ਬਠਿੰਡਾ `ਚ ਈ.ਜੀ.ਐਸ ਅਧਿਆਪਕ ਨੇ ਖੁੱਦ ਨੂੰ ਲਾਈ ਅੱਗ

ਬਠਿੰਡਾ, 21 ਦਸੰਬਰ (ਅਵਤਾਰ ਸਿੰਘ ਕੈਂਥ, ਜਸਵਿੰਦਰ ਸਿੰਘ ਜੱਸੀ)- ਰੈਗੂਲਰ ਕਰਨ ਦੀ ਮੰਗ ਨੂੰ ਲੈ ਕੇ ਪਿਛਲੇ 43 ਦਿਨਾਂ ਤੋਂ ਟੈਂਕੀ ਤੇ ਚੜੇ ਈਜੀਐਸ ਅਧਿਆਪਕਾਂ ਨੇ ਬੁੱਧਵਾਰ ਨੂੰ ਤੀਜੇ ਦਿਨ ਮੇਨ ਚੌਕ ਤੇ ਧਰਨਾ ਦਿੱਤਾ ਤੇ ਹਾਈਵੇਅ ਜਾਮ ਕਰ ਦਿੱਤਾ।ਇਸ ਦੌਰਾਨ ਪੁਤਲਾ ਫੂਕਣ ਸਮੇਂ ਇਕ ਅਧਿਆਪਕ ਨੇ ਪੈਟਰੋਲ ਛਿੜਕ ਕੇ ਪੁਤਲੇ ਵਾਲੀ ਜਗ੍ਹਾ ਤੇ ਛਾਲ ਮਾਰ ਦਿੱਤੀ, ਜਿਸ ਤੋਂ ਬਾਅਦ ਉਹ ਖੁਦ ਅੱਗ ਦੀ ਚਪੇਟ ਵਿਚ ਆ ਗਿਆ।ਗੌਰਤਲਬ ਹੈ ਕਿ ਬੀਤੇ ਦਿਨੀਂ ਕਪੂਰਥਲਾ ਵਾਸੀ ਨਿਸ਼ਾਂਤ ਨੇ ਵੀ ਪੈਟਰੋਲ ਪੀ ਕੇ ਤੇ ਆਪਣੇ ਆਪ ਤੇ ਛਿੜਕ ਕੇ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ ਜਿਸ ਨੂੰ ਤੁਰੰਤ ਹਸਪਤਾਲ ਦਾਖਲ ਕਰਵਾਇਆ ਗਿਆ ਸੀ, ਬਾਵਜੂਦ ਇਸ ਦੇ ਪ੍ਰਸ਼ਾਸਨ ਨੇ ਕੋਈ ਕਾਰਵਾਈ ਨਹੀਂ ਕੀਤੀ ।