ਅੰਤਰ ਕਾਲਜ ਕੁਸ਼ਤੀ ਮੁਕਾਬਲੇ `ਚ ਪਹਿਲਵਾਨ ਤਾਜਵੀਰ ਸਿੰਘ ਦਾ ਪਹਿਲਾ ਸਥਾਨ

ਸੰਦੌੜ, 23 ਅਕਤੂਬਰ (ਪੰਜਾਬ ਪੋਸਟ- ਹਰਮਿੰਦਰ ਸਿੰਘ ਭੱਟ) – ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦਾ ਅੰਤਰ ਕਾਲਜ ਕੁਸਤੀ ਮੁਕਾਬਲਾ ਜੋ ਕਿ ਮਿਤੀ 16 ਤੋਂ 18 ਅਕਤੂਬਰ 2017 ਨੂੰ ਸਰਕਾਰੀ ਬਰਜਿੰਦਰਾ ਕਾਲਜ ਫਰੀਦਕੋਟ ਵਿੱਚ ਯੂਨੀਵਰਸਿਟੀ ਕੋਚ ਅਵਤਾਰ ਸਿੰਘ ਦੀ ਨਿਗਰਾਨੀ ਹੇਠ ਹੋਇਆ।ਇਸ ਮੁਕਾਬਲੇ ਵਿੱਚ ਤਾਰਾ ਵਿਵੇਕ ਕਾਲਜ ਗੱਜਣ ਮਾਜਰਾ ਦੇ ਪਹਿਲਵਾਨ ਤਾਜਵੀਰ ਸਿੰਘ ਕਲਾਸ ਬੀ.ਏ ਭਾਗ ਪਹਿਲਾ ਨੇ 92 ਕਿਲੋਗ੍ਰਾਮ ਵਰਗ ਭਾਰ ਵਿੱਚ ਪਹਿਲਾ ਸਥਾਨ ਹਾਸਿਲ ਕਰਕੇ ਕਾਲਜ ਦਾ ਨਾਮ ਰੌਸ਼ਨ ਕੀਤਾ।ਇਸ ਮੌਕੇ ਕਾਲਜ ਦੇ ਸਰਪ੍ਰਸਤ ਪ੍ਰੋ. ਜਸਵੰਤ ਸਿੰਘ ਗੱਜਣ ਮਾਜਰਾ ਤੇ ਪ੍ਰਿੰਸੀਪਲ ਡਾ. ਪਰਮਿੰਦਰ ਕੌਰ ਮੰਡੇਰ ਨੇ ਬੱਚਿਆ ਦਾ ਵਿਸ਼ੇਸ ਤੌਰ ਤੇ ਸਨਮਾਨ ਕੀਤਾ ਅਤੇ ਬੱਚਿਆਂ ਨੂੰ ਖੇਡਾਂ ਵਿੱਚ ਹੋਰ ਮੱਲਾਂ ਮਾਰਨ ਦਾ ਅਸ਼ੀਰਵਾਦ ਦਿੱਤਾ।ਇਸ ਮੌਕੇ ਕਾਲਜ ਦੇ ਵਾਇਸ ਪ੍ਰਿੰਸੀਪਲ ਮਹੁੰਮਦ ਹਲੀਮ ਸਿਆਮਾ, ਪ੍ਰਪੋ. ਰਤਨਪਾਲ ਸਿੰਘ ਨੇ ਕਾਲਜ ਦੇ ਸਰੀਰਕ ਸਿੱਖਿਆ ਵਿਭਾਗ ਦੇ ਪ੍ਰੋ. ਰਾਜਵਿੰਦਰਪਾਲ ਸਿੰਘ ਅਤੇ ਪ੍ਰੋ. ਰੇਸ਼ਮ ਕੌਰ ਨੂੰ ਵੀ ਕਾਲਜ ਦੇ ਖੇਡ ਪੱਧਰ ਨੂੰ ਉਪਰ ਲੈ ਕੇ ਜਾਣ `ਤੇ ਵਧਾਈ ਦਿੱਤੀ।