ਪੰਜਾਬੀ ਸਾਹਿਤ ਸਭਾ ਧੂਰੀ ਦੀ ਮਾਸਿਕ ਇਕੱਤਰਤਾ ਹੋਈ

ਧੂਰੀ, 11 ਅਕਤੂਬਰ (ਪੰਜਾਬ ਪੋਸਟ- ਪ੍ਰਵੀਨ ਗਰਗ) –  ਪੰਜਾਬੀ ਸਾਹਿਤ ਸਭਾ ਧੂਰੀ ਦੀ ਮਾਸਿਕ ਇੱਕਤਰਤਾ ਸੰਜੇ ਲਹਿਰੀ ਅਤੇ ਕਰਮ ਸਿੰਘ ਜ਼ਖਮੀ ਦੀ ਪ੍ਰਧਾਨਗੀ ਹੇਠ ਹੋਈ।ਰਚਨਾਵਾਂ ਦੇ ਦੌਰ ਵਿੱਚ ਭੁਪਿੰਦਰ ਸਿੰਘ ਬੋਪਾਰਾਏ ਨੇ ਗਜ਼ਲ `ਇੱਕ ਹੱਥ ਸਿਤਾਰ ਉਸ ਦੇ ਤੇ ਦੂਜੇ ਖੰਜਰ ਵੀ ਸੀ, ਜਿੰਨਾਂ ਕੋ ਉਹ ਬਾਹਰ ਉਨਾਂ ਅੰਦਰ ਵੀ ਸੀ`, ਡਾ. ਪਰਮਜੀਤ ਦਰਦੀ ਨੇ ਗਜ਼ਲ `ਜਗਮਗ ਜਗਮਗ ਕਰਦੈ ਬੰਦਾ, ਜਦ ਜ਼ਹਿਨ ਜਗੇ ਪ੍ਰਕਾਸ਼ ਦੇ ਦੀਵੇ, ਸੁਖਵਿੰਦਰ ਲੋਟੇ ਨੇ ਗਜ਼ਲ `ਮੁਹੱਬਤ ਦੋ ਦਿਲਾਂ ਅੰਦਰ ਜਦੋਂ ਵੀ ਝਿਲਮਿਲਾਏਗੀ, ਪਰਿੰਦੇ ਗੀਤ ਗਾਵਣਗੇ ਕਲੀ ਹਰ ਮੁਸਕਰਾਏਗੀ`, ਕਰਮ ਸਿੰਘ ਜ਼ਖਮੀ ਨੇ ਗਜ਼ਲ `ਹੁੰਦੇ ਨੇ ਦੋ ਕਿਸਮ ਦੇ ਲੇਖਕ ਜਾਂ ਵਿਦਵਾਨ, ਇੱਕਨਾਂ ਨੂੰ ਗੋਲੀ ਮਿਲੇ ਇੱਕਨਾਂ ਨੂੰ ਸਨਮਾਨ`, ਸੰਜੇ ਲਹਿਰੀ ਨੇ ਗੀਤ `ਕਲਮਾਂ ਦੇ ਵਣਜਾਰੇ ਲਹਿਰੀ ਚਿੰਤਾ ਦੇ ਵਿੱਚ ਡੁੱਬੇ, ਇਸ ਅੰਮ੍ਰਿਤ ਨੂੰ ਸਾਂਭਣ ਵਾਲੀ ਕੌਣ ਕਰੂ ਸ਼ੁਰੂਆਤ`, ਰਮੇਸ਼ ਜੈਨ ਨੇ ਕਵਿਤਾ, ਸੁਰਜੀਤ ਰਾਜੋਮਾਜਰਾ ਨੇ ਗੀਤ, ਦੇਵੀ ਸਰੂਪ ਮੀਮਸਾ ਨੇ ਮਿੰਨੀ ਕਹਾਣੀ `ਨੰਗ-ਮਲੰਗ`, ਜਗਸੀਰ ਮੂਲੋਵਾਲ ਨੇ ਗੀਤ, ਸੁਖਦੇਵ ਪੈਂਟਰ ਨੇ ਗਜ਼ਲ `ਲੋਕਾਂ ਦਾ ਰੁਜਗਾਰ ਕਿਸਾਨਾਂ ਕਰਕੇ ਹੈ`, ਜਗਜੀਤ ਲੱਡਾ ਨੇ ਗੀਤ, ਤੇਜਾ ਸਿੰਘ ਵੜੈਚ ਨੇ ਕਲੀ `ਮਰਜੇ ਰਾਜਾ ਜਿਹੜਾ ਖਾਂਦਾ ਹੱਕ ਗਰੀਬਾਂ ਦਾ`, ਬਲਵਿੰਦਰ ਸਿੰਘ ਮਾਨਾਂ ਨੇ ਕਵਿਸ਼ਰੀ `ਦੁਨੀਆਂ ਤੇ ਹੋਣ ਠੱਗੀਆਂ ਤੇ ਚੋਰੀਆਂ`, ਰਾਜਿੰਦਰਜੀਤ ਸਿੰਘ ਕਾਲਾਬੂਲਾ ਨੇ ਚੋਣ ਮੈਨੀਫਿਸਟੋ, ਕੁਲਜੀਤ ਧਵਨ ਨੇ ਚੁਟਕੁਲੇ, ਗੁਰਤੇਜ ਮੱਲੂਮਾਜਰਾ ਨੇ ਗੀਤ `ਖੁਸ਼ੀਆਂ ਰਿਸ਼ਤੇਦਾਰੀਆਂ ਕਿੱਥੇ ਰਹਿੰਦੀਆਂ ਨੇ` ਅਤੇ ਗੁਰਦਿਆਲ ਨਿਰਮਾਣ ਨੇ ਇੱਕ ਗੀਤ ਸੁਣਾ ਕੇ ਆਪਣੀ-ਆਪਣੀ ਹਾਜ਼ਰੀ ਲਗਵਾਈ।ਕਿਰਪਾਲ ਸਿੰਘ ਜਵੰਧਾ ਅਤੇ ਅਮਰ ਗਰਗ ਨੇ ਉਸਾਰੂ ਸੁਝਾਅ ਪੇਸ਼ ਕੀਤੇ।