ਹਿਮਾਚਲ ਦੇ ਕਲਾਕਾਰਾਂ ਨੇ ਪੰਜਾਬ ਪਾਇਟੈਕਸ ਵਿੱਚ ਬੰਨਿਆ ਰੰਗ

ਅੰਮਿ੍ਤਸਰ, 12 ਦਸੰਬਰ (ਜਗਦੀਪ ਸਿੰਘ ਸੱਗੂ) – ਪਾਇਟੈਕਸ ਮੇਲੇ ਦੀ ਸਮਾਪਤੀ ਮੌਕੇ ਆਯੋਜਿਤ ਸਭਿਆਚਾਰਕ ਪ੍ਰੋਗਰਾਮ ਦੌਰਾਨ ਹਿਮਾਚਲੀ ਕਲਾਕਾਰਾਂ ਨੇ ਪੰਜਾਬਿਆਂ ਨੂੰ ਝੁਮਣ ਲਾ ਦਿੱਤਾ।ਹਿਮਾਚਲ ਪ੍ਰਦੇਸ਼ ਦੇ ਭਾਸ਼ਾ ਅਤੇ ਸਭਿਆਚਾਰਕ ਮਾਮਲੇ ਵਿਭਾਗ ਅਧੀਨ ਆਉਦੇ ਸਰਸਵਤੀ ਸਵਰ ਸੰਗਮ ਗਰੁੱਪ ਦੇ ਕਲਾਕਾਰਾਂ ਨੇ ਗਰੁੱਪ ਡਾਇਰੈਕਟਰ ਜਤਿੰਦਰ ਕੁਮਾਰ ਦੀ ਅਗਵਾਈ ਹੇਠ ਕਾਂਗੜਾ ਦਾ ਲੋਕਨਾਚ ਝਮਾਕੜਾ, ਲੋਕਗੀਤ ਅੱਮਾਂ ਪੁਛੱਦੀ, ਕਾਂਗੜੀ ਗਿੱਧਾ ਪੇਸ਼ ਕਰਕੇ ਪੰਜਾਬਿਆਂ ਦਾ ਮਨੋਰੰਜਨ ਕੀਤਾ।