ਰੇਲਵੇ ਲਾਇਨ ਦਾ ਬਜਟ ਪਾਸ ਹੋਣ ਤੇ ਸ਼ਹਿਰ ਵਾਸੀਆਂ ਵੱਲੋਂ ਕੈਰੋਂ ਦਾ ਧੰਨਵਾਦ

ਪੱਟੀ, 26 ਫਰਵਰੀ (ਅਵਤਾਰ ਸਿੰਘ ਢਿੱਲੋਂ, ਰਣਜੀਤ ਮਾਹਲਾ) – ਰੇਲਵੇ ਮੰਤਰੀ ਸ੍ਰੀ ਸੁਰੇਸ਼ ਪ੍ਰਭੂ ਵੱਲੋਂ ਪੇਸ਼ ਕੀਤੇ ਗਏ ਰਲ ਬਜਟ ਵਿਚ ਪੱਟੀ ਤੋਂ ਫਿਰੋਜਪੁਰ ਪੁੱਲ ਜੋੜਨ ਵਾਲੇ ਪੁੱਲ ਦਾ ਬਜਟ ਪਾਸ ਹੋਣ ਦੀ ਖਬਰ ਜਿਵੇਂ ਹੀ ਮਿਲੀ ਸ਼ਹਿਰ ਵਾਸੀਆਂ ਵਿਚ ਖੁਸ਼ੀ ਦੀ ਲਹਿਰ ਦੌੜ ਗਈ।ਇਸੇ ਸਬੰਧੀ ਨਗਰ ਕੋਂਸਲ ਦੇ ਦਫਤਰ ਵਿਖੇ ਇਕ ਵਿਸ਼ੇਸ਼ ਮੀਟਿੰਗ ਸੀਨੀਅਰ ਮੀਤ ਪ੍ਰਧਾਨ ਜੁਗਿੰਦਰ ਸਿੰਘ ਦੀ ਪ੍ਰਧਾਨਗੀ ਵਿਚ ਹੋਈ ਜਿਸ ਵਿਚ ਭਗਵਾਨ ਵਾਲਮੀਕਿ ਸੰਗਠਨ ਸ਼ੋ੍ਰਮਣੀ ਅਕਾਲੀ ਦੇ ਜਿਲ੍ਹਾ ਪਰਧਾਨ ਰਾਜ ਕੁਮਾਰ ਰਾਜੂ ਨੇ ਸ਼ਿਕਰਤ ਕੀਤੀ ਉਹਨਾਂ ਨੇ ਹਲਕਾ ਵਿਧਾਇਕ ਸ੍ਰ. ਆਦੇਸ਼ ਪ੍ਰਤਾਪ ਸਿੰਘ ਕੈਰੌ ਦਾ ਧੰਨਵਾਦ ਕੀਤਾ। ਉਹਨਾਂ ਦੱਸਿਆ ਕਿ ਸ੍ਰ. ਕੈਰੋਂ ਦੇ ਯਤਨਾਂ ਸਦਕਾ ਹੀ ਰੇਲ ਮੰਤਰੀ ਦੁਆਰਾ ਬਜਟ ਵਿਚ ਪੁੱਲ ਦਾ ਬਜਟ ਪਾਸ ਕਰ ਦਿੱਤਾ ਗਿਆ ਹੈ ।ਇਸ ਮੌਕੇ ਤੇ ਕੌਸਲਰ ਜਸਬੀਰ ਸਿੰਘ ਜੱਸ ਤੇ ਹੋਰ ਹਾਜਰ ਸਨ।