ਬੀ.ਬੀ.ਕੇ ਡੀ.ਏ.ਵੀ ਕਾਲਜ ਫ਼ਾਰ ਵੂਮੈਨ ਵੱਲੋਂ ਰਾਸ਼ਟਰੀ ਯੁਵਾ ਸਪਤਾਹ ਦਾ ਆਯੋਜਨ

ਅੰਮ੍ਰਿਤਸਰ, 27 ਜਨਵਰੀ (ਜਗਦੀਪ ਸਿੰਘ) – ਬੀ.ਬੀ.ਕੇ ਡੀ.ਏ.ਵੀ ਕਾਲਜ ਫ਼ਾਰ ਵੂਮੈਨ ਦੀ ਐਨ.ਐਸ.ਐਸ ਯੂਨਿਟ ਵਲੋਂ 12 ਜਨਵਰੀ ਤੋਂ 19 ਜਨਵਰੀ 2026 ਤੱਕ ਰਾਸ਼ਟਰੀ ਯੁਵਾ ਹਫਤਾ ਬਹੁਤ ਉਤਸ਼ਾਹ ਅਤੇ ਵਿਦਿਆਰਥਣਾਂ ਦੀ ਸਰਗਰਮ ਸ਼ਮੂਲੀਅਤ ਨਾਲ ਮਨਾਇਆ ਗਿਆ।ਹਫਤਾਵਾਰੀ ਪ੍ਰੋਗਰਾਮ ਲੜੀ ਵਿਵੇਕਾਨੰਦ ਜੀ ਦੇ ਜਨਮ ਦਿਵਸ ਦੀ ਯਾਦ ਵਿੱਚ ਅਤੇ ਦੇਸ਼ ਨਿਰਮਾਣ ਵਿੱਚ ਯੁਵਾਵਾਂ ਦੀ ਭੂਮਿਕਾ ਨੂੰ ਉਭਾਰਨ ਲਈ “ਯੂਥ ਫ਼ਾਰ ਮਾਈਭਾਰਤ” ਅਤੇ “ਵਿਕਸਿਤ ਭਾਰਤ ਕਾ ਸੰਕਲਪ ਔਰ ਯੁਵਾ” ਥੀਮਾਂ ‘ਤੇ ਅਧਾਰਿਤ ਸੀ।ਇਸ ਦੌਰਾਨ ਅਕਾਦਮਿਕ, ਰਚਨਾਤਮਕ ਅਤੇ ਕੌਸ਼ਲ ਵਿਕਾਸ ਨਾਲ ਸਬੰਧਿਤ ਕਈ ਗਤੀਵਿਧੀਆਂ ਕਰਵਾਈਆਂ ਗਈਆਂ।
12 ਜਨਵਰੀ 2026 ਨੂੰ ਹਫ਼ਤੇ ਦੀ ਸ਼ੁਰੂਆਤ ਰਾਸ਼ਟਰੀ ਯੁਵਾ ਦਿਵਸ ‘ਤੇ ਆਯੋਜਿਤ ਕੀਤੀ ਗਏ ਇੱਕ ਕਵਿਜ਼ ਮੁਕਾਬਲੇ ਨਾਲ ਹੋਈ, ਜਿਸ ਦਾ ਉਦੇਸ਼ ਸਵਾਮੀ ਵਿਵੇਕਾਨੰਦ ਜੀ ਦੇ ਜੀਵਨ ਅਤੇ ਉਪਦੇਸ਼ਾਂ ਬਾਰੇ ਜਾਗਰੂਕਤਾ ਵਧਾਉਣਾ ਸੀ।ਮੁਕਾਬਲੇ ਵਿੱਚ ਜੈਸਿਕਾ ਕੌਰ (ਬੀ.ਕਾਮ ਸਮੈਸਟਰ ਦੂਜਾ) ਨੇ ਪਹਿਲਾ, ਅੰਤ੍ਰਿਕਸ਼ਾ ਗੁਪਤਾ (ਬੀ.ਕਾਮ ਸਮੈਸਟਰ ਚੌਥਾ) ਨੇ ਦੂਜਾ ਅਤੇ ਵਰਮੀਤ ਕੌਰ (ਬੀ.ਐਸ ਸੀ ਬਾਇਓਟੈਕਨੋਲੋਜੀ) ਨੇ ਤੀਜਾ ਸਥਾਨ ਹਾਸਲ ਕੀਤਾ।ਹੋਰ ਗਤੀਵਿਧੀਆਂ ਵਿਚ “ਵਿਕਸਿਤ ਭਾਰਤ 2047” ਵਿਸ਼ੇ ‘ਤੇ ਰੰਗੋਲੀ ਮੁਕਾਬਲਾ ਅਤੇ “ਯੂਥ ਫ਼ਾਰ ਮਾਈਭਾਰਤ” ਵਿਸ਼ੇ ਉਤੇ ਕੌਸ਼ਲ ਵਿਕਾਸ ਵਰਕਸ਼ਾਪ ਸ਼ਾਮਲ ਰਹੀ।“ਯੂਥ ਫ਼ਾਰ ਮਾਈਭਾਰਤ” ਅਤੇ “ਵਿਕਸਿਤ ਭਾਰਤ ਕਾ ਸੰਕਲਪ ਔਰ ਯੁਵਾ” ਥੀਮਾਂ ‘ਤੇ ਪੋਸਟਰ ਮੇਕਿੰਗ ਮੁਕਾਬਲਾ ਵੀ ਕਰਵਾਇਆ ਗਿਆ, ਜਿਸ ਵਿਚ ਗੋਰੀਕਾ (ਬੀ.ਐਫ.ਏ ਸਮੈਸਟਰ ਦੂਜਾ) ਨੇ ਪਹਿਲਾ, ਰਾਜਨੀਤ ਕੌਰ (ਬੀ.ਕਾਮ ਸਮੈਸਟਰ ਦੂਜਾ) ਨੇ ਦੂਸਰਾ ਅਤੇ ਮੁਸਕਾਨ (ਬੀ.ਏ. ਸਮੈਸਟਰ ਚੌਥਾ) ਨੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ।
ਵਿਦਿਆਰਥਣਾਂ ਵਿੱਚ ਆਲੋਚਨਾਤਮਕ ਸੋਚ ਅਤੇ ਪ੍ਰਭਾਵਸ਼ਾਲੀ ਅਭਿਵਿਅਕਤੀ ਨੂੰ ਉਤਸ਼ਾਹਿਤ ਕਰਨ ਲਈ ਅੰਗਰੇਜ਼ੀ, ਹਿੰਦੀ ਅਤੇ ਪੰਜਾਬੀ ਭਾਸ਼ਾਵਾਂ ਵਿੱਚ ਲੇਖ ਲੇਖਨ ਮੁਕਾਬਲਾ ਵੀ ਕਰਵਾਇਆ ਗਿਆ।ਅੰਗਰੇਜ਼ੀ ਲੇਖ ਲੇਖਨ ਮੁਕਾਬਲੇ ਵਿੱਚ ਦੀਆਂ ਆਨੰਦ (ਬੀ.ਬੀ.ਏ. ਸਮੈਸਟਰ ਦੂਜਾ) ਨੇ ਪਹਿਲਾ, ਅੰਸ਼ਿਕਾ ਤਿਵਾਰੀ (ਬੀ.ਸੀ.ਏ ਸਮੈਸਟਰ ਚੌਥਾ) ਨੇ ਦੂਜਾ ਅਤੇ ਜਸਪ੍ਰੀਤ ਕੌਰ (ਬੀ.ਸੀ.ਏ ਸਮੈਸਟਰ ਚੌਥਾ) ਨੇ ਤੀਜਾ ਸਥਾਨ ਹਾਸਲ ਕੀਤਾ।ਪੰਜਾਬੀ ਲੇਖ ਲੇਖਨ ਮੁਕਾਬਲੇ ਵਿੱਚ ਮੁਸਕਾਨ ਕਪੂਰ (ਬੀ.ਸੀ.ਏ ਸਮੈਸਟਰ ਦੂਜਾ) ਨੇ ਪਹਿਲਾ, ਬਿੰਦੀਆ (ਬੀ.ਸੀ.ਏ ਸਮੈਸਟਰ ਦੂਸਰਾ) ਨੇ ਦੂਜਾ ਅਤੇ ਉਪਾਸਨਾ ਅਰੋੜਾ (ਬੀ.ਏ ਸਮੈਸਟਰ ਚੌਥਾ) ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ।ਹਿੰਦੀ ਲੇਖ ਲੇਖਨ ਮੁਕਾਬਲੇ ਵਿੱਚ ਰਿਤਿਕਾ (ਬੀ.ਐਸ.ਸੀ ਅਰਥਸ਼ਾਸਤਰ ਸਮੈਸਟਰ ਦੂਜਾ) ਅਤੇ ਸਾਵਿਤਾ ਸ਼ਰਮਾ (ਬੀ.ਐਸ.ਸੀ ਨਾਨ-ਮੈਡੀਕਲ ਸਮੈਸਟਰ ਦੂਸਰਾ) ਨੇ ਸਾਂਝੇ ਤੌਰ ‘ਤੇ ਤੀਜਾ ਸਥਾਨ ਹਾਸਲ ਕੀਤਾ।
ਪ੍ਰਿੰਸੀਪਲ ਡਾ. ਪੁਸ਼ਪਿੰਦਰ ਵਾਲੀਆ ਨੇ ਐਨ.ਐਸ.ਐਸ ਯੂਨਿਟ ਅਤੇ ਅਧਿਆਪਕਾਂ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਇਸ ਤਰ੍ਹਾਂ ਦੀਆਂ ਪਹਿਲਕਦਮੀਆਂ ਸਵਾਮੀ ਵਿਵੇਕਾਨੰਦ ਦੇ ਆਦਰਸ਼ਾਂ ਤੋਂ ਪ੍ਰੇਰਿਤ ਹਨ।ਇਹ ਸਾਰਾ ਪ੍ਰੋਗਰਾਮ ਡਾ. ਅਨੀਤਾ ਨਰਿੰਦਰ ਡੀਨ (ਕਮਿਊਨਿਟੀ ਡਿਵੈਲਪਮੈਂਟ ਇਨੀਸ਼ੀਏਟਿਵਜ਼), ਮਿਸ ਸੁਰਭੀ ਸੇਠੀ ਅਤੇ ਡਾ. ਨਿਧੀ ਅਗਰਵਾਲ, ਐਨ.ਐਸ.ਐਸ ਪ੍ਰੋਗਰਾਮ ਅਫ਼ਸਰਾਂ ਦੀ ਦੇਖ-ਰੇਖ ਹੇਠ ਸਫ਼ਲਤਾਪੂਰਵਕ ਆਯੋਜਿਤ ਕੀਤਾ ਗਿਆ।