ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਵਿਖੇ ਅਕਾਦਮਿਕ ਕੌਸਲ ਦੀ ਮੀਟਿੰਗ

ਅੰਮ੍ਰਿਤਸਰ, 1 ਮਾਰਚ (ਪੰਜਾਬ ਪੋਸਟ- ਸੁਖਬੀਰ ਸਿੰਘ ਖੁਰਮਣੀਆ) – ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਵੱਲੋ ਇਸ ਅਕਾਦਮਿਕ ਸਾਲ ਤੋ ਬੈਚੁਲਰ ਆਫ ਹੋਟਲ ਮੈਨੇਜਮੈਟ ਅਤੇ ਕੈਟਰਿੰਗ ਟੈਕਨਾਲੋਜੀ ਦਾ ਚਾਰ ਸਾਲਾ ਕੋਰਸ ਸੁਰੂ ਕੀਤਾ ਜਾ ਰਿਹਾ ਹੈ।ਇਹ ਫੈਸਲਾ ਯੂਨੀਵਰਸਿਟੀ ਦੀ ਅਕਾਦਮਿਕ ਕੌਸਲ ਦੀ ਇਕੱਤਰਤਾ ਵਿਚ ਅੱਜ ਇਥੇ ਲਿਆ ਗਿਆ।
ਵਾਂਈਸ ਚਾਂਸਲਰ ਪ੍ਰੋਫੈਸਰ ਜਸਪਾਲ ਸਿੰਘ ਸੰਧੂ ਨੇ ਮੀਟਿੰਗ ਦੀ ਪ੍ਰਧਾਨਗੀ ਕੀਤੀ।ਰਜਿਸਟਰਾਰ ਪ੍ਰੋਫੈਸਰ ਕਰਨਜੀਤ ਸਿੰਘ ਕਾਹਲੋ ਨੇ ਏਜੰਡਾ ਪੇਸ਼ ਕੀਤਾ। ਡੀਨ ਅਕਾਦਮਿਕ ਮਾਮਲੇ ਪ੍ਰੋਫੈਸਰ ਕਮਲਜੀਤ ਸਿੰਘ ਨੇ ਧੰਨਵਾਦ ਦਾ ਮਤਾ ਪੇਸ਼ ਕੀਤਾ।ਇਸ ਮੀਟਿੰਗ ਵਿਚ ਵੱਡੀ ਗਿਣਤੀ ਅਕਾਦਮਿਕ ਕੌਸਲ ਦੇ ਮੈਬਰਾਂ ਨੇ ਹਾਜ਼ਰੀ ਲਵਾਈ।
ਮੀਟਿੰਗ ਵਿਚ ਇਸ ਸਾਲ ਤੋ ਯੂਨੀਵਰਸਿਟੀ ਵੱਲੋ ਡਾਇਰੈਕਟੋਰੇਟ ਆਫ ਓਪਨ ਲਰਨਿੰਗ ਅਧੀਨ ਬੀ.ਏ, ਬੀ.ਏ ਜਰਨਲਿਜ਼ਮ ਐਂਡ ਮਾਸ ਕਮਿਊਨੀਕੇਸ਼ਨ, ਬੀ.ਏ ਇਨ ਲਾਇਬ੍ਰੇਰੀ ਐਂਡ ਇਨਫਰਮੇਸ਼ਨ ਸਾਇੰਸ, ਐਮ.ਏ ਪੰਜਾਬੀ, ਐਮ.ਏ ਹਿੰਦੀ, ਐਮ.ਏ ਐਜੂਕੇਸ਼ਨ, ਐਮ.ਏ ਪਬਲਿਕ ਐਡਮਨਿਸਟਰੇਸ਼ਨ, ਐਮ.ਏ ਅਰਥ ਸ਼ਾਸ਼ਤਰ, ਐਮ.ਏ ਹਿਸਟਰੀ, ਐਮ.ਏ ਪੋਲੀਟੀਕਲ ਸਾਇੰਸ, ਐਮ.ਏ ਸੋਸ਼ਆਲੋਜੀ, ਐਮ.ਏ ਮਿਊਜਕ, ਐਮ.ਏ ਜਰਨਲਿਜ਼ਮ ਐਂਡ ਮਾਸ ਕਮਿਊਨੀਕੇਸ਼ਨ, ਐਮ.ਏ ਸਾਇਕਾਲੋਜੀ, ਬੀ.ਕਾਮ, ਐਮ.ਕਾਮ, ਐਮ.ਬੀ.ਏ, ਬੀ.ਬੀ.ਏ, ਬੀ.ਸੀ.ਏ, ਐਮ.ਸੀਏ, ਬੀ.ਐਸ.ਸੀ (ਆਈ.ਟੀ), ਐਮ.ਐਸ.ਸੀ(ਆਈ.ਟੀ), ਐਮ.ਐਸ.ਸੀ ਕੰਪਿਊਟਰ ਸਾਇੰਸ ਅਤੇ ਬਹੁਤ ਸਾਰੇ ਪੋਸਟ ਗ੍ਰੈਜੂਏਟ ਡਿਪਲੋਮੇ ਅਤੇ ਸਰਟੀਫਿਕੇਟ ਕੋਰਸ ਸੁਰੂ ਕੀਤੇ ਜਾਣਗੇ।
ਮੀਟਿੰਗ ਵਿਚ ਵੱਖ ਵੱਖ ਕੋਰਸਾਂ ਵਿਚ ਇਕਸਾਰਤਾ ਲਿਆਉਣ ਲਈ ਪੇਪਰ ਸੈਟ ਕਰਨ ਲਈ ਲੋੜੀਦੇ ਦਿਸ਼ਾ ਨਿਰਦੇਸ਼ ਜਾਰੀ ਕਰਨ ਦੀ ਪ੍ਰਵਾਨਗੀ ਵੀ ਦਿੱਤੀ ਗਈ।ਇਸ ਤੋ ਇਲਾਵਾ ਵੱਖ ਵੱਖ ਕਾਲਜਾਂ ਵਿਚ ਨਵੇਂ ਕੋਰਸ ਸੁਰੂ ਕਰਨਾ, ਸਲੇਬਸਾਂ ਵਿਚ ਤਬਦੀਲੀਆਂ ਅਤੇ ਬਾਹਰਲੀਆਂ ਯੂਨੀਵਰਸਿਟੀਆਂ ਤੋ ਕੀਤੇ ਕੋਰਸਾਂ ਨੂੰ ਬਰਾਬਰਤਾ ਪ੍ਰਧਾਨ ਕੀਤੀ ਗਈ।
ਇਸ ਤੋ ਪਹਿਲਾਂ ਵਾਈਸ ਚਾਂਸਲਰ ਨੇ ਅਕਾਦਮਿਕ ਕੌਸਲ ਦੇ ਮੈਬਰਾਂ ਨੂੰ ਯੂਨੀਵਰਸਿਟੀ ਦੀਆਂ ਪ੍ਰਾਪਤੀਆਂ ਤੋ ਜਾਣੂ ਕਰਵਾਇਆ।ਉਨਾਂ ਸਭ ਨੂੰ ਯੂਨੀਵਰਸਿਟੀ ਦੇ ਵਿਕਾਸ ਵਿਚ ਵੱਡਮੁੱਲਾ ਯੋਗਦਾਨ ਪਾਉਣ ਲਈ ਵੀ ਪ੍ਰੇਰਤ ਕੀਤਾ।