ਸਤਲੁੱਜ ਪਬਲਿਕ ਸੀਨੀ. ਸੈਕੰ. ਸਕੂਲ ਠੱਕਰਪੁਰਾ ਦੇ ਵਿਦਿਆਰਥੀਆਂ ਦਾ ਸਾਇੰਸ ਮੇਲੇ `ਚ ਸ਼ਾਨਦਾਰ ਪ੍ਰਦਰਸ਼ਨ

ਪੱਟੀ, 3 ਦਸੰਬਰ (ਪੰਜਾਬ ਪੋਸਟ- ਅਵਤਾਰ ਸਿੰਘ)  – ਸਤਲੁਜ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਠੱਕਰਪੁਰਾ ਦੇ ਵਿਦਿਆਰਥੀਆਂ ਨੇ ਹਰ ਸਾਲ ਦੀ ਤਰਾਂ ਇਸ ਸਾਲ ਵੀ ਤਹਿਸੀਲ ਪੱਧਰ ’ਤੇ ਹੋਏ ਸਾਇੰਸ ਮੇਲੇ ਵਿਚ ਸ਼ਾਨਦਾਰ ਜਿੱਤ ਹਾਸਲ ਕੀਤੀ ਹੈ।ਸਕੂਲ ਵਲੋਂ ਭੇਜੇ ਗਏ 6 ਮਾਡਲਾਂ ਵਿਚੋਂ ਸਾਰੇ 6 ਮਾਡਲਾਂ ਨੇ ਹੀ ਪੁਜੀਸ਼ਨਾਂ ਹਾਸਲ ਕੀਤੀਆਂ।ਜਿਸ ਤਹਿਤ ਚਾਰ ਮਾਡਲਾਂ ਨੂੰ ਪਹਿਲੀ ਪੁਜੀਸ਼ਨ, ਇਕ ਮਾਡਲ ਨੂੰ ਤੀਸਰੀ ਪੁਜੀਸ਼ਨ ਅਤੇ ਇਕ ਮਾਡਲ ਨੂੰ ਹੌਂਸਲਾ ਵਧਾੳੂ ਪੁਜੀਸ਼ਨ ਪ੍ਰਾਪਤ ਹੋਈ।ਸਕੂਲ ਦੇ ਪ੍ਰਿੰਸੀਪਲ ਪਰਮਿੰਦਰ ਕੌਰ ਖਹਿਰਾ ਨੇ ਸਾਰੇ ਸਾਇੰਸ ਅਧਿਆਪਕ ਕਵਲਜੀਤ ਕੌਰ, ਅਮਨਦੀਪ ਕੌਰ, ਸੁਖਮਨ ਕੌਰ, ਭੁਪਿੰਦਰ ਸਿੰਘ, ਰਮਨਦੀਪ ਕੌਰ, ਦਿਲਬਾਗ ਸਿੰਘ ਨੂੰ ਵਧਾਈ ਦਿੱਤੀ।ਇਸ ਮੌਕੇ ’ਤੇ ਉਨਾਂ ਨੇ ਬੱਚਿਆਂ ਦੀ ਹੌਂਸਲਾ ਅਫਜ਼ਾਈ ਲਈ ਉਨਾਂ ਨੂੰ ਇਨਾਮ ਵੀ ਤਕਸੀਮ ਕੀਤੇ ਅਤੇ ਅੱਗੇ ਤੋਂ ਹੋਰ ਵੱਧ ਚੜ ਕੇ ਮੁਕਾਬਲਿਆਂ ਵਿਚ ਹਿੱਸਾ ਲੈਣ ਲਈ ਪ੍ਰੇਰਿਤ ਵੀ ਕੀਤਾ।