ਜੈ ਹਿੰਦ

ਉਠੋ ਵਤਨ ਦੇ ਨੋਜਵਾਨੋ
ਜਿੰਦ ਦੀ ਬਾਜ਼ੀ ਲਾ ਦਿਉ।
ਏ ਹਿੰਦ ਦੇ ਵਾਸੀਓ,
ਜੈ ਹਿੰਦ ਦਾ ਨਾਅਰਾ ਲਾ ਦਿਓ।

ਦਿਵਾਲੀ ਦਿੰਦੇ ਨੇ ਭੁਲਾ,
ਹੋਲੀ ਛੱਡ ਕੇ ਟੁਰ ਜਾਂਦੇ ।
ਇਕ ਅਵਾਜ਼ ਦੇ ਪੈਣ `ਤੇ,
ਸਰਹੱਦਾਂ `ਤੇ ਉਹ ਨੱਸ ਜਾਂਦੇ ।
ਰੱਖੜੀ ਫੜੀ ਹੱਥ ਨੇ ਲੱਭਦੇ।
ਨਿੱਕੇ-ਨਿੱਕੇ ਬਾਲ ਨੇ ਤੱਕਦੇ।
ਕਿਤੋਂ ਨਿੱਕੀ ਜਿਹੀ ਬਾਰੀ `ਚੋਂ
ਚੂੜਾ ਝਾਤੀ ਮਾਰਦਾ।

ਕਿਤੇ `ਤੇ ਦਿਲ ਓਹਨਾਂ ਦਾ ਵੀ
ਵਾਪਿਸ ਘਰ-ਘਰ ਪੁਕਾਰਦਾ ।
ਪਰ ਛੱਡ ਕੇ ਇਹਨਾਂ ਕਰਮਾਂ ਨੂੰ
ਜਦੋਂ ਕਰਦੇ ਨੇ ਰਾਖੀ ਦੇਸ਼ ਦੀ।
ਪਿਓ ਦਾ ਸੀਨਾ ਖੁੱਲ ਜਾਂਦਾ,
ਜਦੋਂ ਮੋਤ ਨੇ ਮਰਦੇ ਸ਼ਹੀਦ ਦੀ।
ਤਾਂ ਗੁਰੂ ਪੀਰ ਪੈਗੰਬਰ ਨੇ ਕਹਿੰਦੇ,
ਇਹਨਾਂ ਤੋਂ ਤਨ-ਮਨ ਵਾਰ ਦਿਓ।

ਉਠੋ ਵਤਨ ਦੇ ਨੌਜਵਾਨੋਂ
ਜਿੰਦ ਦੀ ਬਾਜ਼ੀ ਲਾ ਦਿਓ।
ਏ ਹਿੰਦ ਦੇ ਵਾਸੀਓ
ਜੈ ਹਿੰਦ ਦਾ ਨਾਅਰਾ ਲਾ ਦਿਓ।

 
ਮੁਕਤਾ ਸ਼ਰਮਾ