ਸਬ ਜੂਨੀਅਰ ਬਾਕਸਿੰਗ ਖੇਡ ਪ੍ਰਤੀਯੋਗਤਾ `ਚ ਹਰਲੀਨ, ਤਿਸ਼ਾ ਤੇ ਐਨਮ ਸੰਧੂ ਨੇ ਜਿੱਤੇ ਮੈਡਲ

ਅੰਮ੍ਰਿਤਸਰ, 22 ਅਗਸਤ (ਪੰਜਾਬ ਪੋਸਟ- ਸੰਧੂ) – ਸੂਬਾ ਬਾਕਸਿੰਗ ਐਸੋਸੀਏਸ਼ਨ ਵੱਲੋਂ ਤਲਵੰਡੀ ਸਾਬੋ ਕੀ (ਬਠਿੰਡਾ) ਵਿਖੇ ਕਰਵਾਈ ਗਈ ਲੜਕੀਆਂ ਦੀ ਸਬ-ਜੂਨੀਅਰ ਖੇਡ ਪ੍ਰਤੀਯੋਗਤਾ ਵਿੱਚ ਅੰਮ੍ਰਿਤਸਰ ਜਿਲ੍ਹੇ ਦੀਆਂ ਖਿਡਾਰਣਾਂ ਦਾ ਪ੍ਰਦਰਸ਼ਨ ਸ਼ਾਨਦਾਰ ਰਿਹਾ।ਜ਼ਿਲੇ ਦੇ ਵੱਖ-ਵੱਖ ਸਕੂਲਾਂ `ਤੇ ਅਧਾਰਿਤ ਬ ਜੂਨੀਅਰ ਬਾਕਸਿੰਗ ਖਿਡਾਰਨਾ ਨੇ ਆਪੋ ਆਪਣੇ ਉਮਰ ਤੇ ਭਾਰ ਵਰਗ ਵਿੱਚ ਬਿਹਤਰੀਨ ਪ੍ਰਦਰਸ਼ਨ ਕਰਦੇ ਹੋਏ ਆਪਣੀ ਕਲਾ ਦਾ ਲੋਹਾ ਮਨਵਾਇਆ। ਜੀ.ਐਨ.ਡੀ.ਯੂ ਬਾਕਸਿੰਗ ਸੈਂਟਰ ਦੀਆਂ ਤਿੰਨ ਖਿਡਾਰਨਾਂ ਤੇ ਕੌਮੀ ਬਾਕਸਿੰਗ ਕੋਚ ਬਲਕਾਰ ਸਿੰਘ ਦੀਆਂ ਸ਼ਗਿਰਦ ਹਰਲੀਨ ਕੌਰ ਨੇ 58 ਕਿਲੋਗ੍ਰਾਮ ਦੇ ਵਿੱਚ ਸਿਲਵਰ ਮੈਡਲ, 52 ਕਿਲੋਗ੍ਰਾਮ ਭਾਰ ਵਰਗ ਦੇ ਵਿੱਚ ਤਿਸ਼ਾ ਨੇ ਬਰਾਊਂਜ਼ ਮੈਡਲ ਜਦੋਂ ਕਿ ਐਨਮ ਸੰਧੂ ਨੇ 50 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਬਰਾਊਂਜ ਮੈਡਲ ਹਾਸਲ ਕੀਤਾ।ਜਿੰਨਾਂ ਦਾ ਵਾਪਸ ਪਰਤਣ `ਤੇ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ ਗਿਆ।
ਕੋਚ ਬਲਕਾਰ ਸਿੰਘ ਨੇ ਦੱਸਿਆ ਕਿ ਜ਼ਿਲੇ੍ਹ ਦੀ ਸਮੁੱਚੀ ਸਬ ਜੂਨੀਅਰ ਬਾਕਸਿੰਗ ਟੀਮ ਦੀ ਕਾਰਗੁਜ਼ਾਰੀ  ਵਧੀਆ ਰਹੀ ਹੈ ਅਤੇ ਆਉਣ ਵਾਲੇ ਸਮੇਂ ਵਿੱਚ ਜ਼ਿਲ੍ਹੇ ਦੀਆਂ ਖਿਡਾਰਨਾਂ ਹੋਰ ਵੀ ਵਧੀਆ ਕਾਰਗੁਜ਼ਾਰੀ ਦਿਖਾ ਕੇ ਕੌਮੀ ਪੱਧਰ ਦੀ ਖੇਡ ਪ੍ਰਤੀਯੋਗਤਾ ਵਿੱਚ ਸਥਾਨ ਬਣਾਉਣਗੀਆਂ।