ਧੂਰੀ ਵਿਖੇ ਖੁੱਲਿਆ ਐਮ.ਜੀ.ਐਮ ਮਲਟੀਪਲੈਕਸ

ਧੂਰੀ, 9 ਫਰਵਰੀ (ਪੰਜਾਬ ਪੋਸਟ- ਪ੍ਰਵੀਨ ਗਰਗ)- ਸਥਾਨਕ ਧੂਰੀ-ਸੰਗਰੂਰ ਰੋਡ ਉਪੱਰ ਸਿਵਲ ਹਸਪਤਾਲ ਦੇ ਨਜ਼ਦੀਕ ਖੁੱਲੇ ਐਮ.ਜੀ.ਐਮ ਮਲਟੀਪਲੈਕਸ ਦੀ ਸ਼ਹਿਰ ਨਿਵਾਸੀਆਂ ਵਿੱਚ ਚਰਚਾ ਜ਼ੋਰਾਂ `ਤੇ ਹੈ।

ਇਸ ਸਬੰਧੀ ਮਲਟੀਪਲੈਕਸ ਦੇ ਮਾਲਕ ਪੁਸ਼ਪਿੰਦਰ ਸਿੰਘ ਸਾਰੋਂ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ ਸ਼ਹਿਰ ਵਿਖੇ ਅਜਿਹਾ ਕੋਈ ਮਲਟੀਪਲੈਕਸ ਨਾ ਹੋਣ ਕਾਰਨ ਲੋਕਾਂ ਨੂੰ ਸ਼ਹਿਰ ਤੋਂ ਬਾਹਰ ਕਾਫੀ ਦੂਰ ਜਾਣਾ ਪੈਂਦਾ ਸੀ, ਪ੍ਰੰਤੂ ਹੁਣ ਸ਼ਹਿਰ ਅੰਦਰ ਐਮ.ਜੀ.ਐਮ ਮਲਟੀਪਲੈਕਸ ਖੁੱਲ ਜਾਣ ਕਾਰਨ ਜਿੱਥੇ ਇਲਾਕੇ ਅਤੇ ਨੇੜਲੇ ਪਿੰਡਾਂ ਦੇ ਲੋਕਾਂ ਨੂੰ ਸਹੂਲਤ ਮਿਲੇਗੀ, ਉੱਥੇ ਹੀ ਇਸ ਦੇ ਖੁੱਲਣ ਨਾਲ ਕੁੱਝ ਹੱਦ ਤੱਕ ਇਲਾਕੇ ਦੇ ਬੇਰੁਜਗਾਰ ਨੌਜਵਾਨਾਂ ਨੂੰ ਰੁਜ਼ਗਾਰ ਵੀ ਮਿਲਿਆ ਹੈ।ਉਹਨਾਂ ਕਿਹਾ ਕਿ ਇਸ ਮਲਟੀਪਲੈਕਸ ਵਿੱਚ ਸਿਨੇਮਾ ਹਾਲ ਦੀਆਂ ਲੱਗਭਗ 300 ਸੀਟਾਂ ਹਨ ਅਤੇ ਲੋਕਾਂ ਦੀ ਸਹੂਲਤ ਲਈ ਪਾਰਕਿੰਗ ਸੁਵਿਧਾ, ਕੰਨਟੀਨ, ਬੱਚਿਆਂ ਦੇ ਮਨੋਰੰਜਨ ਲਈ ਵੀ ਖਾਸ ਪ੍ਰਬੰਧ ਕੀਤੇ ਗਏ ਹਨ।ਜ਼ਿਕਰਯੋਗ ਹੈ ਕਿ ਪੁਸ਼ਪਿੰਦਰ ਸਿੰਘ ਸਾਰੋਂ ਜੋ ਇੱਕ ਚੰਗੀ ਸੋਚ ਵਾਲੇ ਸਮਾਜਸੇਵੀ ਸ਼ਖਸੀਅਤ ਹਨ, ਲੰਮਾਂ ਸਮਾਂ ਵਿਦੇਸ਼ ਵਿੱਚ ਗੁਜ਼ਾਰ ਚੁੱਕੇ ਹਨ, ਵੱਲੋਂ ਲੋਕਪੱਖੀ ਸਹੂਲਤਾਂ ਦੇਣ ਅਤੇ ਸਮਾਜ ਸੇਵੀ ਕੰਮਾਂ ਵਿੱਚ ਵੱਡਾ ਯੋਗਦਾਨ ਪਾੳੇੁਣ ਦੇ ਉਦੇਸ਼ ਨਾਲ ਹੀ ਅਜਿਹਾ ਉਪਰਾਲਾ ਕੀਤਾ ਗਿਆ ਹੈ।