ਨੈਸ਼ਨਲ ਹਿਊਮਨ ਰਾਇਟਸ ਨੇ ਸੈਕਟਰੀ ਮੋਲਾਨਾ ਅਨਵਰ ਨੂੰ ਕੀਤਾ ਸਨਮਾਨਿਤ

ਅੰਮ੍ਰਿਤਸਰ, 24 ਮਈ (ਪੰਜਾਬ ਪੋਸਟ- ਸੰਧੂ) – ਨੈੇਸ਼ਨਲ ਹਿਊਮਨ ਰਾਇਟਸ ਦੇ ਨਵਨਿਯੱਕਤ ਸੂਬਾ ਸਕੱਤਰ ਮੋਲਾਨਾ ਅਨਵਰ ਨੂੰ ਜਿਲ੍ਹਾ ਸਕੱਤਰ ਤੇ ਕਾਂਗਰਸ ਘੱਟ ਗਿਣਤੀ ਸੈਲ ਦੇ ਵਾਇਸ ਚੇਅਰਮੈਨ ਡਾ: ਮੋਤੀ ਰਹਿਮਾਨ ਤੇ ਉਨ੍ਹਾਂ ਦੇ ਸਾਥੀਆਂ ਵੱਲੋਂ ਵਿਸ਼ੇਸ਼ ਤੋਰ `ਤੇ ਸਨਮਾਨਿਤ ਕੀਤਾ ਗਿਆ।ਮੋਤੀ ਰਹਿਮਾਨ ਨੇ ਕਿਹਾ ਕਿ ਸਮਾਜ ਵਿਚ ਹੋ ਰਹੇ ਮਨੁੱਖੀ ਅਧਿਕਾਰਾਂ ਦੇ ਹਨਨ ਦੇ ਖਿਲਾਫ ਮੌਲਾਨਾ ਅਨਵਰ ਨੇ ਅਵਾਜ਼ ਬੁਲੰਦ ਕਰਕੇ ਇਕ ਬੇਮਿਸਾਲ ਕਾਰਜ ਕੀਤਾ ਹੈ।ਉਨ੍ਹਾਂ ਦੀਆਂ ਸ਼ਾਨਦਾਰ ਸੇਵਾਵਾਂ ਤੋਂ ਖੁਸ਼ ਹੋ ਕੇ ਨੈਸ਼ਨਲ ਹਿਊਮਨ ਰਾਇਟਸ ਦੇ ਸਮੂਹਿਕ ਅਹੁਦੇਦਾਰਾਂ ਤੇ ਮੈਂਬਰਾਂ ਦੇ ਵੱਲੋਂ ਸਰਬਸੰਮਤੀ ਨਾਲ ਮਤਾ ਪਾਸ ਕਰਕੇ ਉਨ੍ਹਾਂ ਨੂੰ ਸੂਬਾ ਸਕੱਤਰ ਦਾ ਅਹੁਦਾ ਦੇ ਕੇ ਨਿਵਾਜਿਆ ਗਿਆ ਹੈ।ਇਸ ਮੋਕੇ ਮਜਲਿਸ ਅਹਿਰਾਰ ਦੇ ਪ੍ਰਧਾਨ ਅਬਦੁੱਲ ਨੂਰ, ਬਲਾਕ ਪ੍ਰਧਾਨ ਸ਼ੌਕਤ ਅਲੀ, ਲਾਭ ਸਿੰਘ, ਮਿਸਟਰ ਪੂਰੀ, ਮੁਹੰਮਦ ਸੁਲਤਾਨ, ਮੁਜਿਬੁਲ ਰਹਿਮਾਨ ਆਦਿ ਹਾਜਰ ਸਨ।