ਝੱਪਟਮਾਰਾਂ ਨੇ ਕੱਟੀ ਬਾਲੀ, ਮੁਕੱਦਮਾ ਦਰਜ

ਭੀਖੀ, 20 ਅਪੈ੍ਰਲ (ਪੰਜਾਬ ਪੋਸਟ- ਕਮਲ ਜਿੰਦਲ) – ਨੇੜਲੇ ਪਿੰਡ ਮੋਜੋ ਖੁਰਦ ਦੀ ਬਲਵੀਰ ਕੌਰ ਪਤਨੀ ਪ੍ਰੇਮ ਸਿੰਘ ਦੇ ਬਿਆਨਾਂ `ਤੇ ਦੋ ਝੱਪਟਮਾਰਾਂ ਖਿਲਾਫ਼ ਪੁਲਿਸ ਨੇ ਪਰਚਾ ਦਰਜ ਕੀਤਾ ਹੈ।ਦਰਜ ਬਿਆਨ ਵਿੱਚ ਬਲਵੀਰ ਕੌਰ ਨੇ ਕਿਹਾ ਹੈ ਕਿ ਬੀਤੇ ਦਿਨੀ ਉਹ ਮੱਤੀ ਤੋਂ ਆਪਣੇ ਪਿੰਡ ਮੋਜੋ ਖੁਰਦ ਵੱਲ ਆਪਣੇ ਭਤੀਜੇ ਸੁਖਜਿੰਦਰ ਸਿੰਘ ਨਾਲ ਪੈਦਲ ਜਾ ਰਹੀ ਸੀ ਤਾਂ ਪਿੰਡ ਮੱਤੀ ਦੇ ਸਰਕਾਰੀ ਹਸਪਤਾਲ ਕੋਲ ਦੋ ਮੋਟਰ ਸਾਇਕਲ ਸਵਾਰਾਂ ਨੇ ੳੇੁਨ੍ਹਾਂ ਤੋ ਕੋਟਦੁੰਨਾ ਜਾਣ ਦਾ ਰਾਹ ਪੁਛਿਆ, ਜਦ ਉਹ ਰੁਕ ਕੇ ਰਾਹ ਦੱਸਣ ਲੱਗੀ ਤਾ ਉਨ੍ਹਾਂ ਵਿੱਚੋ ਇੱਕ ਨੇ ਉਸ ਦੇ ਕੰਨ ਦੀ ਬਾਲੀ ਝੱਪਟ ਲਈ।ਰੌਲਾ ਪਾਉਣ `ਤੇ ਪਿੰਡ ਵਾਸੀਆਂ ਵਲੋਂ ਪਿੱਛਾ ਕਰਨ `ਤੇ ਉਹ ਮੋਟਰਸਾਇਕਲ ਛੱਡ ਕੇ ਭੱਜ ਗਏ।ਭੀਖੀ ਪੁਲਿਸ ਨੇ ਬਲਵੀਰ ਕੌਰ ਦੇ ਬਿਆਨਾਂ `ਤੇ ਪਰਚਾ ਦਰਜ ਕਰਕੇ ਅਗਲੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ।