ਪਿੰਡ ਵਾਸੀਆਂ ਨੂੰ ਸਾਫ ਪਾਣੀ ਦੀ ਮਹੱਤਤਾ ਬਾਰੇ ਜਾਣੂ ਕਰਵਾਇਆ

ਧੂਰੀ, 2 ਅਗਸਤ (ਪੰਜਾਬ ਪੋਸਟ- ਪ੍ਰਵੀਨ ਗਰਗ) – ਪੰਜਾਬ ਸਰਕਾਰ ਵਲੋਂ ਵਿੱਢੀ ਗਈ ਮੁਹਿੰਮ ਤੰਦਰੁਸਤ ਪੰਜਾਬ ਦੇ ਤਹਿਤ ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਉਪ ਮੰਡਲ ਧੂਰੀ ਵੱਲੋਂ ਪਿੰਡ ਧਾਂਦਰਾ ਵਿਖੇ ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਜਾਗਰੂਕਤਾ ਕੈਂਪ ਲਗਾਇਆ ਗਿਆ।ਉਪ ਮੰਡਲ ਇੰਜੀਨੀਅਰ ਬਲਵਿਦਰ ਸਿੰਘ ਨੇ ਪਿੰਡ ਵਾਸੀਆਂ ਨੂੰ ਸੰਬੋਧਨ ਕਰਦੇ ਹੋਏ ਸਾਫ਼ ਪਾਣੀ ਦੀ ਮਹੱਤਤਾ ਬਾਰੇ ਜਾਣੂ ਕਰਵਾਇਆ।ਇਸ ਦੇ ਨਾਲ ਹੀ ਵੱਖ-ਵੱਖ ਮਾਹਿਰਾਂ ਵਲੋਂ ਮੌਕੇ ਤੇ ਪਿੰਡ ਵਾਸੀਆਂ ਦੇ ਪੀਣ ਦੇ ਪਾਣੀ ਦੇ ਸੈਂਪਲ ਚੈਕ ਕੀਤੇ ਗਏ।ਜੂਨੀਅਰ ਇੰਜੀਨੀਅਰ ਕਰਮ ਸਿੰਘ, ਸੋਸ਼ਲ ਸਟਾਫ਼ ਕਮਲਵੀਰ ਕੌਰ, ਜਿੰਮੀ ਖਾਨ ਅਤੇ ਰਾਜੀਵ ਗਰਗ ਵਲੋਂ ਸਵੱਛ ਭਾਰਤ ਮਿਸ਼ਨ ਤਹਿਤ ਘਰੇਲੂ ਪਖਾਨਿਆਂ ਦੀ ਵਰਤੋਂ, ਖੁੱਲ੍ਹੇ ਵੱਚ ਸ਼ੌਚ ਜਾਣ ਤੋਂ ਰੋਕਣਾ, ਆਪਣੇ ਆਲੇ-ਦੁਆਲੇ ਨੂੰ ਸਾਫ਼ ਰੱਖਣਾ, ਵਾਤਾਵਰਣ ਦੀ ਸਾਂਭ ਸੰਭਾਲ, ਰੁੱਖ ਲਗਾਉਣਾ, ਪਲਾਸਟਿਕ ਦੀ ਵਰਤੋਂ ਘੱਟ ਕਰਨਾ, ਗੋਬਰ ਧਨ ਸਕੀਮ ਤਹਿਤ ਗੈਸ ਪਲਾਂਟ ਲਗਾਉਣ ਸਬੰਧੀ ਜਾਗਰੂਕ ਕੀਤਾ ਗਿਆ।ਸਰਪੰਚ ਜਗਦੀਪ ਸਿੰਘ ਧਾਂਦਰਾ ਨੇ ਵਿਭਾਗ ਅਤੇ ਪਿੰਡ ਵਾਸੀਆਂ ਨੂੰ  ਮਹਿਕਮੇ ਵੱਲੋ 24 ਘੰਟੇ ਪਾਣੀ ਦੀ ਸਪਲਾਈ ਲੈਣ ਲਈ ਪ੍ਰੇਰਿਤ ਕੀਤਾ।
 ਇਸ ਮੌਕੇ ਦਲੀਪ ਸਿੰਘ ਪੰਚ, ਜੀ.ਓ.ਜੀ ਲਛਮਣ ਸਿੰਘ, ਮਹਿਕਮੇ ਦਾ ਪੰਪ ਓਪਰੇਟਰ ਨਰੰਗ ਸਿੰਘ ਦੇ ਨਾਲ ਪੰਤਵਤੇ ਵੀ ਹਾਜ਼ਰ ਰਹੇ। ਅੰਤ ਵਿਚ ਪੰਚ ਦਲੀਪ ਸਿੰਘ ਨੇ ਵਿਭਾਗ ਅਤੇ ਪਿੰਡ ਵਾਸੀਆਂ ਦਾ ਧੰਨਵਾਦ ਕੀਤਾ ।