ਪ੍ਰਦੇਸ਼ ਭਾਜਪਾ ਪ੍ਰਧਾਨ ਦੀ ਬੇਟੀ ਮਹਿਕ ਅਰੋੜਾ ਮਲਿਕ ਨੂੰ ਮਿਲੀ ਡਾਕਟਰੇਟ ਦੀ ਡਿਗਰੀ

ਅੰਮ੍ਰਿਤਸਰ, 3 ਜੂਨ (ਪੰਜਾਬ ਪੋਸਟ- ਜਗਦੀਪ ਸਿੰਘ ਸੱਗੂ) – ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਵਿਖੇ 44ਵੀਂ ਸਲਾਨਾ ਕਾਨਵੋਕੇਸ਼ਨ ਦੌਰਾਨ ਪੰਜਾਬ ਪ੍ਰਦੇਸ਼ ਭਾਜਪਾ ਪ੍ਰਧਾਨ ਤੇ ਮੈਂਬਰ ਰਾਜ ਸਭਾ ਸ਼ਵੇਤ ਮਲਿਕ ਦੀ ਬੇਟੀ ਮਹਿਕ ਅਰੋੜਾ ਮਲਿਕ ਨੂੰ ਸਾਈਕੋਲੋਜੀ ਵਿੱਚ ਡਾਕਟਰੇਟ ਦੀ ਡਿਗਰੀ ਭੇਟ ਕੀਤੀ ਗਈ।ਇਹ ਡਿਗਰੀ ਕਾਨਵੋਕੇਸ਼ਨ ਵਿੱਚ ਬਤੌਰ ਮੁੱਖ ਮਹਿਮਾਨ ਪੁੱਜੇ ਭਾਰਤ ਸਰਕਾਰ ਦੇ ਮਨੱਖੀ ਸਰੋਤ ਵਿਕਾਸ ਮੰਤਰਾਲੇ ਦੇ ਮੰਤਰੀ ਸ਼੍ਰੀ ਪ੍ਰਕਾਸ਼ ਜਾਵਡੇਕਰ ਵਲੋਂ ਦਿੱਤੀ ਗਈ।ਇਥੇ ਜਿਕਰਯੋਗ ਹੈ ਕਿ ਮਹਿਕ ਅਰੋੜਾ ਮਲਿਕ ਨੇ ਮੁੱਢਲੀ ਵਿਦਿਆ ਸੇਕਰਡ ਹਾਰਟ ਹਾਈ ਸਕੂਲ ਤੋਂ ਹਾਸਲ ਕਰ ਕੇ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਤੋਂ ਸੋਸ਼ਲ ਸਇੰਸਿਜ਼ ਵਿੱਚ ਗਰੈਜੂਏਸ਼ਨ ਕਰਨ ਉਪਰੰਤ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਤੋਂ ਐਮ.ਐਸ.ਸੀ ਸਾਈਕੋਲੋਜੀ ਪਾਸ ਕੀਤੀ।ਹੁਣ ਮਹਿਕ ਅਰੋੜਾ ਮਲਿਕ ਨੇ `ਨਾਬਾਲਿਗਾਂ ਵਿੱਚ ਡਿਪਰੈਸ਼ਨ ਅਤੇ ਉਸ ਨੂੰ ਕਿਵੇਂ ਦੂਰ ਕੀਤਾ ਜਾਵੇ` ਵਿਸ਼ੇ `ਤੇ ਪੀ.ਐਚ ਡੀ ਕਰਕੇ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਤੋਂ ਡਾਕਟਰੇਟ ਦੀ ਡਿਗਰੀ ਹਾਸਲ ਕੀਤੀ ਹੈ।