ਸ਼ਿਵ ਕਾਵੜੀਆ ਕੈਂਪ ਲਈ ਸ਼ਰਧਾਲੂ ਰਵਾਨਾ

ਬਠਿੰਡਾ, 19 ਜੁਲਾਈ (ਪੰਜਾਬ ਪੋਸਟ- ਅਵਤਾਰ ਸਿੰਘ ਕੈਂਥ, ਜਸਵਿੰਦਰ ਸਿੰਘ ਜੱਸੀ) – ਓਮ ਸ਼ਿਵ ਸ਼ਕਤੀ ਵੈਲਫੇਅਰ ਸੁਸਾਇਟੀ ਦੁਆਰਾ ਅਮਰੀਕ ਸਿੰਘ ਰੋਡ ’ਤੇ ਸਥਿਤ ਅਨੂਪੂਰਨਾ ਮੰਦਰ ਵਿਖੇ ਮੁਫ਼ਤ ਜਲ ਸੇਵਾ ਸ਼ੁਰੂ ਕੀਤੀ ਗਈ।ਸੁਸਾਇਟੀ ਵਲੋਂ ਪਟਿਆਲਾ ਵਿਖੇ ਸ਼ਿਵ ਕਾਵੜੀਆ ਕੈਂਪ ਆਯੋਜਿਤ ਕੀਤਾ ਜਾ ਰਿਹਾ ਹੈ, ਜਿਸ ਵਿਚ ਬਠਿੰਡਾ ਤੋਂ ਇਸ ਕੈਂਪ ਵਿਚ ਭਾਗ ਲੈਣ ਲਈ ਦੋਂ ਟੈਪੂ ਗੱਡੀਆਂ ਰਵਾਨਾ ਕੀਤੀਆਂ ਗਈਆਂ। ਇਸ ਨੂੰ ਗਰੇਮੈਂਟਰ ਦੇ ਮਾਲਕ ਰਾਕੇਸ਼ ਕੁਮਾਰ ਵਲੋਂ ਹਰੀ ਝੰਡੀ ਦਿੱਤੀ ਗਈ। ਇਸ ਮੌਕੇ ਚੇਅਰਮੇਨ ਰਮੇਸ਼ ਗੋਗੀ, ਪ੍ਰਧਾਨ ਸ਼ਤੀਸ ਗਰਗ, ਨਿਸ਼ਾਤ ਮਹਿਤਾ, ਵਿਮਲ ਬਾਂਸਲ, ਕਰਨ ਕਾਂਸਲ, ਹਨੀ ਜਿੰਦਲ, ਅਮਨ ਮਹੇਸ਼ਵਰੀਆ, ਭਰਤ ਭਸ਼ੂਨ ਆਦਿ ਸ਼ਾਮਲ ਸਨ।