ਵਿਦਿਆਰਥੀਆਂ ਲਈ 100 ਨਵੇਂ ਬੈਂਚਾਂ ਦਾ ਪ੍ਰਬੰਧ

ਧੂਰੀ, 11 ਅਗਸਤ (ਪੰਜਾਬ ਪੋਸਟ- ਪ੍ਰਵੀਨ ਗਰਗ) – ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਘਨੌਰੀ ਕਲਾਂ ਦੇ ਪ੍ਰਿੰਸੀਪਲ ਸ਼੍ਰੀਮਤੀ ਸੁਰਿੰਦਰ ਕੌਰ ਦੀ ਅਗੁਵਾਈ ਹੇਠ ਖਵਾਹਿਸ਼ ਸੇਵਾ ਸੰਮਤੀ ਕੈਨੇਡਾ ਦੇ ਸਹਿਯੋਗ ਨਾਲ ਸਕੂਲ ਦੇ ਗਿਆਰਵੀ ਅਤੇ ਬਾਰਵੀਂ ਜਮਾਤ ਦੇ ਵਿਦਿਆਰਥੀਆਂ ਦੇ ਬੈਠਣ ਲਈ 100 ਬੈਂਚਾ ਦਾ ਪ੍ਰਬੰਧ ਕੀਤਾ ਗਿਆ ਜਿਨਾਂ ਦੀ ਅੰਦਾਜਨ ਕੀਮਤ 1 ਲੱਖ 20 ਹਜ਼ਾਰ ਹੈ।ਖਵਾਹਿਸ਼ ਸੇਵਾ ਸੰਮਤੀ ਵਲੋ 60 ਹਜ਼ਾਰ ਰੁਪਏ ਅਤੇ ਇਕਬਾਲ ਸਿੰਘ ਚਹਿਲ ਪੁੱਤਰ ਮਹਿੰਦਰ ਸਿੰਘ ਚਹਿਲ ਵਲੋਂ ਸਕੂਲ ਨੂੰ 10 ਹਜ਼ਾਰ ਰੁਪਏ ਦੀ ਸਹਾਇਤਾ ਰਾਸ਼ੀ ਦਿੱਤੀ ਗਈ।ਸਕੂਲ ਪ੍ਰਿੰਸੀਪਲ ਨੇ ਸਮੂਹ ਸਟਾਫ ਮੈਂਬਰਾਂ, ਖਵਾਹੇਸ਼ ਸੇਵਾ ਸੰਮਤੀ, ਮੌਹਿੰਦਰ ਸਿੰਘ ਚਹਿਲ, ਗੁਰਜੀਤ ਸਿੰਘ ਅਤੇ ਕਰਮਜੀਤ ਸਿੰਘ (ਸਰਪੰਚ) ਦਾ ਇਸ ਨੇਕ ਕੰਮ ਵਿੱਚ ਸਹਿਯੋਗ ਦੇਣ ਲਈ ਵਿਸ਼ੇਸ਼ ਧੰਨਵਾਦ ਕੀਤਾ।