ਮੇਅਰ ਅਰੋੜਾ ਵਲੋਂ ਅਮਰਕੋਟ ਵਿਖੇ ਪੱਕੀਆਂ ਸੜਕਾਂ ਤੇ ਗਲੀਆਂ ਬਨਾਉਣ ਦੇ ਕੰਮ ਦਾ ਉਦਘਾਟਨ

ਅੰਮ੍ਰਿਤਸਰ, 22 ਅਪ੍ਰੈਲ (ਜਗਦੀਪ ਸਿੰਘ ਸੱਗੂ) – ਮੇਅਰ ਸ੍ਰੀ ਬਖਸ਼ੀ ਰਾਮ ਅਰੋੜਾ ਵੱਲੋਂ ਵਾਰਡ ਨੰ. 54 ਵਿਚ ਪੈਂਦੇ ਇਲਾਕਾ ਅਮਰਕੋਟ ਵਿਖੇ ਸੜਕ ਅਤੇ ਨਾਲ ਲੱਗਦੀਆਂ ਗਲੀਆਂ ਵਿਚ ਲੁੱਕ ਬਜਰੀ ਦੀਆਂ ਪੱਕੀਆਂ ਸੜਕਾਂ ਬਨਾਉਣ ਦੇ ਕੰਮ ਦਾ ਉਦਘਾਟਨ ਕੀਤਾ ਗਿਆ।ਇਸ ਵਿਕਾਸ ਦੇ ਕੰਮ ਤੇ ਲਗਭਗ 12.70 ਲੱਖ ਰੁਪਏ ਲਾਗਤ ਆਵੇਗੀ।ਇਸ ਅਵਸਰ ਤੇ ਉਹਨਾ ਦੇ ਨਾਲ ਰਾਕੇਸ਼ ਗਿੱਲ, ਹਲਕਾ ਇੰਚਾਰਜ ਅੰਮ੍ਰਿਤਸਰ ਪੱਛਮੀ, ਤਜਿੰਦਰ ਕੌਰ ਕੌਸਲਰ, ਸੁਖਦੇਵ ਸਿੰਘ ਚਾਹਲ ਸਾਬਕਾ ਕੌਸਲਰ, ਅਵਿਨਾਸ਼, ਕੁਲਦੀਪ ਸ਼ਰਮਾ, ਸੰਦੀਪ ਕੁਮਾਰ, ਨਿਰਮਲ ਸਿਘ, ਮਨਜੀਤ ਸਿੰਘ ਮਿੰਟਾ, ਵਿਸ਼ਾਲ ਠਾਕੁਰ, ਸਰਵਨ ਨਈਅਰ, ਮੁਨੀਸ਼ ਸ਼ਰਮਾ, ਦੇਸਰਾਜ, ਨਰਿੰਦਰ ਸਿੰਘ ਭੋਲਾ, ਸੁਖਵਿੰਦਰ ਸਿੰਘ, ਕਾਫੀ ਗਿਣਤੀ ਵਿਚ ਇਲਾਕਾ ਨਿਵਾਸੀ ਅਤੇ ਨਗਰ ਨਿਗਮ ਦੇ ਅਧਿਕਾਰੀ ਸ਼ਾਮਿਲ ਸਨ।
ਉਪਰੋਕਤ ਉਦਘਾਟਨ ਮੌਕੇ ਤੇ ਮੇਅਰ ਅਰੋੜਾ ਨੇ ਕਿਹਾ ਕਿ ਅਮਰਕੋਟ ਦੀ ਸੜਕ ਅਤੇ ਨਾਲ ਲਗਦੀਆਂ ਗਲੀਆਂ ਪੱਕੀਆਂ ਬਣਨ ਨਾਲ ਇੱਥੋਂ ਦੇ ਨਿਵਾਸੀਆਂ ਅਤੇ ਆਉਣ ਜਾਣ ਵਾਲੇ ਲੋਕਾਂ ਨੂੰ ਰਾਹਤ ਮਿਲੇਗੀ ਅਤੇ ਆਵਾਜਾਈ ਅਸਾਨ ਹੋਵੇਗੀ।ਉਹਨਾਂ ਕਿਹਾ ਕਿ ਇਲਾਕੇ ਦੀ ਕੌਂਸਲਰ ਦੀ ਮੇਹਨਤ ਸਦਕਾ ਹੀ ਅੱਜ ਇਹ ਸੜਕ ਅਤੇ ਗਲੀਆਂ ਪੱਕੀਆਂ ਬਣਾਈਆਂ ਜਾ ਰਹੀਆਂ ਹਨ। ਉਹਨਾਂ ਇਲਾਕਾ ਨਿਵਾਸੀਆਂ ਨੂੰ ਭਰੋਸਾ ਦਵਾਇਆ ਕਿ ਇਸ ਇਲਾਕੇ ਵਿਚ ਰਹਿੰਦੇ ਕੰਮਾਂ ਨੂੰ ਜਲਦੀ ਤੋਂ ਜਲਦੀ ਕਰਵਾਇਆ ਜਾਵੇਗਾ।