ਕੁਦਰਤੀ ਆਫ਼ਤਾਂ ਤੋਂ ਬਚਾਅ ਦੇ ਢੰਗ ਤਰੀਕਿਆਂ ਦੀ ਜਾਣਕਾਰੀ ਵਾਲਾ ਤਿੰਨ ਰੋਜਾ ਕੈਂਪ ਸਪੰਨ

ਬਠਿੰਡਾ, 29 ਜੂਨ (ਜਸਵਿੰਦਰ ਸਿੰਘ ਜੱਸੀ, ਅਵਤਾਰ ਸਿੰਘ ਕੈਂਥ) – ਕੁਦਰਤੀ ਆਫਤਾਂ, ਫਾਇਰ ਫਾਈਟਿੰਗ, ਅਣਸੁਖਾਵੀਆਂ ਘਟਨਾਵਾਂ ਦੋਰਾਨ ਬਚਾਅ ਅਤੇ ਮੈਨ ਮੇਡ ਆਫਤਾਂ ਸਮੇਂ ਲੋਕਾਂ ਦੀ ਜਾਣਮਾਲ ਦੀ ਹਿਫਾਜਤ ਅਤੇ ਰਖਵਾਲੀ ਕਰਨ ਦੇ  ਢੰਗ ਤਰੀਕੇ ਦੱਸਣ ਦੇ ਮੰਤਵ ਨਾਲ  ਪਾਇਲਟ ਪ੍ਰਾਜੈਕਟ ਰਿਵੈਂਪਿੰਗ ਆਫ ਸਿਵਲ ਡਿਫੈਂਸ ਸਕੀਮ ਤਹਿਤ ਲੜੀਵਾਰ ਤਿੰਨ ਕੈਪਾਂ ਦਾ ਪਹਿਲਾ ਤਿੰਨ ਦਿਨਾਂ ਕੈਂਪ ਸਥਾਨਕ ਸਿਵਲ ਹਸਪਤਾਲ ਵਿੱਚ ਸਪੰਨ ਹੋ ਗਿਆ। ਡੀ.ਜੀ.ਪੀ-ਕਮ-ਕਮਾਂਡੈਂਟ ਜਨਰਲ ਪੰਜਾਬ ਹੋਮ ਗਾਰਡਜ ਅਤੇ ਡਾਇਰੈਕਟਰ ਸਿਵਲ ਡਿਫੈਂਸ ਦੀਆਂ ਹਦਾਇਤਾਂ ‘ਤੇ ਕਰਵਾਏ ਇਸ ਕੈਂਪ ਵਿਚ ਫਾਇਰ ਫਾਇਟਿੰਗ ਰੈਸਕਿਊ, ਕੁਦਰਤੀ ਆਫਤਾਂ ਅਤੇ ਹੋਰ ਮੁਸੀਬਤਾਂ ਆਦਿ ਮੌਕੇ ਵਰਤੇ ਜਾਣ ਵਾਲੇ ਬਚਾਅ ਦੇ ਢੰਗ-ਦਤਰੀਕਿਆਂ ਬਾਰੇ ਵਿਸਥਾਰਤ ਜਾਣਕਾਰੀ ਦਿੱਤੀ ਗਈ। ਇਸ ਦੇ ਨਾਲ ਹੀ ਦੂਸਰਾ ਕੈਪ ਜੋ ਕਿ 29-6-16 ਤੋ 01-7-16 ਤੱਕ ਸਿਵਲ ਹਸਪਤਾਲ ਬਠਿੰਡਾ ਵਿਖੇ ਜੀ.ਐਨ.ਐਮ ਟਰੇਨਿੰਗ ਕਾਲਜ ਵਿਖੇ ਹੀ ਚੱਲੇਗਾ ਦੀ ਸੁਰੂਆਤ ਜਿਲਾ ਕਮਾਂਡਰ ਪੰਜਾਬ ਹੋਮ ਗਾਰਡਜ ਬਠਿੰਡਾ ਕੇ.ਕੇ.ਸਾਹ ਅਤੇ ਸ੍ਰੀ ਸੁਰਿੰਦਰ ਮੋਹਨ ਜਿੰਦਲ ਚੀਫ ਵਾਰਡਨ ਸਿਵਲ ਡਿਫੈਸ ਵੱਲੋ ਕੀਤੀ ਗਈ । ਇਸ ਮੋਕੇ ਐਨ.ਡੀ.ਆਰ.ਐਫ ਵੱਲੋ ਕੁਦਰਤੀ ਆਫਤਾਂ ਤੇ ਮੈਨ ਮੇਡ ਆਫਤਾਂ ਸਮੇ ਲੋਕਾਂ ਦੀ ਜਾਣਮਾਲ ਦੀ ਹਿਫਾਜਤ/ਰਖਵਾਲੀ ਲਈ ਵਰਤੇ ਜਾਂਦੇ ਇਨਸਟਰੂਮੈਟਾਂ ਦੀ ਪ੍ਰਦਰਸਣੀ ਲਗਾਈ ਗਈ ਜਿਸ ਸਬੰਧੀ ਟਰੇਨਿੰਗ ਹਾਸਿਲ ਕਰ ਰਹੇ ਅਤੇ ਟਰੇਨਿੰਗ ਕਰ ਚੁੱਕੇ ਸਿਖਿਆਰਥੀਆਂ ਨੂੰ ਹਰ ਔਜਾਰ ਦੀ ਵਿਸਥਾਰਪੁੂਰਵਕ ਜਾਣਕਾਰੀ ਦਿੱਤੀ ਗਈ ਕਿ ਕਿਸ ਤਰਾਂ ਸੰਕਟਲੀਨ ਸਥਿਤੀ ਵਿਚ ਇਹਨਾਂ ਦੀ ਵਰਤੋ ਕੀਤੀ ਜਾਂਦੀ ਹੈ ਅਤੇ ਡੈਮੋ ਵੀ ਕਰਕੇ ਦਿਖਾਇਆ ਗਿਆ । ਇਸ ਤੋ ਇਲਾਵਾ ਇਹਨਾਂ ਟਰੇਨਿੰਗ ਕੈਪਾਂ ਵਿਚ ਸਿਖਿਆਰਥੀਆਂ ਦੇ ਉਤਸਾਹਤ ਕਰਨ ਹਿੱਤ ਪ੍ਰਾਪਤ ਫੰਡਾਂ ਵਿਚੋਂ ਜਿਲਾ ਕਮਾਂਡਰ ਪੰਜਾਬ ਹੋਮ ਗਾਰਡਜ ਬਠਿੰਡਾ  ਕੇਵਲ ਕ੍ਰਿਸਨ ਸਾਹ ਦੀ ਪ੍ਰਧਾਨਗੀ ਹੇਠ ਹਰ ਸਿਖਿਆਰਥੀ ਨੂੰ ਪ੍ਰਤੀ ਦਿਨ 200/-(ਦੋ ਸੋ ਰੁਪਏ) ਟਰੇਨਿੰਗ ਅਲਾਊਂਸ ਅਤੇ ਡਾਈਟਿੰਗ ਅਲਾਊਂਸ 100/-( ਇਕ ਸੋ ਰੁਪਏ) ਪ੍ਰਤੀ ਦਿਨ ਦੇ ਹਿਸਾਬ ਨਾਲ ਸਮਾਪਤ ਹੋਏ ਟਰੇਨਿੰਗ ਕੈਪ ਦੇ 50 ਸਿਖਿਆਰਥੀਆਂ ਨੂੰ 900/-ਰੁਪਏ ਪ੍ਰਤੀ ਸਿਖਿਆਰਥੀ ਨੂੰ ਅਦਾ ਕੀਤੇ ਗਏ ।