ਗੋਡੇ ਅਤੇ ਚੂਲੇ ਬਦਲਣ ਦਾ ਮੁਫ਼ਤ ਚੈਕਅਪ ਕੈਂਪ 7 ਜੁਲਾਈ ਨੂੰ

ਧੂਰੀ, 5 ਜੂਲਾਈ (ਪੰਜਾਬ ਪੋਸਟ- ਪ੍ਰਵੀਨ ਗਰਗ) – ਗੋਡੇ ਅਤੇ ਚੂਲੇ ਬਦਲਣ ਦੇ ਮਾਹਿਰ ਡਾ. ਏ.ਐਸ ਪਾਸੀ ਹੁਣ ਮਹੀਨੇ ਦੇ ਪਹਿਲੇ ਸ਼ਨੀਵਾਰ ਲੋੜਵੰਦ ਮਰੀਜ਼ਾਂ ਦੀ ਜਾਂਚ ਕਰਨ ਲਈ ਰਿਸ਼ੀ ਹਸਪਤਾਲ ਬੱਸ ਸਟੈਂਡ ਰੋਡ ਵਿਖੇ ਆਇਆ ਕਰਨਗੇ। ਡਾ.ਏ.ਐਸ ਪਾਸੀ ਨੇ ਦੱਸਿਆ ਕਿ ਉਹ ਮਈ ਵਿਚ ਮਾਲਵਾ ਪਰਿਵਰਤਨ ਸੋਸਾਇਟੀ ਦੇ ਸੱਦੇ ’ਤੇ ਇੱਕ ਮੁਫ਼ਤ ਚੈੱਕਅਪ ਕੈਂਪ ਲਈ ਇਸ ਇਲਾਕੇ ਵਿਚ ਆਪਣੀਆਂ ਸੇਵਾਵਾਂ ਦੇ ਕੇ ਗਏ ਸਨ ਅਤੇ ਇਸ ਵਾਰ 7 ਜੁਲਾਈ ਨੂੰ ਮੁਫ਼ਤ ਚੈੱਕਅਪ ਕੈਂਪ ਡਾ. ਰਿਸ਼ੀ ਹਸਪਤਾਲ ਵਿਖੇ ਲਗਾਇਆ ਜਾਵੇਗਾ।ਉਨ੍ਹਾਂ ਦੱਸਿਆ ਕਿ ਜੇਕਰ ਕਿਸੇ ਮਰੀਜ਼ ਨੇ ਦੋਵੇਂ ਗੋਡੇ ਬਦਲਾਉਣੇ ਹੋਣ ਤਾਂ ਦਵਾਈਆਂ ਸਮੇਤ 1 ਲੱਖ 59 ਹਜ਼ਾਰ ਰੁਪਏ ਦੇ ਕਰੀਬ ਖ਼ਰਚ ਆਉਂਦਾ ਹੈ ।