ਬਾਰਿਸ਼ ਕਾਰਣ ਟੁੱਟੀਆਂ ਸੜਕਾਂ ਲੋਕਾਂ ਦਾ ਆਉਣਾ-ਜਾਣਾ ਹੋਇਆ ਔਖਾ

ਜਲੰਧਰ, 7 ਸਤੰਬਰ (ਪਵਨਦੀਪ ਸਿੰਘ) – ਕਈ ਦਿਨਾਂ ਤੋਂ ਪੈ ਰਹੀ ਬਾਰਸ਼ ਕਾਰਨ ਅਬਰਨ ਸਟੇਟੇ ਫੇਸ-1 ਤੋਂ ਪਿੰਡ ਸੁਭਾਨਾ ਨੂੰ ਜਾਂਦੀ ਸੜਕ ਖਸਤਾਹਾਲਤ ਇਨ੍ਹੀਂ ਦਿਨੀ ਵਾਹਨਾਂ ਦਾ ਲੰਘਣਾ ਤਾਂ ਇੱਕ ਪਾਸੇ ਪੈਦਲ ਜਾਣ ਵਾਲਿਆਂ ਨੂੰ ਵੀ ਕਾਫੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ  ਅਤੇ ਲੋਕ ਤੇ ਸਕੂਲੀ  ਬੱਚੇ ਬਹੁਤ ਮੁਸ਼ਕਿਲ ਨਾਲ ਇਸ ਸੜਕ ਤੋਂ ਲੰਘਦੇ ਨੇ ਜ਼ਿਆਦਾਤਰ ਸਕੂਲ ਜਾਣ ਵਾਲੇ ਬੱਚੇ ਅਕਸਰ ਇਸ ਸੜਕ ਦਾ ਸ਼ਿਕਾਰ ਹੁੰਦੇ ਰਹਿੰਦੇ ਹਨ।ਰਾਤ ਸਮੇਂ ਕਈ ਲੋਕ ਕੰਮ ਤੋਂ ਘਰ ਪਰਤਣ ‘ਤੇ ਸੜਕ ‘ਤੇ ਡਿੱਗ ਜਾਂਦੇ ਹਨ।ਇਹ ਮਾਮਲਾ ਇਲਾਕੇ ਦੇ ਲੋਕਾਂ ਵਿਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ ਤੇ ਉਹ ਕਹਿ ਰਹੇ ਹਨ ਕਿ ਕੀ ਸਰਕਾਰ ਕਦੇ ਇਸ ਵੱਲ ਧਿਆਨ ਵੀ ਦੇਵੇਗੀ। ਇਲਾਕਾ ਵਾਸੀਆਂ ਨੇ ਮੰਗ ਕੀਤੀ ਹੈ ਕਿ ਇਨ੍ਹਾਂ ਸੜਕਾਂ ਨੂੰ ਜਲਦ ਤੋਂ ਜਲਦ ਬਣਾਇਆ ਜਾਵੇ ਤਾਂ ਜੋ ਲੋਕਾਂ ਨੂੰ ਆ ਰਹੀਆਂ ਸਮੱਸਿਆਵਾਂ ਦਾ ਹੱਲ ਹੋ ਸਕੇ ।