ਹੋਟਲਾਂ ਤੇ ਸਰਾਵਾਂ ਦੇ ਰਜਿਸਟਰ ਚੈਕ ਕਰਕੇ ਰਜਿਸਟਰ ਇੰਦਰਾਜ ਮੁਤਾਬਿਕ ਕੀਤੀ ਚੈਕਿੰਗ

ਅੰਮ੍ਰਿਤਸਰ, 12 ਅਪ੍ਰੈਲ (ਜਗਦੀਪ ਸਿੰਘ ਸੱਗੂ) – ਪੁਲਿਸ ਕਮਿਸ਼ਨਰ ਸ੍ਰ. ਜਤਿੰਦਰ ਸਿੰਘ ਔਲਖ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਸ੍ਰੀ ਕੇਤਨ ਪਾਟਿਲ ਵਧੀਕ ਪੁਲਿਸ ਕਮਿਸ਼ਨਰ-2 ਅਮ੍ਰਿਤਸਰ ਅਤੇ ਸੁਖਵਿੰਦਰ ਸਿੰਘ ਰੰਧਾਵਾ ਮੁੱਖ ਅਫਸਰ ਥਾਣਾ ਸਿਵਲ ਲਾਈਨ ਦੀ ਅਗਵਾਈ ਵਿੱਚ ਰੇਲਵੇ ਸਟੇਸਨ ਅਤੇ ਹੋਰ ਭੀੜ ਭੜੱਕੇ ਵਾਲੀਆਂ ਥਾਵਾਂ ਹੋਟਲ ਸਰਾਵਾ ਆਦਿ ਦੀ ਚੈਕਿੰਗ ਮੁਹਿੰਮ ਦੌਰਾਨ ਹੋਟਲਾਂ ਅਤੇ ਸਰਾਵਾਂ ਦੇ ਰਜਿਸਟਰ ਚੈਕ ਕਰਕੇ ਇੰਦਰਾਜ ਮੁਤਾਬਿਕ ਚੈਕਿੰਗ ਕੀਤੀ ਗਈ ਅਤੇ ਹੋਟਲ ਅਤੇ ਸਰਾਵਾਂ ਦੇ ਮਾਲਕਾਂ ਅਤੇ ਮੈਨਜਰਾਂ ਨੂੰ ਸਖਤ ਹਦਾਇਤ ਕੀਤੀ ਗਈ ਕਿ ਕਿਸੇ ਵੀ ਸ਼ੱਕੀ ਵਿਅਕਤੀ ਨੂੰ ਕਮਰਾ ਦੇਣ ਤੋ ਪਹਿਲਾਂ ਉਸ ਦੇ ਰਿਹਾਇਸ਼ ਦੇ ਸਬੂਤ ਹਾਸਲ ਕਰਕੇ ਚੰਗੀ ਤਰਾਂ ਚੈਕ ਕਰਨ ਤੋ ਬਾਅਦ ਹੀ ਕਮਰਾ ਦਿੱਤਾ ਜਾਵੇ ਅਤੇ ਜੇਕਰ ਕੋਈ ਸ਼ੱਕ ਵਾਲੀ ਗੱਲ ਨਜਰ ਆਉਦੀ ਹੈ ਤਾਂ ਤੁਰੰਤ ਥਾਣੇ ਨੂੰ ਸੂਚਿਤ ਕੀਤਾ ਜਾਵੇ।ਥਾਣਾ ਸਿਵਲ ਲਾਈਨ ਦੇ ਇਲਾਕੇ ਵਿੱਚ ਅਮਨ ਕਨੂੰਨ ਦੀ ਸਥਿਤੀ ਨੂੰ ਕਾਇਮ ਰੱਖਣ ਲਈ ਚੌਕੀ ਇੰਚਾਰਜਾਂ ਅਤੇ ਫੋਰਸ ਨੂੰ ਵੀ ਸਖਤ ਹਦਾਇਤਾਂ ਦਿੱਤੀਆਂ ਗਈਆਂ ।