ਨਗਰ ਨਿਗਮ ਚੋਣਾਂ 2017 ਲਈ ਵੋਟਾਂ ਬਣਾਉਣ ਦਾ ਕੰਮ ਸ਼ੁਰੂ

ਅੰਮ੍ਰਿਤਸਰ, 22 ਨਵੰਬਰ (ਪੰਜਾਬ ਪੋਸਟ- ਮਨਜੀਤ ਸਿੰਘ) – ਕੰਵਲਜੀਤ ਸਿੰਘ ਚੋਣਕਾਰ ਰਜਿਸਟਰੇਸ਼ਨ ਅਫਸਰ ਵਾਰਡ ਨੰ: 18 ਤੋਂ 34-ਕਮ-ਸਕੱਤਰ ਰੀਜਨਲ ਟਰਾਂਸਪੋਰਟ ਅਥਾਰਟੀ ਨੇ ਦੱਸਿਆ ਕਿ ਨਗਰ ਨਿਗਮ ਚੋਣਾਂ 2017 ਦੀ ਨਵੀਂ ਵਾਰਡਬੰਦੀ ਅਨੁਸਾਰ ਵਾਰਡ ਨੰ: 18 ਤੋਂ ਲੈ ਕੇ ਵਾਰਡ ਨੰ: 34 ਤੱਕ ਦੇ ਨਾਗਰਿਕ ਜੋ 1-1-2017 ਨੂੰ ਆਪਣੀ 18 ਸਾਲ ਦੀ ਉਮਰ ਪੂਰੀ ਕਰਦੇ ਹੋਣ ਅਤੇ ਉਨ੍ਹਾਂ ਦੀ ਵੋਟ ਨਾ ਬਣੀ ਹੋਵੇ।ਉਹ ਨਾਗਰਿਕ 26 ਨਵੰਬਰ ਤੱਕ ਦਫਤਰ ਸਕੱਤਰ ਰੀਜਨਲ ਟਰਾਂਸਪੋਰਟ ਅਥਾਰਟੀ ਨਜਦੀਕ ਵਾਲਮੀਕਿ ਚੌਂਕ ਵਿਖੇ ਆਪਣੇ ਜਨਮ ਮਿਤੀ ਨਾਲ ਸਬੰਧਤ ਦਸਤਾਵੇਜ ਲੈ ਕੇ ਆਪਣੀ ਨਵੀਂ ਵੋਟ ਬਣਵਾ ਸਕਦੇ ਹਨ।