ਗੁਰੂ ਗੋਬਿੰਦ ਸਟੱਡੀ ਸਰਕਲ ਬਠਿੰਡਾ ਵਲੋਂ ਦਾਸਤਾਰ ਸਿਖਲਾਈ ਅਤੇ ਕਿਰਦਾਰ ਕੈਂਪ ਆਯੋਜਿਤ

ਬਠਿੰਡਾ, 17 ਮਾਰਚ (ਅਵਤਾਰ ਸਿੰਘ ਕੈਂਥ, ਜਸਵਿੰਦਰ ਸਿੰਘ ਜੱਸੀ) – ਦਾਸਤਾਰ ਸਿਖਲਾਈ ਅਤੇ ਕਿਰਦਾਰ ਕੈਂਪ ਸਥਾਨਕ ਸ਼ਹਿਰ ਦੇ ਨਜਦੀਕ ਪਿੰਡ ਲੇਹਰਾ ਖਾਨਾ ਵਿਖੇ ਲਗਾਇਆ ਗਿਆ। ਇਹ ਕੈਂਪ ਦੀ ਐਂਟੀ ਡਰੱਗ ਸੁਸਾਇਟੀ ਦੀ ਮਦਦ ਕਾਰਨ 70 ਕੁ ਛੋਟੇ ਅਤੇ ਵੱਡੇ ਨੌਜਵਾਨਾਂ ਨੇ ਮਿਲ ਕੇ ਇਸ ਕੈਂਪ ਵਿਚ ਸਮੂਲੀਅਤ ਕੀਤੀ। ਨੌਜਵਾਨ ਵੀਰਾਂ ਵਿਚ ਦਾਸਤਾਰ ਸਜਾਉਣ ਦਾ ਬਹੁਤ ਉਤਸ਼ਾਹ ਦੇਖਨ ਨੂੰ ਮਿਲਿਆ ਬੇਸ਼ੱਕ ਕੁਝ ਬਹੁਤ ਛੋਟੇ ਛੋਟੇ ਬੱਚੇ ਦਾਸਤਾਰ ਬੱਨਣ ਹਾਲੇ ਨਹੀਂ ਸੀ ਸਿਖ ਸਕੇ । ਇਨ੍ਹਾਂ ਨੂੰ ਸਿਖਾਉਣ ਦੀ ਜਿੰਮੇਵਾਰੀ ਪਿੰਡ ਦੇ ਵੱਡੇ ਵੀਰਾਂ ਨੇ ਲੈ ਲਈ। ਦਾਸਤਾਰ ਸਿਖਾਉਣ ਲਈ ਵੀਰ ਜੈਦੀਪ ਸਿੰਘ ਹਰ ਰੋਜ ਬਠਿੰਡਾ ਤੋਂ ਆਉਂਦੇ ਸਨ। ਉਚੇਚੇ ਤੌਰ ‘ਤੇ ਸਕਾਡਨ ਲੀਡਰ ਬਲਵੰਤ ਸਿੰਘ ਮਾਨ ਪ੍ਰਧਾਨ ਬਠਿੰਡਾ ਸਰਕਲ ਨੇ ਦਾਸਤਾਰ ਤੇ ਸੈਮੀਨਾਰ ਕਰਕੇ ਇਸ ਦੀ ਮਹੱਤਤਾ ਅਤੇ ਇਤਿਹਾਸ ਤੇ ਚਾਨਣਾ ਪਾਇਆ ਅਤੇ ਦਸਤਾਰ ਤੇ ਕਿਰਦਾਰ ਦਾ ਸਬੰਧ ਦੱਸਿਆ ਇਸ ਮੌਕੇ ਕੈਂਪ ਵਿੱਚ ਚਾਰ ਛੋਟੀਆਂ ਛੋਟੀਆਂ ਫਿਲਮਾਂ ਦਿਖਾਕੇ ਦਸਤਾਰ ਅਤੇ ਕਿਰਦਾਰ ਦੀ ਜਰੂਰਤ ਨੂੰ ਹੋਰ ਉਜਾਗਰ ਕੀਤਾ।