ਕੋਠੀ, 28 ਜੁਲਾਈ (ਹਰਦਿਆਲ ਸਿੰਘ ਭੈਣੀ, ਦਲਵਿੰਦਰ ਰਾਜਪੂਤ) – ਬੀਤੀ ਰਾਤ ਖੇਤਾਂ ਚ ਲਗੇ ਟਰਾਸਫਾਰਮਰ ਵਿਚੋਂ ਚੋਰਾਂ ਵੱਲੋਂ ਤਾਬਾਂ ਚੋਰੀ ਕਰਨ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।ਇਸ ਸਬੰਧੀ ਜਾਣਕਾਰੀ ਦਿੰਦੈ ਹੋਏ ਪੀੜਤ ਹਰਮੀਤ ਸਿੰਘ ਅਤੇ ਮੇਹਰ ਸਿੰਘ ਵਾਸੀ ਭਗਵਾਨਪੁਰਾ ਨੇ ਦਸਿਆ ਕਿ ਰੋਜਾਨਾਂ ਦੀ ਤਰਾਂ ਸਵੇਰੇ 5.00 ਵਜੇ ਜਦ ਆਪਣੇ ਖੇਤਾਂ ਚ ਗੇੜਾ ਮਾਰਨ ਪਹੁਚੇ ਤਾਂ ਖੇਤ ‘ਚ ਲਗੇ ਟਰਾਸਫਾਰਮਰ ਨੂੰ ਖੰਭੇ ਤੋਂ ਥਲੇ ਸੁੱਟ ਕੇ ਚੋਰਾਂ ਵਲੋਂ ਉਸ ਦਾ ਟਾਬਾਂ ਅਤੇ ਤੇਲ ਚੋਰੀ ਕਰ ਲਿਆ ਗਿਆ ਸੀ ਅਤੇ ਬਾਕੀ ਦਾ ਸਮਾਨ ਖਿਲਰਿਆ ਪਿਆ ਸੀ।ਜਿਸ ਦੀ ਇਤਲਾਹ ਉਨਾਂ ਵਲੋਂ ਸਬੰਧਤ ਬਿਜਲੀ ਬੋਰਡ ਦਫਤਰ ਅਤੇ ਪੁਲਿਸ ਥਾਣੇ ਨੂੰ ਦੇ ਦਿੱਤੀ ਗਈ ਹੈ ।