ਪਿੰਡ ਉਟਾਲਾਂ ਵਿਖੇ ਟਰੈਕਟਰ ਟੋਚਨ ਮੁਕਾਬਲੇ 10 ਨੂੰ – ਪੋਸਟਰ ਜਾਰੀ

ਸਮਰਾਲਾ, 8 ਮਾਰਚ (ਪੰਜਾਬ ਪੋਸਟ – ਇੰਦਰਜੀਤ ਕੰਗ) – ਖੇਡ ਮੁਕਾਬਲੇ ਕਰਾਉਣ ਲਈ ਇਲਾਕੇ ਭਰ ਵਿੱਚ ਪ੍ਰਸਿੱਧ  ਪਿੰਡ ਉਟਾਲਾਂ ਦੇ ਯਾਰਾਂ ਦੇ ਯਾਰ ਗਰੁੱਪ ਵੱਲੋਂ  ਪ੍ਰਵਾਸੀ ਭਾਰਤੀਆਂ ਅਤੇ ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ  10 ਮਾਰਚ ਨੂੰ ਟਰੈਕਟਰ ਟੋਚਨ ਮੁਕਾਬਲੇ ਸਰਕਾਰੀ ਹਾਈ ਸਕੂਲ ਦੇ ਖੇਡ ਸਟੇਡੀਅਮ ਵਿਖੇ ਕਰਵਾਏ ਜਾ ਰਹੇ ਹਨ।ਟਰੈਕਟਰ ਟੋਚਨ ਮੁਕਾਬਲਿਆਂ ਦਾ ਪੋਸਟਰ ਉੱਘੇ ਸਮਾਜਸੇਵੀ ਲੱਕੀ ਸੰਧੂ, ਅਮਨਿੰਦਰ ਸੰਧੂ, ਗਗਨ ਸੋਖੀ, ਅਮਿਤ ਉਟਾਲ, ਗਗਨ ਬਾਊਂਸਰ ਗਰੁੱਪ ਦੋਰਾਹਾ ਵੱਲੋਂ ਜਾਰੀ ਕੀਤਾ ਗਿਆ।ਇਹ ਟਰੈਕਟਰ ਟੋਚਨ ਮੁਕਾਬਲੇ ਦੇਖਣ ਲਈ ਸਮਰਾਲਾ ਇਲਾਕੇ ਵਿੱਚ ਪੂਰਾ ਉਤਸ਼ਾਹ ਪਾਇਆ ਜਾ ਰਿਹਾ ਅਤੇ ਇਸ ਖੇਡ ਮੁਕਾਬਲੇ ਦੀਆਂ ਤਿਆਰੀਆਂ ਸਕੂਲ ਦੇ ਸਟੇਡੀਅਮ ਵਿੱਚ ਪੂਰੇ ਜੋਰਾਂ ਸ਼ੋਰਾਂ ਨਾਲ ਚੱਲ ਰਹੀਆਂ ਹਨ।ਇਹਨਾਂ ਮੁਕਾਬਲਿਆਂ `ਚ ਪ੍ਰਵਾਸੀ ਭਾਰਤੀ ਇਕਬਾਲ ਸਿੰਘ ਯੂ.ਐਸ.ਏ, ਰਿਮੀ ਗਰੇਵਾਲ ਯੂ.ਐਸ.ਏ, ਰਾਜੂ ਯੂ.ਐਸ.ਏ, ਜਸਕਰਨ ਕਲੇਰ, ਗਗਨ ਸੋਖੀ, ਰਿੰਕੂ ਉਟਾਲ, ਤੇਜਪਾਲ ਉਟਾਲ, ਅਲੀ ਸੇਹ, ਗਗਨ ਕੱਦੋਂ, ਪਵਨ ਗਰਚਾ ਬਿਲਗਾ ਤੋਂ ਇਲਾਵਾ ਪਿੰਡ ਉਟਾਲਾਂ ਦੇ ਨੌਜਵਾਨ ਵਿਸ਼ੇਸ਼ ਯੋਗਦਾਨ ਪਾ ਰਹੇ ਹਨ।