ਵਿਧਾਇਕ ਦਲਵੀਰ ਗੋਲਡੀ ਨੇ ਖੂਨਦਾਨੀਆਂ ਦੀ ਕੀਤੀ ਹੌਂਸਲਾ ਅਫਜ਼ਾਈ

ਧੂਰੀ, 5 ਅਗਸਤ (ਪੰਜਾਬ ਪੋਸਟ- ਪ੍ਰਵੀਨ ਗਰਗ) – ਰਾਧੇ ਸ਼ਿਆਮ ਜ਼ੋਨਲ ਇੰਚਾਰਜ ਅਤੇ ਵਿਨੋਦ ਕੁਮਾਰ ਦੀ ਅਗੁਵਾਈ ਵਿੱਚ ਨਿਰੰਕਾਰੀ ਚੈਰੀਟੇਬਲ ਫਾਊਂਡੇਸ਼ਨ ਵੱਲੋਂ ਇੱਕ ਵਿਸ਼ਾਲ ਖੂਨਦਾਨ ਕੈਂਪ ਲਗਾਇਆ ਗਿਆ।ਹਲਕਾ ਵਿਧਾਇਕ ਦਲਵੀਰ ਸਿੰਘ ਗੋਲਡੀ ਖੰਗੂੜਾ ਨੇ ਖੂਨਦਾਨੀਆਂ ਦੀ ਹੌਂਸਲਾ ਅਫਜ਼ਾਈ ਕਰਦਿਆਂ ਕਿਹਾ ਕਿ ਖੂਨਦਾਨ ਇੱਕ ਉੱਤਮ ਦਾਨ ਹੈ ਅਤੇ ਖੂਨਦਾਨ ਦੇਣ ਵਾਲਾ ਵਿਅਕਤੀ ਜਿੱਥੇ ਖੂਨਦਾਨ ਕਰਨ ਨਾਲ ਕਿਸੇ ਦੂਸਰੇ ਵਿਅਕਤੀ ਦੀ ਜ਼ਿੰਦਗੀ ਬਚਾਉਂਦਾ ਹੈ, ਉੱਥੇ ਹੀ ਉਹ ਵਿਅਕਤੀ ਖੁਦ ਵੀ ਕਈ ਬਿਮਾਰੀਆਂ ਤੋਂ ਬਚਦਾ ਹੈ ਅਤੇ ਇਸ ਨਾਲ ਹਜ਼ਾਰਾਂ ਕੀਮਤੀ ਜਾਨਾਂ ਨੂੰ ਵੀ ਬਚਾਇਆ ਜਾਂਦਾ ਹੈ।ਇਸ ਮੌਕੇ ਵਿਨੋਦ ਕੁਮਾਰ ਅਤੇ ਗੁਰਮੀਤ ਸਿੰਘ ਵੱਲੋਂ ਦਲਵੀਰ ਸਿੰਘ ਗੋਲਡੀ ਅਤੇ ਉਹਨਾਂ ਦੀ ਧਰਮ ਪਤਨੀ ਸਿਮਰਤ ਖੰਗੂੜਾ ਨੂੰ ਸਨਮਾਨਿਤ ਵੀ ਕੀਤਾ ਗਿਆ।ਕੈਂਪ ਵਿੱਚ ਸੰਗਰੂਰ ਅਤੇ ਮਾਲੇਰਕੋਟਲਾ ਸਿਵਲ ਹਸਪਤਾਲ ਦੇ ਬਲੱਡ ਬੈਂਕ ਦੀਆਂ ਟੀਮਾਂ ਵੱਲੋਂ 285 ਯੂਨਿਟ ਖੂਨ ਇਕੱਤਰ ਕੀਤਾ ਗਿਆ।
ਇਸ ਮੌਕੇ ਰਾਜ ਸਿੰਘ ਖੇਤਰੀ ਸੰਚਾਲਕ, ਮੇਵਾ ਸਿੰਘ ਮੁਖੀ, ਡਾ. ਕੇ.ਸੀ ਗੋਇਲ, ਕੁਲਵੰਤ ਰਾਏ ਪੱਪੂ, ਕੌਂਸਲਰ ਪੁਸ਼ਪਿੰਦਰ ਸ਼ਰਮਾ ਤੇ ਅਸ਼ਵਨੀ ਧੀਰ, ਰਣਜੀਤ ਸਿੰਘ, ਬਚਿੱਤਰ ਪਾਰਸ, ਬਿੱਕਰ ਮਾਣਕ, ਗੁਰਮੀਤ ਸਿੰਘ ਸੰਚਾਲਕ, ਮੋਹਨ ਲਾਲ ਪੱਪੂ, ਗਗਨ ਸਿੰਘ, ਹਰੀ ਦੱਤ ਤਿਵਾੜੀ, ਜਸਵੀਰ ਸਿੰਘ ਅਤੇ ਨਰੰਜਣ ਕੌਰ ਭੋਲੀ ਆਦਿ ਹਾਜ਼ਰ ਸਨ।