ਵਾਤਾਵਰਣ ਦੀ ਰੱਖਿਆ ਕਰਨ ਲਈ ਸਭ ਨੂੰ ਇਕਜੁੱਟ ਹੋਣਾ ਚਾਹੀਦਾ ਹੈ – ਸੋਨੀ

ਅੰਮ੍ਰਿਤਸਰ, 11 ਜੂਨ (ਪੰਜਾਬ ਪੋਸਟ- ਮਨਜੀਤ ਸਿੰਘ) – ਸਥਾਨਕ ਨਿਊ ਅੰਮਿ੍ਰਤਸਰ ਵਿਖੇ ਵਿਸ਼ਵ ਵਾਤਾਵਰਣ ਦਿਵਸ ਮੌਕੇ ਛਾਇਆ ਵੈਲਫੇਅਰ ਸੁਸਾਇਟੀ ਦੀ ਰੁੱਖ ਲਗਾੳਣ ਦੀ ਮੁਹਿੰਮ ਵਿੱਚ ਸਿੱਖਿਆ ਅਤੇ ਵਾਤਾਵਰਣ ਮੰਤਰੀ ਓਮ ਪ੍ਰਕਾਸ਼ ਸੋਨੀ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ ਅਤੇ ਆਪਣੇ ਕਰ ਕਮਲਾਂ ਨਾਲ ਪੌਦਾ ਲਗਾਇਆ ਅਤੇ ਸਾਰਿਆਂ ਨੂੰ ਵਾਤਾਵਰਣ ਦੀ ਸੁਰੱਖਿਆ ਦਾ ਸਕਾਰਾਤਮਕ ਦਾ ਸੁਨੇਹਾ ਦਿੱਤਾ।ਮੰਤਰੀ ਸੋਨੀ ਨੇ ਕਿਹਾ ਕਿ ਮਨੁੱਖ ਨੂੰ ਆਪਣੀ ਇੱਛਾ ਪੂਰਤੀ ਲਈ ਰੱਖ ਨਹੀ ਕੱਟਣੇ ਚਾਹੀਦੇ, ਸਗੋ ਇਕਜੁੱਟ ਹੋ ਕੇ ਇੰਨਾਂ ਦੀ ਰੱਖਿਆ ਕਰਨੀ ਚਾਹੀਦੀ ਹੈ।ਇਸ ਮੌਕੇ ਕੌਂਸਲਰ ਵਿਕਾਸ ਸੋਨੀ, ਗੌਰਵ ਖੰਨਾ, ਡਾ. ਸ਼ਮੀਰ ਅਰੋੜਾ, ਡਾ. ਅਮਿਤ ਮਹਾਜਨ, ਸੁਖਦੀਪ ਸਿੰਘ, ਕਰਨ ਪੁਰੀ, ਨਿਤਿਨ ਕਪੂਰ, ਰਾਜੇਸ਼ ਖੰਨਾ, ਗਗਨਦੀਪ ਆਦਿ ਹਾਜ਼ਰ ਸਨ।