ਅਨੁਮੀਤ ਹੀਰਾ ਸੋਢੀ ਨੇ ਪਤੰਗ ਉਡਾ ਕੇ ਮਨਾਇਆ ਬਸੰਤ ਦਾ ਤਿਓਹਾਰ

ਫਿਰੋਜਪੁਰ, 11 ਫਰਵਰੀ (ਪੰਜਾਬ ਪੋਸਟ ਬਿਊਰੋ) – ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਮੈਂਬਰ ਅਨੁਮੀਤ ਹੀਰਾ ਸੋਢੀ ਨੇ ਆਪਣੇ ਦੋਸਤਾਂ ਅਤੇ ਸਮਰਥਕਾਂ ਦੇ ਨਾਲ ਪਤੰਗ ਉਡਾ ਕੇ ਬਸੰਤ ਪੰਚਮੀ ਦਾ ਤਿਉਹਾਰ ਮਨਾਇਆ।ਤਿਉਹਾਰ ਦੇ ਬਾਰੇ ਗੱਲਬਾਤ ਕਰਦੇ ਹੋਏ ਅਨੁਮੀਤ ਹੀਰਾ ਸੋਢੀ ਨੇ ਕਿਹਾ ਤਿਉਹਾਰ ਪੰਜਾਬ ਦੀ ਅਮੀਰ ਵਿਰਾਸਤ ਹਨ ਅਤੇ  ਬਸੰਤ ਬਹਾਰ ਦਾ ਤਿਓਹਾਰ ਆਪਸੀ ਪਿਆਰ ਤੇ ਭਾਈਚਾਰੇ ਦਾ ਪ੍ਰਤੀਕ ਹੈ।ਸਭ ਲੋਕ ਖੁਸ਼ੀਆਂ ਤੇ ਖੇੜਿਆਂ ਦਾ ਇਹ ਤਿਓਹਾਰ ਮਿਲ ਕੇ ਮਨਾਉਂਦੇ ਹਨ।ਬਸੰਤ ਪੰਚਮੀ ਦੇ ਇਸ ਤਿਓਹਾਰ ਦਾ ਨਾਮਧਾਰੀ ਭਾਈਚਾਰੇ ਨਾਲ ਵਿਸ਼ੇਸ਼ ਸਬੰਧ ਹੈ।ਜਿਕਰਯੋਗ ਹੈ ਕਿ ਬਸੰਤ ਮੌਕੇ ਜਿਥੇ ਬੱਚੇ ਤੇ ਨੌਜਵਾਨ ਪੂਰੇ ਪੰਜਾਬ ’ਚ ਪਤੰਗਾਂ ਉਡਾ ਕੇ ਖੂਬ ਮਨੋਰੰਜ਼ਨ ਕਰਦੇ ਹਨ, ਉਥੇ ਇਸ ਦਿਨ ਪਤੰਗਬਾਜ਼ੀ ਦੇ ਇਨਾਮੀ ਮੁਕਾਬਲੇ ਵੀ ਕਰਵਾਏ ਜਾਂਦੇ ਹਨ।