ਤੰਬਾਕੂ ਮੁਕਤ ਮੁਹਿੰਮ ਤਹਿਤ ਕੋਟਪਾ ਦੀ ਉਲੰਘਣਾ ਕਰਨ ਵਾਲਿਆਂ ਦੇ ਚਲਾਨ ਕੱਟੇ

ਸੰਦੌੜ 26 ਮਈ (ਪੰਜਾਬ ਪੋਸਟ- ਹਰਮਿੰਦਰ ਭੱਟ) – ਸਿਵਲ ਸਰਜਨ ਸੰਗਰੂਰ ਡਾ. ਸੁਬੋਧ ਗੁਪਤਾ ਦੇ ਦਿਸ਼ਾ ਨਿਰਦੇਸ਼ਾਂ ਅਤੇ ਸੀਨੀਅਰ ਮੈਡੀਕਲ ਅਫ਼ਸਰ ਫ਼ਹਿਤਗੜ੍ਹ ਪੰਜਗਰਾਈਆਂ ਡਾ. ਬਲਵਿੰਦਰ ਸਿੰਘ ਦੀ ਰਹਿਨਮੁਾਈ ਹੇਠ ਬਲਾਕ ਪੱਧਰੀ ਟੀਮ ਨੇ ਕੋਟਪਾ ਦੀ ਉਲੰਘਣਾ ਕਰਨ ਵਾਲੇ ਤੰਬਾਕੂ ਉਤਪਾਦ ਵਿਕਰੇਤਾਵਾਂ ਦੇ ਚਲਾਨ ਕੱਟੇ ਗਏ ਅਤੇ ਮ’ੋਕੇ ਉਤੇ ਹੀ ਜੁਰਮਾਨਾ ਵਸੂਲਿਆ ਗਿਆ।
ਕੋਟਪਾ (ਸਿਗਰੇਟ ਐਂਡ ਅਧਰ ਤੰਬਾਕੂ ਪ੍ਰੋਡਕਟ ਐਕਟ) ਦੇ ਸੈਕਸ਼ਨ 68 ਅਨੁਸਾਰ ਵਿਦਿਅਕ ਅਦਾਰਿਆਂ ਦੇ 100 ਗਜ਼ ਦੇ ਘੇਰੇ ਅੰਦਰ ਤੰਬਾਕੂ ਉਤਪਾਦ ਵੇਚਣਾ ਅਪਰਾਧ ਹੈ। ਅਦਾਰਿਆਂ, ਦੁਕਾਨਾਂ ਬਾਹਰ ਕੋਟਪਾ ਐਕਟ ਮੁਤਾਬਿਕ ਚੇਤਾਵਨੀ ਬੋਰਡ ਨਾ ਲੱਗੇ ਹੋਣ ਦੀ ਸੂਰਤ ਵਿਚ 200 ਰੁਪਏ ਤੱਕ ਜੁਰਮਾਨਾ ਹੋ ਸਕਦਾ ਹੈ।ਸੈਕਸ਼ਨ 4 ਮੁਤਾਬਿਕ ਜਨਤਕ ਥਾਵਾਂ ਉਤੇ ਸਿਗਰਟ, ਬੀੜੀ ਪੀਣ ਦੀ ਮਨਾਹੀ ਹੈ।ਬਲਾਕ ਪੱਧਰੀ ਟੀਮ ਨੇ ਕੋਟਪਾ ਐਕਟ ਤਹਿਤ ਪਿੰਡ ਫ਼ਤਿਹਗੜ੍ਹ ਪੰਜਗਰਾਈਆਂਦੁਕਾਨਾਂ, ਰੇਹੜੀਆਂ ਦੇਸੱਤ ਚਲਾਨ ਕੱਟੇ।ਬਲਾਕ ਐਜੂਕੇਟ ਜਸਪਾਲ ਸਿੰਘ ਜਟਾਣਾ ਤੇ ਨਰਿੰਦਰਪਾਲ ਸਿੰਘ ਨੇ ਦਸਿਆ ਕਿ ਕੋਈ ਵੀ ਦੁਕਾਨਦਾਰ ਖੁੱਲ੍ਹੀ ਬੀੜੀ, ਸਿਗਰਟ ਨਹੀਂ ਵੇਚ ਸਕਦਾ।ਉਨ੍ਹਾਂ ਜਾਣਕਾਰੀ ਦਿੰਦਆਂ ਦਸਿਆ ਕਿ ਤੰਬਾਕੂ ਦੇ ਸੇਵਨ ਨਾਲ ਮੂੰਹ ਦਾ ਕੈਂਸਰ, ਫ਼ੇਫ਼ੜਿਆਂ ਦਾ ਕੈਂਸਰ, ਨਿਪੰਨਸੁਕਤਾ ਵਰਗੀਆਂ ਘਾਤਕ ਬੀਮਾਰੀਆਂ ਲੱਗ ਜਾਂਦੀਆਂ ਹਨ। ਇਸ ਦੋਰਾਨ ਨੋਡਲ ਅਫ਼ਸਰ ਡਾ. ਮੁਹੰਮਦ ਕਾਜ਼ਮ, ਸਿਹਤ ਇੰਸਪੈਕਟ ਗੁਰਮੀਤ ਸਿੰਘ, ਗੁਲਜ਼ਾਰ ਖ਼ਾਨ, ਕਰਮਦੀਨ, ਨਿਰਭੈ ਸਿੰਘ ਮੌਜੂਦ ਸਨ।