ਸਾਬਕਾ ਮੁੱਖ ਮੰਤਰੀ ਤੇ ਕਈ ਰਾਜਾਂ ਦੇ ਗਵਰਨਰ ਰਹਿ ਚੁੱਕੇ ਸੁਰਜੀਤ ਸਿੰਘ ਬਰਨਾਲਾ ਦਾ ਦੇਹਾਂਤ

ਧੂਰੀ, 14 ਜਨਵਰੀ (ਪ੍ਰਵੀਨ ਗਰਗ)- ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਕਈ ਰਾਜਾਂ ਦੇ ਰਹਿ ਚੁੱਕੇ ਗਵਰਨਰ ਸੁਰਜੀਤ ਸਿੰਘ ਬਰਨਾਲਾ ਦਾ ਅੱਜ ਚੰਡੀਗੜ੍ਹ ਦੇ

ਪੀ.ਜੀ.ਆਈ ਹਸਪਤਾਲ ਵਿਖੇ ਦੇਹਾਂਤ ਹੋ ਗਿਆ।ਪਿਛਲੇ 2 ਦਿਨਾਂ ਤੋਂ ਬਰਨਾਲਾ ਪੀ.ਜੀ.ਆਈ. ਵਿਖੇ ਦਾਖਲ ਸਨ ਜਿੱਥੇ ਅੱਜ ਉਹਨਾਂ ਨੇ ਆਖਰੀ ਸਾਂਹ ਲਿਆ।ਜ਼ਿਕਰਯੋਗ ਹੈ ਕਿ ਸ੍ਰ. ਬਰਨਾਲਾ ਦਾ ਸੰਸਕਾਰ ਉਹਨਾਂ ਦੇ ਜੱਦੀ ਸ਼ਹਿਰ ਬਰਨਾਲਾ ਵਿਖੇ ਹੀ ਕੀਤਾ ਜਾਵੇਗਾ।ਇਸ ਮੰਦਭਾਗੀ ਖਬਰ ਦੇ ਪਤਾ ਚੱਲਣ `ਤੇ ਸਾਬਕਾ ਮੰਤਰੀ ਬਲਦੇਵ ਸਿੰਘ ਮਾਨ, ਕਾਂਗਰਸੀ ਆਗੂ ਸੰਦੀਪ ਸਿੰਗਲਾ, ਪਿ੍ਰੰ. ਜੋਰਾ ਸਿੰਘ, ਚਮਕੌਰ ਸਿੰਘ ਕੁੰਭੜਵਾਲ, ਲਖਵੀਰ ਬਮਾਲ, ਮਿੱਠੂ ਲੱਡਾ, ਸਤਵੰਤ ਕਾਕਾ ਬਮਾਲ, ਇੰਦਰਪਾਲ ਸਿੰਘ ਗੋਲਡੀ, ਮੱਖਣ ਲਾਲ ਗਰਗ ਚੇਅਰਮੈਨ ਕੈਂਬਰਿਜ ਸਕੂਲ ਅਤੇ ਗੁਰਬਚਨ ਸਿੰਘ ਆਦਿ ਵੱਲੋਂ ਬਰਨਾਲਾ ਪਰਿਵਾਰ ਨਾਲ ਡੂੰਘੀ ਹਮਦਰਦੀ ਜਾਹਰ ਕੀਤੀ ਗਈ ।