ਨੌਕਰੀਪੇਸ਼ਾ ਲਈ ਬੱਜ਼ਟ ਵਿੱਚ ਕੋਈ ਵੱਡੀ ਰਾਹਤ ਨਹੀਂ – ਗੁਨਬੀਰ ਸਿੰਘ

ਅੰਮ੍ਰਿਤਸਰ, 1 ਫਰਵਰੀ (ਪੰਜਾਬ ਪੋਸਟ – ਸੁਖਬੀਰ ਸਿੰਘ ਖੁਰਮਣੀਆ) – ਦਿਲਬੀਰ ਫਾਊਂਡੇਸ਼ਨ ਦੇ ਪ੍ਰਧਾਨ ਗੁਨਬੀਰ ਸਿੰਘ ਨੇ ਕਿਹਾ ਹੈ ਕਿ ਬੱਜ਼ਟ 2018 ਦਾ ਮੁੱਢਲਾ ਟੀਚਾ ਸਮੂਹ ਮੁਲਕ ਦੇ ਬੁਨਿਅਦੀ ਢਂਾਚੇ ਦਾ ਵਿਕਾਸ ਜਾਪਦਾ ਹੈ, ਜਿਸ ਦੇ ਰਾਹੀਂ ਰੋਜਗਾਰ ਵਧਾਉਣ ਅਤੇ ਆਰਥਿਕ ਸਥਿਤੀ ਦੇ ਸੁਧਾਰ ਦੇ ਟੀਚਿਆਂ ਦੀ ਪ੍ਰਾਪਤੀ ਮਿੱਥੀ ਗਈ ਹੈ।ਇਸ ਲਈ ਵਧੇਰੀ ਰਕਮ ਰੇਲ, ਸੜਕ ਅਤੇ ਜਹਾਜ ਆਵਾਜਾਈ ਲਈ ਰਾਖਵੀਂ ਹੈ, ਜੋ ਕਿ ਅਮਰੁਤ, ਹਿਰਦੇ ਅਤੇ ਸਮਾਰਟ ਸਿਟੀ ਦੀਆਂ ਸਕੀਮਾਂ ਨੂੰ ਸਹਿਯੋਗ ਦੇਵੇਗੀ।ਜਦਕਿ ਕਿਸਾਨ ਭਲਾਈ ਲਈ ਐਮ.ਐਸ.ਪੀ ਦਾ ਨਵਾਂ ਲਾਗਤ ਪੱਲਸ 50% ਦਾ ਫਾਰਮੂਲਾ ਸ਼ਲਾਘਾਯੋਗ ਹੈ, ਸਭ ਤੋਂ ਮਹਤਵਪੂਰਨ ਹੈ ਭਾਰਤੀਆਂ ਲਈ ਸਰਕਾਰ ਵਲੋਂ ਸਿਹਤ ਬੀਮਾ ਜੋ ਕਿ 10 ਕਰੋੜ ਪਰਿਵਾਰਾਂ ਨੂੰ 5 ਲੱਖ ਰੁਪਏ ਤੱਕ ਦਾ ਇਲਾਜ ਮੁਫਤ ਕਰਾਵੇਗਾ।ਅਫਸੋਸ ਇਹ ਬੱਜ਼ਟ ਤਨਖਾਹਦਾਰਾਂ ਲਈ ਕੋਈ ਵੱਡੀ ਰਾਹਤ ਨਹੀਂ ਦਿੰਦਾ, ਲੇਕਿਨ ਕੱਪੜੇ ਅਤੇ ਸੈਰ-ਸਪਾਟੇ ਦੇ ਖੇਤਰਾਂ ਨੂੰ ਵਧੇਰੇ ਮਾਲੀ ਸਹਿਯੋਗ ਜਰੂਰ ਦਿੰਦਾ ਹੈ।