ਜਸਟਿਸ ਸੰਧਾਵਾਲੀਆ ਨੇ ਅਦਾਲਤੀ ਕੰਮਕਾਜ਼ ਦਾ ਕੀਤਾ ਨਿਰੀਖਣ, ਪੁਲਿਸ ਨੇ ਦਿੱਤੀ ਸਲਾਮੀ

ਅੰਮ੍ਰਿਤਸਰ, 24 ਮਾਰਚ (ਸੁਖਬੀਰ ਸਿੰਘ) – ਨਿਆਂ ਹਰੇਕ ਦਾ ਬੁਨਿਆਦੀ ਅਧਿਕਾਰ ਹੈ ਅਤੇ ਭਾਰਤ ਦੇ ਸੰਵਿਧਾਨ ਨੇ ਹਰੇਕ ਵਿਅਕਤੀ ਨੂੰ ਨਿਆਂ ਪ੍ਰਾਪਤ ਕਰਨ ਦਾ ਅਧਿਕਾਰ ਦਿੱਤਾ ਹੈ।ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਅੱਜ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਦੇ ਜਸਟਿਸ ਸ੍ਰ. ਗੁਰਮੀਤ ਸਿੰਘ ਸੰਧਾਵਾਲੀਆ ਵੱਲੋਂ ਅੰਮ੍ਰਿਤਸਰ ਅਦਾਲਤ ਦੇ ਕੰਮਕਾਜ਼ ਦਾ ਨਿਰੀਖਣ ਕਰਨ ਉਪਰੰਤ ਕੀਤਾ ਗਿਆ।
                    ਸ੍ਰ, ਸੰਧਾਵਾਲੀਆ ਨੇ 33 ਜਿਲ੍ਹਾ ਅਦਾਲਤਾਂ ਦਾ ਨਰੀਖਣ ਕੀਤਾ।ਇਸ ਤੋਂ ਪਹਿਲਾਂ ਉਨਾਂ ਦੇ ਸੈਸ਼ਨ ਕੋਰਟ ਪੁੱਜਣ ‘ਤੇ ਪੁਲਿਸ ਵੱਲੋਂ ਸਲਾਮੀ ਦਿੱਤੀ ਗਈ ਅਤੇ ਸ੍ਰੀਮਤੀ ਹਰਪ੍ਰੀਤ ਕੌਰ ਰੰਧਾਵਾ ਜਿਲ੍ਹਾ ਤੇ ਸੈਸ਼ਨ ਜੱਜ ਅੰਮ੍ਰਿਤਸਰ, ਵਿਪਨ ਢੰਡ ਪ੍ਰਧਾਨ ਬਾਰ ਐਸੋਸੀਏਸ਼ਨ ਨੇ ਆਪਣੇ ਸਾਥੀਆਂ ਸਮੇਤ ਗੁਲਦਸਤੇ ਭੇਟ ਕਰਕੇ ਸ੍ਰ. ਸੰਧਾਵਾਲੀਆ ਦਾ ਸਵਾਗਤ ਕੀਤਾ।ਦੱਸਣਯੋਗ ਹੈ ਕਿ ਜਸਟਿਸ ਸੰਧਾਵਾਲੀਆ ਕੱਲ ਮਿਤੀ 25 ਮਾਰਚ ਨੂੰ ਬਾਬਾ ਬਕਾਲਾ ਦੀਆਂ ਦੋ ਅਤੇ ਅਜਨਾਲਾ ਦੀਆਂ 4 ਕੋਰਟਾਂ ਦਾ ਵੀ ਨਿਰੀਖਣ ਕਰਨਗੇ।