ਸਵੈ-ਰੋਜਗਾਰ ਲਈ ਜ਼ਿਲ੍ਹਾ ਰੋਜ਼ਗਾਰ ਤੇ ਕਾਰੋਬਾਰ ਬਿਊਰੋ ਦੇ ਲਿੰਕ ‘ਤੇ ਅਪਲਾਈ ਕਰਨ ਬੇਰੋਜ਼ਗਾਰ – ਡੀ.ਸੀ

ਪਠਾਨਕੋਟ, 26 ਅਗਸਤ (ਪੰਜਾਬ ਪੋਸਟ ਬਿਊਰੋ) – ਡਿਪਟੀ ਕਮਿਸ਼ਨਰ ਸ਼ੰਯਮ ਅਗਰਵਾਲ ਨੇ ਦੱਸਿਆ ਕਿ ਕੋਵਿਡ-19 ਮਹਾਂਮਾਰੀ ਦੇ ਚੱਲਦਿਆਂ ਨੋਜਵਾਨਾਂ ਨੂੰ ਸਵੈ-ਰੋਜਗਾਰ ਲਈ ਕਰਜ਼ਾ ਮੁਹੱਈਆ ਕਰਵਾਉਣ ਲਈ ਆਨਲਾਈਨ ਲਿੰਕ ਸ਼ੁਰੂ ਕੀਤਾ ਗਿਆ ਹੈ।ਉਨ੍ਹਾਂ ਦੱਸਿਆ ਕਿ ਸਵੈ-ਰੋਜਗਾਰ ਲਈ ਕਰਜ਼ਾ ਪ੍ਰਾਪਤ ਕਰਨ ਲਈ ਪੰਜਾਬ ਸਰਕਾਰ ਦੇ ਘਰ-ਘਰ ਰੋਜ਼ਗਾਰ ਮਿਸ਼ਨ ਤਹਿਤ ਜ਼ਿਲ੍ਹਾ ਰੋਜ਼ਗਾਰ ਅਤੇ ਕਾਰੋਬਾਰ ਬਿਊਰੋ ਪਠਾਨਕੋਟ ਵਲੋਂ ਇਹ ਆਨਲਾਈਲ ਲਿੰਕ
<https://forms.gle/asJ9QSHEd1eAqBzX6>  ਤਿਆਰ ਕੀਤਾ ਗਿਆ ਹੈ ਤਾਂ ਜੋ ਕਰਜ਼ਾ ਲੈਣ ਦੇ ਚਾਹਵਾਨ ਨੋਜਵਾਨ ਆਪਣਾ ਪ੍ਰਾਰਥਨਾ ਪੱਤਰ ਘਰ ਬੈਠੇ ਹੀ ਭੇਜ ਸਕਣ। ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਜੋ ਵੀ ਪ੍ਰਾਰਥੀ ਡੇਅਰੀ ਫਾਰਮਿੰਗ, ਬੱਕਰੀ ਪਾਲਣ, ਮੁਰਗੀ ਪਾਲਣ, ਸੂਅਰ ਪਾਲਣ ਅਤੇ ਮੱਛੀ ਪਾਲਣ, ਟਰੇਡਿੰਗ ਜਾਂ ਮੈਨੂਫੈਕਚਰਿੰਗ ਆਦਿ ਕਿਸੇ ਵੀ ਪ੍ਰਕਾਰ ਦਾ ਆਪਣਾ ਕੰਮ-ਧੰਦਾ ਸ਼ੂਰੁ ਕਰਨਾ ਚਾਹੰੁਦਾ ਹੈ, ਉਹ ਸਵੈ-ਰੋਜ਼ਗਾਰ ਲਈ ਬਣਾਏ ਗਏ ਲਿੰਕ ਜਾਂ
QR Code ਨੂੰ ਸਕੈਨ ਕਰਕੇ ਅਪਲਾਈ ਕਰ ਸਕਦੇ ਹਨ।