ਨੰਨੇ ਮੁੰਨੇ ਬੱਚਿਆਂ ਦਰਮਿਆਨ ਰੱਖੜੀ ਬਣਾਉਣ ਦੀ ਪ੍ਰਤੀਯੋਗਤਾ ਆਯੋਜਿਤ

ਬਠਿੰਡਾ, 4 ਅਗਸਤ (ਪੰਜਾਬ ਪੋਸਟ – ਅਵਤਾਰ ਸਿੰਘ ਕੈਂਥ, ਜਸਵਿੰਦਰ ਸਿੰਘ ਜੱਸੀ) – ਸਥਾਨਕ ਸ਼ਹਿਰ ਦੇ ਬੇਬੀ ਕਾਨਵੈਂਟ ਸਕੂਲ ਦੇ ਨੰਨੇ ਮੁੰਨੇ ਬੱਚਿਆਂ ਦੀ ਰੱਖੜੀ ਬਣਾਉਣ (ਮੈਕਿੰਗ) ਪ੍ਰਤੀਯੋਗਤਾ ਕਰਵਾਈ ਗਈ।ਇਸ ਮੁਕਾਬਲੇ ਨੂੰ ਸ਼ੁਰੂ ਕਰਵਾਉਣ ਤੋਂ ਪਹਿਲਾ ਪਿ੍ਰੰਸੀਪਲ ਮੈਡਮ ਪੂਨਮ ਵਰਮਾ ਨੇ ਬੱਚਿਆ ਨੂੰ ਰੱਖੜੀ ਦੀ ਮਹੱਤਤਾ ਬਾਰੇ ਪੂਰਨ ਜਾਣਕਾਰੀ ਦਿੱਤੀ। ਉਨਾਂ ਕਿਹਾ ਕਿ ਇਹ ਪਵਿੱਤਰ ਤਿਉਹਾਰ ਜੋ ਭੈਣ ਭਰਾ ਦੇ ਪਿਆਰ ਦੀ ਅਤੁੱਟਤਾ ਨੂੰ ਉਜਾਗਰ ਕਰਦਾ ਹੈ। ਉਨਾਂ ਕਈ ਅਜਿਹੇ ਪੁਰਾਤਨ ਕਹਾਣੀਆਂ ਸੁਣਾਈਆਂ, ਜਿਨਾਂ ਦੇ ਕਾਰਨ ਭਿਆਨਕ ਲੜਾਈਆਂ ਨੂੰ ਰੱਖੜੀ ਦੀ ਮਹਾਨਤਾ ਕਾਰਨ ਹੀ ਰੁੱਕ ਜਾਣਾ ਪਿਆ।ਸਕੂਲੀ ਬੱਚਿਆਂ ਨੇ ਇਸ ਪ੍ਰਤੀਯੋਗਤਾ ਵਿਚ ਧਾਗਿਆਂ ਨਾਲ ਤਿਆਰ ਕੀਤੀਆਂ ਸੁੰਦਰ ਰੱਖੜੀ ਬਣਾ ਕੇ ਸਕੂਲੀ ਅਧਿਆਪਕਾਂ ਨੂੰ ਹੈਰਾਨ ਕਰ ਦਿੱਤਾ।ਸੁੰਦਰ ਰੱਖੜੀਆਂ ਤਿਆਰ ਕਰਨ ਵਾਲੇ ਬੱਚਿਆਂ ਨੂੰ ਇਨਾਮ ਵੰਡੇ ਗਏ।ਇਸ ਮੌਕੇ ਵਾਇਸ ਪਿ੍ਰੰਸੀਪਲ ਸ੍ਰੀਮਤੀ ਵੰਦਨਾ, ਕਰਿਸ਼ਮਾ ਵਰਮਾ, ਰੀਨਾ, ਹਰਪ੍ਰੀਤ ਕੌਰ, ਸੁਮਨ ਰਾਣੀ, ਰਾਜੂ, ਰੀਤੂ ਸ਼ਰਮਾ, ਜੈਸਮੀਨ ਆਦਿ ਨੇ ਬੱਚਿਆਂ ਦੀ ਪ੍ਰਤੀਭਾ ਦੀ ਤਾਰੀਫ਼ ਕੀਤੀ।