ਮਿਸ ਫੇਅਰਵੈਲ ਨਵਕੀਰਤ ਕੌਰ ਤੇ ਮਿਸਟਰ ਫੇਅਰਵੈਲ ਗਗਨਦੀਪ ਸਿੰਘ ਚੁਣੇ

ਲੌਂਗੋਵਾਲ, 23 ਜੂਨ (ਪੰਜਾਬ ਪੋਸਟ- ਜਗਸੀਰ ਲੌਂਗੋਵਾਲ) – ਅਕਾਲ ਕਾਲਜ ਆਫ਼ ਐਜੂਕੇਸ਼ਨ ਗੁਰਸਾਗਰ ਮਸਤੂਆਣਾ ਸਾਹਿਬ ਵਿਖੇ ਪਿ੍ਰੰਸੀਪਲ ਦੀ ਨਿਗਰਾਨੀ ਹੇਠ ਅਤੇ ਸਮੂਹ ਸਟਾਫ ਦੇ ਸਹਿਯੋਗ ਸਦਕਾ ਬੀ.ਐਡ ਦੇ ਦੂਸਰੇ ਸਮੈਸਟਰ ਦੇ ਵਿਦਿਆਰਥੀਆਂ ਵਲੋਂ ਬੀ.ਐਡ ਦੇ ਚੌਥੇ ਸਮੈਸਟਰ ਦੇ ਵਿਦਿਆਰਥੀਆਂ ਲਈ ਵਿਦਾਇਗੀ ਸਮਾਰੋਹ ਕੀਤਾ ਗਿਆ।ਜਿਸ ਵਿੱਚ ਵਿਦਿਆਰਥੀਆਂ ਵਲੋਂ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ।ਡਾ. ਸੁਖਦੀਪ ਕੌਰ ਸਿੱਧੂ ਵਲੋਂ ਸਾਰੇ ਵਿਦਿਆਰਥੀਆਂ ਦੀ ਸ਼ਾਨਦਾਰ ਉਪਲੱਬਧੀ ਦੀ ਸ਼ਲਾਘਾ ਕੀਤੀ ਗਈ।ਇਸ ਵਿਦਾਇਗੀ ਪਾਰਟੀ ਵਿੱਚ ਵਿਦਿਆਰਥੀਆਂ ਨੇ ਮਾਡਲਿੰਗ ਕੀਤੀ ਅਤੇ ਸੱਭਿਆਚਾਰਕ ਗਤੀਵਿਧੀਆਂ ਪੇਸ਼ ਕੀਤੀਆਂ ਗਈਆਂ।ਜਿਸ ਦਾ ਵਿਦਿਆਰਥੀਆਂ ਦੇ ਜੀਵਨ ਵਿੱਚ ਬਹੁਤ ਮਹੱਤਵਪੂਰਨ ਸਥਾਨ ਹੈ।ਪਾਰਟੀ ਵਿੱਚ ਬੀ.ਐਡ ਦੇ ਚੌਥੇ ਸਮੈਸਟਰ ਦੀ ਵਿਦਿਆਰਥਣ 2019 ਦੀ ਮਿਸ ਫੇਅਰਵੈਲ ਨਵਕੀਰਤ ਕੌਰ ਤੇ ਮਿਸਟਰ ਫੇਅਰਵੈਲ ਗਗਨਦੀਪ ਸਿੰਘ ਚੁਣੇ ਗਏ।
ਫੇਅਰਵੈਲ ਦੀ ਪਹਿਲੀ ਉਪ ਵਿਜੇਤਾ ਮਿਸ ਰੁਪਿੰਦਰ ਕੌਰ ਤੇ ਦੂਸਰੀ ਉਪ ਵਿਜੇਤਾ ਮਿਸ ਮਮਤਾ ਰਾਣੀ ਚੁਣੀ ਗਈ।ਇਸੇ ਤਰਾਂ ਫੇਅਰਵੈਲ ਦਾ ਪਹਿਲਾ ਉਪ ਵਿਜੇਤਾ ਮਿਸਟਰ ਪ੍ਰਭਜੋਤ ਸਿੰਘ ਤੇ ਦੂਸਰਾ ਉਪ ਵਿਜੇਤਾ ਮਿਸਟਰ ਦਲਬੀਰ ਸਿੰਘ ਚੁਣੇ ਗਏ।