ਪੰਜਾਬ ਸ਼ਾਪਸ ਐਂਡ ਕਮਰਸ਼ੀਅਲ ਐਕਟ ਅਧੀਨ ਆਨਲਾਈਨ ਰਜਿਸਟ੍ਰੇਸ਼ਨ ਕਰਵਾਉਣ ਅਦਾਰੇ – ਮਨੋਜ ਸ਼ਰਮਾ

ਪਠਾਨਕੋਟ, 4 ਨਵੰਬਰ (ਪੰਜਾਬ ਪੋਸਟ ਬਿਊਰੋ) – ਜਿਲ੍ਹਾ ਪਠਾਨਕੋਟ ਅਧੀਨ ਆਉਂਦੇ ਸਾਰੇ ਦੁਕਾਨਦਾਰਾਂ, ਸਿਨੇਮਾ ਹਾਲ, ਹੋਟਲ, ਢਾਬਿਆਂ, ਰੇਸਟੋਰੈਂਟ, ਹਸਪਤਾਲ ਆਦਿ ਦੇ ਮਾਲਿਕਾਂ ਨੂੰ ਪੰਜਾਬ ਸ਼ਾਪਸ ਐਂਡ ਕਮਰਸ਼ੀਅਲ ਐਸਟੈਬਲਿਸਮੈਂਟ 1958 ਅਧੀਨ ਆਨਲਾਈਨ ਰਜਿਸਟ੍ਰੇਸ਼ਨ ਕਰਵਾਉਣੀ ਜਰੂਰੀ ਹੈ।ਇੰਨਫੋਰਸਮੈਂਟ ਅਫਸ਼ਰ ਲੇਬਰ ਵਿਭਾਗ ਪਠਾਨਕੋਟ ਮਨੋਜ ਸ਼ਰਮਾ ਨੇ ਉਪਰੋਕਤ ਅਦਾਰਿਆਂ ਦੇ ਮਾਲਕਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਉਹ ਅਪਣੇ ਅਦਾਰੇ ਦੀ ਰਜਿਸਟੇ੍ਰਸ਼ਨ ਪਬਲੳਬੋੁਰ.ਗੋਵ.ਨਿ ਵੈਬਸਾਈਟ ‘ਤੇ ਆਨ ਲਾਈਨ ਲਿੰਕ ਕਰਕੇ ਕਰਵਾ ਸਕਦੇ ਹਨ।ਰਜਿਸਟ੍ਰੇਸ਼ਨ ਅਪਲਾਈ ਕਰਨ ਲਈ ਮਾਲਕ ਦਾ ਅਧਾਰ ਕਾਰਡ, ਅਦਾਰੇ ਦੀ ਫਰੰਟ ਅਤੇ ਅੰਦਰ ਦੀ ਫੋਟੋ, ਅਦਾਰੇ ਦਾ ਬਿੱਲ, ਇਕਰਾਰਨਾਮਾ ਜਾਂ ਰਜਿਸਟਰੀ ਦੀ ਕਾਪੀ ਅਟੈਚ ਕਰਨੀ ਲਾਜ਼ਮੀ ਹੋਵੇਗੀ।
                       ਉਨ੍ਹਾਂ ਇਹ ਵੀ ਕਿਹਾ ਕਿ ਹਰੇਕ ਦੁਕਾਨਦਾਰ ਦਾ ਫਰਜ਼ ਬਣਦਾ ਹੈ ਕਿ ਇਸ ਸਮੇਂ ਅਸੀਂ ਕਰੋਨਾ ਮਹਾਂਮਾਰੀ ਦੇ ਚਲਦਿਆਂ ਜਿਸ ਸਥਿਤੀ ਵਿੱਚੋਂ ਗੁਜ਼ਰ ਰਹੇ ਹਾਂ ਉਸ ਨਾਲ ਨਿਪਟਣ ਲਈ ਪੰਜਾਬ ਸਰਕਾਰ ਦੇ ਮਿਸ਼ਨ ਫਤਿਹ ਅਧੀਨ ਦਿੱਤੀਆਂ ਜਾ ਰਹੀਆਂ ਹਦਾਇਤਾਂ ਦੀ ਪਾਲਣਾ ਕਰਨਾ ਯਕੀਨੀ ਬਣਾਇਆ ਜਾਵੇ।ਅਦਾਰੇ ਵਿੱਚ ਕੰਮ ਕਰਨ ਵਾਲੇ ਹਰੇਕ ਕਰਮਚਾਰੀ ਨੂੰ ਮਾਸਕ ਪਾਉਣਾ ਅਤੇ ਸਮਾਜਿਕ ਦੂਰੀ ਬਣਾਈ ਰੱਖਣਾ ਯਕੀਨੀ ਬਣਾਇਆ ਜਾਵੇ।